المواد الحرة والاختيارية بالترم الصيفي

[افهقولي]

السلام عليكم ورحمة الله وبركاته






اسعد الله اوقاتكم ياشباب ويسر الله اموركم لما يحبه ويرضاه

بعد ماخلصنا اختباراتنا هذا الترم ارجو من الله العزيز ان يوفق جميع الطلاب بنتايجهم

وبما انه حان الاوان اننا نلتفت للترم الصيفي كتبت لكم هذا الموضوع

وهو اني انا وخويي ناوين ان شاء الله ننزل ترم صيفي ونخليه مواد اختياريه مع حره عشان نرفع المعدل

طبعاُ تخصصنا ادارة اعمال - تسويق

وياليت ياشباب تساعدونا بأفضل المواد الاختيارية والحره لمن سبق لهم بأخذها السنه هذي
او الترم السابق

وايضاً لان هنالك تغييرات مستمره لدكاترة المواد وخاصه لهذا الترم فيصعب علينا الاعتماد
على الاترام السابقه بخصوص المواد الحرة والاختيارية

فالرجاء ان تخبرونا بافضل بالمواد الحرة والاختيارية وبافضل الدكاتره بالمواد الاختيارية والحرة وحبذا اذا احد خذها منكم ياشباب يعطينا نبذه عن طريقة الاسئله الي جته الترم هذا او الترم الي راح


والله يجزاكم خير ويوفقكم ياشباب ويا بنات في اختباراتكم وان شاء الله تتخرجون بمعدلات مرتفعه
وويسر لكم اموركم في الدنيا والاخرة


ننتظر ارائكم وتعليقاتكم بخصوص افضــــل المواد الاختيارية والحرة لهذا الترم الصيفي لتخصص ادارة اعمال

[اندومي]

الله يوفقكم ياغالي ويسهل امورنا واياكم

بالنسبه للمواد الحره التيرم هذا نزلت الرآي العام و الاقناع

مواد جدا سهله ومن الاخير حقت معدل

اما المواد الاختياريه نزلت تسويق دولي بس والصيفي هذا راح انزل الباقي اذا ربي سهل

لكن العبره هل تنزل المواد في الصيفي او لا

الصيفي اقترح عليك ياغالي تنزل لك واحده من المواد الصعبه وتنزل ثقافه والنوع الاجتماعي واي ماده ثانيه

بكذا تكون نزلت ٤ مواد في الصيف وتخفف ع نفسك في الاترام الجايه

وبالتوفيق ياغالي

[ملك المتعه]

تنويه الترم الصيف الحد الاعلى 9 ساعات فقط يعني 3 مواد
واذاكان ترم تخرج تقدر تنزل 15 ساعه

[ضحايا الصمت]

المشاركة الأصلية كتبت بواسطة ملك المتعه تنويه الترم الصيف الحد الاعلى 9 ساعات فقط يعني 3 مواد واذاكان ترم تخرج تقدر تنزل 15 ساعه

اذا ماني غلطان انها 12 ساعه للخريج مو 15 !!!!

[اندومي]

المشاركة الأصلية كتبت بواسطة ملك المتعه تنويه الترم الصيف الحد الاعلى 9 ساعات فقط يعني 3 مواد واذاكان ترم تخرج تقدر تنزل 15 ساعه

الف شكر اخوي ملك على توضيحك

بالنسبه للمواد الي حطيتها هي

ثقافه اسلامية 2 ساعة
النوع الاجتماعي 1 ساعة
وماده حره 3 ساعات
واي ماده ثانية 3 ساعات

وبكذا تكون اخذت 4 مواد ب 9 ساعات

[فوزان]

بالنسبه للنوع الاجتاعي 1 ساعه انا اختها هالترم وماذاكرتها بس قريت معلومه في المنتدى يقولون خليك نصير للمرئه وتنجح وهذا الي صار معي في الاختبار اي شي مع المرءه حطيته صح والي ضد المرءه ومصالحها حطيته خطأ والحمد لله جبت 90

[المشتـاق]

المشاركة الأصلية كتبت بواسطة فوزان بالنسبه للنوع الاجتاعي 1 ساعه انا اختها هالترم وماذاكرتها بس قريت معلومه في المنتدى يقولون خليك نصير للمرئه وتنجح وهذا الي صار معي في الاختبار اي شي مع المرءه حطيته صح والي ضد المرءه ومصالحها حطيته خطأ والحمد لله جبت 90

هههههههههههههههههههههههههه من جد وش هالمادة وهالدراسة

[فايز الصقري]

كيف نعرف المواد المتاحه ؟
هل كل المواد ستكون متاحه ام ان المسأله محدوده ..!!

[محمد عبدالله الدوسري]

المشاركة الأصلية كتبت بواسطة ضحايا الصمت اذا ماني غلطان انها 12 ساعه للخريج مو 15 !!!!

لتنوييه راسلت الجامعه بخصوص عدد الساعات للخريج فردوا علي أنهم يسمحون بــ15 ساعه

بالتوفيق للجميع

[اندومي]

المشاركة الأصلية كتبت بواسطة فايز الصقري كيف نعرف المواد المتاحه ؟ هل كل المواد ستكون متاحه ام ان المسأله محدوده ..!!

بعض وليس كل المواد راح تكون متاحة

لان بعض الدكاترة ما ينزلون صيفي

وبالتوفيق