أيهما اختار مصيري الجامعة العربية أم جامعة الملك عبدالعزيز؟ ساعدوني

[عبدالرحمن اليحيان]

بسم الله الرحمن الرحيم


السلام عليكم ورحمة الله وبركاته وبعد


اخواني واخواتي الاعزاء مع التحية


مدري وش اقولكم صراحه ودي اني اكمل مشواري معاكم ولكن ماادري وش رايكم وردودكم بناء عليها يمكن اعدل عن قراري كل شي جايز .

انا ولله الحمد تم قبولي بالجامعة ومابقى الا البطاقه بس .

بحكم اني من سكان الدمام وشايل هم الروحه والجيه ومشقة السفر قلت خلني اقدم على الجامعة العربية المفتوحه اللي فرعها الجديد بالدمام ويوم قدمت عليهم سوو لي اختبار انجليزي تحديد مستوى ومن هذا القبيل

المهم جا قبولي من الجامعة العربية ولكن الان انا محتار ومعلق بين الاثنين ماادري وش اسوي
يعني تخيلوا ساكن بالدمام ولما يجي اختبار اروح لجده لاني مستحيل اختبر بالدمام لازم اروح هناك افضل .
وبعدين نظام انتساب غير نظام انتظام لانه يدون بالشهاده
صحيح جامعة الملك عبدالعزيز قديمه وقويه جدا ولا عليها غبار ولكن تتوقعون اني ادخل الجامعة العربية اللي تأسست من 2002 م فقط يعني مده قليله بحقها وعلما بأن دراستها انجليزي بانجليزي يعني مافيه
بس اعتب عليهم بالاداره عندهم ادارة متخبطه يعني يعانون شوي الطلبه .


انا الى الان ماسويت شي يعني عندي قبولين بكلا الجامعتين
اذا صدق لي غلاة عندكم ياليت تفيدون وتحبون لي الخير ماتحبونه لأنفسكم لأني محتار والله العظيم ماادري وش أسوي .
يعني وش تنصحوني فيه ووش اللي تشوفونه انسب لي بحكم خبرة البعض , ابيكم تنوروني على اشياء انا مااشوفها ترى اتقبل منكم عادي مافيه اي مشكله . العلم مافيه عيب
لاتقولون انت قرر ولا انت اللي تشوفه يناسبك افضل لاني اصلا انا خارج التغطية والتفكير بنفسي
اتمنى تفيدوني وتسدون علي بالنصايح اللي تشوفون فيها الخير للجميع ولي وماانسى وقفتكم .

<< لاتخافون حتى لو بروح الجامعة العربية لاتقولون بيخلينا بقعد عليله عليكم

[فتفوتة سكر]

حيـاك اخي..
ممكن تلقى افادة الطلاب على هذا الرابط
http://www.skaau.com/vb/showthread.php?t=16049
واكيد الباقيين ماحيقصرو ...

[FAHADX]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
جامعة الملك عبدالعزيز
1. تسافر لجدة لأداء الامتحانات
2. التواصل من خلال الدورات التأهيلية فقط
4. كل ماتبي شغلة تسافر لهم لجدة
5.سهولة الدراسة نسبياً مقارنة بالجامعة المفتوحة
6.معترف بها داخليا ودوليا
7. تكاليفها اقل من الامعة المفتوحة
8. اغلب المناج بالعربي

المفتوحة
1.تختبر بالرياض
2. سمعت انك تحضر للجامعة في فترة معينة يوجد تواصل
3. الطاقم الاكاديمي متفهم ومرن
4.تكاليفها عالية
5. اغلب المناهج بالانجليزي
6. والله مادري هي معتمدة والا لاء

وانا ارشح لك جامعة الملك عبدالعزيز أضمن باذن الله وافيد

[حوته]

جامعه الملك عبدالعزيز افضل بكثير وبعدين تقدر تختبر في الدمام بدون السفر الى جده في معهد العالميه اللي بالشارع الاول بالدمام او قاعه السيف اللي في الخبر مقابل فؤاد سنتر..........وتكاليف اقل واسهل من الجامعه العربيه المفتوحه اللي اشك في شهادتها هل هي معتمده ولالا لايغرك موظفهم اكيد بيقول معترف فيها عشان تسجل عندهم (انا درست فيها سنه قبل جامعه الملك عبدالعزيز وبعدها فصلت لانها ضحك على الذقون تشديد من الدكاتره وزحمه واذا جاء الاختبار يقول يالله كل واحد يفتح كتابه يغش قبل يجي المدير هههههههههههههههه وهذا طبعا يسيئ للجامعه وبيصير الجميع يعرف وش اللي متخرج منها يعيني الزبده كأنك تشتري شهاده بارده مبرده ولكن بطريقه اخرى بعد اربع فصول بدل ماتحصل عليها مباشره........الرأي لك اخوي وهذا رأي بصراحه تحياتي لك

[الطالبة ميمو]

أرشح جامعة الملك عبدالعزيز ،،

لأنك لما تنتسب ماعندك إلا أيام تنعد على الأصابع تروح فيها لجدة
وهذا مستقبل يستحق التضحية ..


بقى الامور الأخرى
وهي المصاريف والمناهج

وأعتقد أنه يوجد فرق ،،

طبعا أنا لا أحب الهرب من المناهج الصعبة اللى تؤدي إلى تميز مستقبلاً
ولكن يجب أن تكون مقتنع من هاتين الناحيتين


أكرر

المستقبل يحتاج تضحية


تحيتي لكــ وتمنياتي بالتوفيق

[hbhb511]

خلك في الحكومي ماتندم
<== وجهة نظر .!

[عبدالرحمن اليحيان]

الله يجزاكم الف خير

مشكورين وماقصرتوا صراحه


بالتوفيق للجميع

بجلس مع نفسي شوي وبقرر خلاص

[عبدالرحمن اليحيان]

ابشركم خلاص صليت استخاره وسبحان الله شفت اني اكمل دراستي وابدا في جامعة الملك عبدالعزيز
مع انها بعيده عني وعندي قبول بالجامعة العربية وانتظام الا اني شفت الانتساب بعبدالعزيز افضل بكثير

كون الجامعة عريقه وقويه

واتمنى يكون لي قبول عندكم وترحيب من جديد ههههههه


الله يوفق الجميع لما يحب ويرضى واللي تبونه احنا حاضرين

[مرسال14]

بالتوفيق يارب

[زهرة الشوق]

بسم الله الرحمن الرحيم

الحمد لله رب العالمين
انا أبضاً كنت سأرشح جامعة الملك عبد العزيز
والله يوفقك يارب و أهلاً بك بين اخوانك