بخصوص اسماء الطالبات المقبلوه اعذارهم لاعاده الاختبار ارجو المساعده

[rawan abulfaraj]

السلام عليكم ورحمه الله وبركاته
انا كان عندي اختبار يوم السبت وفات عليا وجبتلهم عذر من مستشفى حكومي
ووديتو للاداره حقت الانتساب
اخدتو مني وقالتلي راح تطلع اسماء في النت للبنات الي انقبلت اعذارهم وينزلهم جدول اختبارات
بليز الي عندو خلفيه عن الموضوع ياريت يفدني واكيد في غيري كمان
انا را خايفه انهم ما يقبلو عذري
بليز الي قد مر بالموضوع دا يقولنا متى بيكون الاختبار وفين الاقي الاسماء حقت البنات والجدول الجديد
ومرا شكرا طولت عليكم

[سلطان مشخص]

الله يكون في عونك
ان شا لله الخبر مع الشباب

[rawan abulfaraj]

اميييين يارب شكرا
بلييييييييييييييييييييييييييييييييييييييز سا عدونيييي

[صمت مسموع]

المشاركة الأصلية كتبت بواسطة rawan abulfaraj السلام عليكم ورحمه الله وبركاته انا كان عندي اختبار يوم السبت وفات عليا وجبتلهم عذر من مستشفى حكومي ووديتو للاداره حقت الانتساب اخدتو مني وقالتلي راح تطلع اسماء في النت للبنات الي انقبلت اعذارهم وينزلهم جدول اختبارات بليز الي عندو خلفيه عن الموضوع ياريت يفدني واكيد في غيري كمان انا را خايفه انهم ما يقبلو عذري بليز الي قد مر بالموضوع دا يقولنا متى بيكون الاختبار وفين الاقي الاسماء حقت البنات والجدول الجديد ومرا شكرا طولت عليكم

ياهلا اختي

اول شي الحمدلله عالسلامه

ثاني شي ربي يوفقك ان شاءالله ويقبلون عذرك وتجيبين افضل الدرجات

عزيزتي راح تنزل اسماء المقبوله اعذارهم في موقع الجامعه وكمان هنا في المنتدى ينزلون الرابط يعني لاتشيلي هم والجددول على مااظن ياانه ينزل في الموقع او انك بعد ماينزل اسمك تراجعين ادارة الانتساب وتعرفين موعد اختبارك ..

موفقه ياااااارب

سي يو

:)

[rawan abulfaraj]

السلام عليكم
مرا شاكرتلك اختي
بس حبيت اعرف اذا عندك خلفيه هي الاختبارات بتكون بالصيف ولا الترم الجي
وشكرااا :)

[صمت مسموع]

المشاركة الأصلية كتبت بواسطة rawan abulfaraj السلام عليكم مرا شاكرتلك اختي بس حبيت اعرف اذا عندك خلفيه هي الاختبارات بتكون بالصيف ولا الترم الجي وشكرااا :)

وعليكم السلام ورحمة الله

مااعتقد انها تطول بس انتي تابعي انا على مااذكر انه زميلتي اخذت يمكن اسبوعين اول ثلاث اسابيع ونزل موعد الاختبار

موفقه يارب

سي يو

:)

[الحريف]

حتى انا قدمت لهم ورقة اختبار بديل قال لي تابع الدرجه حقتك لين تتعدل at

المهم يقولون تطلع الاسماء في شهر 10 على حسب كلام احد الاخوان في المنتدى.

[rawan abulfaraj]

مرا مشكوووره
بس مرا كتير الين شهر 10 على كدا راح نختبر في رمضان
ايش دا مرا شي يقهررررر والله اعلم كمان اذا انقبلت اعذارنا ولا لاء
الموت البطيئ

[اماني الطائف]

الاسماء راح تنزل في شهر رجب
والاختبار بعد العيد الكلام من فم المسؤله للكيبورد

و قود لك

[rawan abulfaraj]

مرا شكرا الله يوفقكم يارب كلكم