دكااتره المستقبل ياليييت تدخلو

[D.atomy]

السلآلآم عليـــكم ورحمـة الله وبركآآته
^
^
^
إحم إحم لآ يغركم الإسم ترى انا لآني دكتوره و لا شي ولسه ماتخرجت يعني لسه داخله ع ثآلث ثآنوي
>>اكيد بتقولو ايش جآبها هنا

اممم بدون أي مقدمآآت

أنا لسه داخله ع ثالث ثآنوي وأموووت في شي إسمو طب
يعني من كنت صغيره وانا احلم اصير دكتورهـ
وإن شآء الله لمن اتخرج بجي عندكم في جامعه الملك عبد العزيز

الزبـــدهـ

بصرآحه أنا انسانه احب الطب لدرجة اني لمن اروح مستشفى
اقعد مفهيه في الدكاتره وافتح اذني قد ما اقدر عشان يمكن احفظ كلمة من هنا ولا هنا
لدرجة انو مرة تعورت في رجلي ورحت المستشفى عشان يسوو لي خيآآطه
وقعدت مندمجه مع النيرس وهيا تخيط عشان اتعلم وما حسيت يالام

يعني اني مستعده اسوي كل شي عشآآن اصيير دكتورهـ
وانا دحين في هالصيفيه بآخذ كورس أنجليش عشان اقوي لغتي شويتين
وكمآآن أحاول قد مااقدر اقرأ كتب وادور على موآقع في النت اتعلم منها
بس مايصير اتعلم شي كذا عشوآئي

يعني المطلوب منكم اذا ما عليكم أمر يالطلاب
إنكم تعطوني أسماء كتب أو موآقع في النت تعلمني
وتعطوني طريقة تعليمكم يعني من ايش لازم ابدأ >> من الاسهل للاصعب
عشآن لمن ادخل طب ما اصير زي الاطرش في الزفه
أبغى أحفظ مصطلحات طبيه واشياء زي كذا من دحين
بدل تروح الاجازه في الطلعات بقعد احفظ
يعني ابغى ادرس طب من دحين قبل لا ادخل الجامعه

>>> امممم ان شاء الله وصلت لكم فكرتي


وكمان ياليت تقولو لي كم النسبه الازمة عشان اتقبل في الجامعه
>> مع العلم انو نسبتي في ثاني 98 >>> في امل مني ولا >> لا تغركم النسبه ترى درجاتي في مواد العلمي كاامله بدون لا اتعب في المذاكره بس مشكلتي في العربي عشان كذا نقصت ..

وكمان كم معدل السنه التحضيريه الللازم عشان ادخل طب >>> أكثر شي مخوفني السنه التحضيريه


وكمان حابه اقولكم الله يوفقكم في دراستكم

[JuStice]

.

وعليكم السلام ورحمة الله وبركاته ,

الله يوفقك في تالتة ثانوي وتكوني بعد سنتين في كلية الطب إن شاء الله (:

حاولي تستغلي الإجازة أول حاجة في الإنبساط والطلعات والفلّة عالأقل التلاتة أسابيع الأولى .. لأنها إجازة فـ استمتعي فيها

ومهم تقوي لغتك الإنجليزية ,

بس لا تعتمدي على المعهد لوحده لأن فائدته مو كبيرة إذا إنتي نفسك ما بذلتي جهد خارج مناهج المعهد .. واعتبري تعلم الإنجليزية كـ تسلية ومتعة مو كـ دراسة عشان ما تطشفي وتملي منه .

وإذا تبغي تستعدي لكلية الطب - مع إنه مرررة بدري عليكِ - دوري على مواقع في النت وحاولي تعرفي مثلاً أسماء العظام والأعضاء الداخلية بالإنجليزي

ونسبتك ممتاز في تانية ثانوي حافظي عليها في تالتة وموفقة إن شاء الله

.

[د. توتة]

هههههههههههههههههههههه ذكرتيني بنفسي وبالأيااااااااااام الي راحت

ياللله طلع الطب هو والعالم وقصة الحب الأزلي وقيس وليلى هع

مااااالك بالطويلة وأنا أخيتك ماشاء الله واضح انك تحبي الطب وهذا اهم شي وهذا الي راح يكون لك دافع بعدين انك تكملي مسيرتك حتى لو واجهتي صعوووبات وعوائق تبقى المتعة واللذة فوق كل شي وهي لدافع لك

بالنسبة للصيف استغلية باللعب والرووووحات والجيات ويكفيك لو خصصتي ساعة قبل النوم وخليها لتطوير انجليزيتك حاليا اما بالنسبة للمواضيع الطبية فانا اشوف بدري الاطلاع عليها من الان

ولا تنسي المتعة ثم المتعة ثم المتعة

وهذا الي أغلب طالبات الطب يغفلوا عنوا وانتي وانتي بيدك تحولي حياتك الى جحيم أو إنك تستمعي فيها والطب مو نهاية العالم بالعكس تماااااما

اتمنى ردي السريع يناسبك بس كنت مستعجلة وذكرتيي بنفسي لمن كنت صغيررررة ومررررررررت الايام ودخت الطب والحمدلله والحين سنة رابع.

عقبالك إن شاء الله