دخل غرفة اخته في الفندق فوجد اعز اصدقائه

[dr_love]

بدت القصه لما كان سعود يدق على صديقه خالد


ودار بينهم هذا الحوار



سعود: هلااااا اخوي خالد شلونك 00



خالد: الحمد لله وشلونك انت 00



سعود: بخير الله يسلمك ويرضا عليك الا ما ودك تطلع معى للدمام بودي اختي نورة لخالتي ونروح بعدين للبحرين وش رايك


خالد: والله فكره بس احراج يعني اروح معنا اختك و.. 00



سعود: لااااااا ابد ما فيها شي بعدين نورة زي اختك



خالد: طيب اتكلنا على الله



وطبعا نورة هذي كانت تموت بخالد فركبت وراه بالسياره وكتبت بورقه
(خااالد انا احبك كلمني على رقم 00000)
واول ماركبت قامت وحطتها بيد خالد بدون ما يحس اخوها



المهم ان خالد قام يقول في نفسه : والله احراج اخوها جنبي وهو اعز اصدقائي وتبيني اكلمها صدق قليلة ادب


طبعا البنت ما عجبها ان الولد ما رد قامت تنغزه وتسوي له حركااااااااااااااات !!!

هو يروح يمين وهي ورااااه تنغزه ومسكين يروح يسار و يبعد عنها وفي نفس الوقت طبعا ما يبي يحسس اخوها ان في شي جالس يصير عشان ما تصير مشكلة وكارثة.....




وشوي والا خالد صرخ في وجه سعود وقاله وقف .....


رد عيه سعود وقاله سلامات خير ان شاء الله ....


خالد انحرج مايدربي وش يقول ......وقال لسعود بس شفتك تنعس قلت وقف وانا اسوق مكانك لا تودينا في داهيه قام وبدل مع سعود سواقه علشان يبعد عنها. الا ان نورة (ان كيدهن عظيم ) قالت لأخوها وقف السيارة شوي بروح للدوره ...
وفعلا وقف ونزلت وبعدين رجعت ركبت لكن من جهة خالد ورجعت لحركاتها والولد صبر لين وصلوا الشرقيه



ولما وصلو لقوا خالتها رايحه برى البيت .... راحوا فندق وما لقوا الا جناح واحد فاضي ..... فحطوا نوره في غرفه مستقله وافصلوها بستار ....وخالد وسعود في الغرفه الثانيه ....

دخل خالد يبي ياخذ دش الا يجيه سعود ويقوله انا بروح اكمل اجرائتات الفندق واطلب العشا ....ارتبك خالد وقاله لا تتاخر ...... طول سعود تحت وخالد منتظر داخل الدوره ما يبي يطلع خايف من نوره لا تسوي شي معه ...... وراحت نص ساعه وساعه وسعود ما رجع فقرر انه يطلع من الدوره ويروح يصك الغرفه على نفسه ......


اول ما فتح الباب والا الموبايل حقه يرن رنة رساله والثانيه وراها فاخذ الموبايل وقرا الرساله لقى فيه ( حبيبي خالد معاك نوره ممكن تجي الغرفه عندي سعود اتصل وقال بيتاخر شوي ).....

اول ما قرى الرساله ويروح جري على غرفته ويفتح النور ويلقى وحده جالسه على السرير ومغطيه وجهه ..... خالد ما درى وش يسوي وقعد يسب ويلعن ويقولها يا بنت خافي ربك انتي ما تستحين !!! اخوك معانا وانا وياه اصدقاء يعني تبين تسوين فضيحة ؟؟!! قامت وحضنته وبهذي اللحظه يدخل سعود اخوها ........






في هذه اللحظه وش تتوقعون ردة فعل خالد .......










وكيف موقفه قدام سعود .......










وشلون يشرحله ........











وهل ممكن يصدقه .......










والمسيكين انخبص عقله واغمى عليه ......























ويقعد سعود وأخته يضحكوووون ضحك سنة بساعة ويحاولون يصحون خالد ويحاولون يقومون فيه .. ويقولون له قووم قووووووووم مافي نوره ولا شي ... طبعا اخت سعود مو بنت!! هاذي واحد من الشباب بس لابس عباه ومسوي نفسه بنت عشان يسوي مقلب ومسكين خالد اكلها أكـــــــــــــــــــل

[مشاعر حائره]

حرام عليك


وربي نشفت ريقي وانا اقرا



عيوني مبققه


عن جد اقول وش ها الجراه



قليلة ادب وقوية عين


بس والله قصه حلوه



مسكين خالد



تحياتي

[قمر هالكون]

يا حرام الولد بغى يروح فيها من الدم الثقيل والمزح البايخ

هذا شي ينمزح فيه

والله لو اني من خالد ما ارجع لهم مرة ثانيه

هههههههههههههههه

مشكووور اخوي قصة حلوة

[dr_love]

مشكورين على مروركم وردكم

[fOfOoOo]

حرام عليهم نشفوا ريق الادمي

مسكين و الله بس طلع ابن حلال

[wizard]

و قسما بالله قربت ابكى

والله انك تحفة (i mean uniqe)

بس لا تسويها تانىكله ولا المزح البايخ

[فرفــ جده ــوش]

هههههههههههههههههههههههههه حرام عليك dr_love وربي جالس انتظر اللحظه الحاسمه وابي اشوف اش رح يصير في الاخير طلع صااااااااااااااااادوووووه اصلا انا لو من خالد كنت ذبحتك الرجال
يعطيك العافيه

dr_love

[king net]

الله يهديك
والله قلت راح فيها الرجال
وبينضرب لكن يله
بيغلي اشوفك واسويها فيك

[جولف]

وربي خفت