هل في أمل أنا يئست خلاص

[كاسه]

السلام عليكم .. اخباركم ياحلوات

أنا سنة تحضيرية أنتساب حلمي تصميم داخلي

شديت حالي و جبت معدل 4,5 الحمد الله

اليوم رحت الجامعة كنت بسأل كيف أقدر احول للتصميم

قالو في العمادة التحويل للأنتظام بعد المستوى الثالث

رحت الزهراء قالو المبنى اليوم بيقفلوه و كله عمال مانقدر نخليكي تدخلي

و الله ضاقت فيني الدنيا و رجعت البيت دمعتي على خدي و نص ساعة و انا في سريري أبكي

بالله يا بنات لو حولت بعد المستوى الثالث أنتظام هل راح أقدر أسجل تصميم

أنا الي أعرفه لازم في اختبار أدخله يعملوه بداية كل سنة هل في أختبار ثاني برضو يعملوه في نص السنة ؟

أنا مستحيل أستنى بداية السنة الجاية عشان أدخل الاختبار راح أكون خلصت سنتين في تخصصي

الله يخليكم ردو على بسرعة أنا مررره محطمه و الله من يوم خلصت دراسة و أنا تعلم رسم و أشتريت مجموعة المراسم و بدأت في رسم البورتريه من بعد ما كنت فاشلة رسم صرت فنانة كلو لعيون التصميم ..:(

و تتوقعو الواسطة تنفع في حالتي و لا لاء ؟

[متاخره واااايد]

اولا لو انتي انتساب لازم تحولي انتظام ياقلبوو لانو التصميم للانتظام بس

تانيا انتي ايش تخصصك علمي ولا ادبي ؟ .. لانو التصميم للعلمي

فلو كنتي علمي وحولتي انتظام ممكن تخشي تصميم اما عن الاختبار فااظن في بنص الترم والله واعلم

على حسب ممكن يغيرو النظام لانو هما ماشاء الله نشيطين بزياده وكل يوم بقرار

انتي استهدي بالله وكل شي ترى خيره من ربك يعني ماتدري ممكن لو ماخشيتيه تخشي مجال احسن منو

فلا تتحطمي ولا تكتئبي

الله يوفقك يارب ويحققلك اللي تتمنيه

دعواتك ^_^

[Twix~}..]

يالبيه عليكي ياقلبي ..

لا تتحطمي ولا تيئسي ولا تبكي ولا اي شي .. ترآ مافي شي استهال ..

رتبي امورك اول عشان تعرفي توصلي للي تبغي ..

طبعا زي ما قالتلك متآخرهـ وآآآيد ..

انو اول شي عشان تتخصصي بآي قسم بكلية الاقتصاد المنزلي لازم تكوني انتظام ..

ثاني شي اذا علمي فلكي 3 تخصصات واذا ادبي لكي 4 تخصصات .. فانتي ايت علمي ولا ادبي ..

ثالث شي اذا ما اتحولتي انتظام بداية السنه ومازلتي لسا انتساب تقدري تدرسي اي تخصص والمواد الي تاخذيها خذيها مواد عامه بكدا ان شاء الله لما تحووولي ما تروح عليكي الساعات الي اخذتها يصير انتي الي مستفيده ومنتي خسرانه شي ..

رابع شي بالنسبه للاختبار انتي ممكن تسألي اذا كان تقدري تدخلي ولا لا حتى لو ماراح يخصصوكي لانك انتساب والتحويل ماراح يصير الا بعد المستوى الثالث .. فاسالي واتاكدي ممكن يخلوكي تدخلي تتختبري ..

ما خلوكي تختبري نو بروبلم لسا في امل تتخصصي بالقسم الي انتي تحوووبي ..

بس الي انا اعرفو عن الاختبار انو يكون مع بدايه كل سنه بس ممكن يسو اختبار بنص السنه ما ادري .. زي ما قالت كل شويا لهم قرارات جديده ..

وخامس شي .. انو حتى لو ما عملو اختبار كملي المستوى الرابع بالكلية اي راح تدخليها وبرضو ادرسي مواد عامه واذا اخذتي شي من مواد التخصص لا تخافي ماراح يروح عليكي شي راح يحسبوها لكي مواد حرهـ وبكدا مافي شي يضيع عليكي ..

والواسطه تنفع في دي الامور :$ شدي حيلك لو عندك واااسطه واستخدميها :)

موووفقه يارب ..

[بنت جدة المنكوبة]

مادري
ماحبيت أطلع من الموضوع من دون ماأرد
بس تمنيت اساعدك
لو كان عندي رقم أحد من الإسكان لو أعطيتك بس للأسف ماعندي

[Twix~}..]

نسيت اقلك انو دحين الاستاذات الي بالاقتصاد المنزلي صارو بيدامو في كلية الطب عشان التصليحات .. بس وين ما ادري ..

لانو استاذهـ نسرين قالتلنا اي مواد حره او اختياريه لا تجو اتصلو عليا وانا انزلها لكم ..

يسااااااااعده دي الاستاذه ياحبني لها ..

[بنت جدة المنكوبة]

أيوا هما نقلوا كلية الطب هادا إلي أعرفوا أنا كمان

[بنت جدة المنكوبة]

المشاركة الأصلية كتبت بواسطة Twix~}.. نسيت اقلك انو دحين الاستاذات الي بالاقتصاد المنزلي صارو بيدامو في كلية الطب عشان التصليحات .. بس وين ما ادري .. لانو استاذهـ نسرين قالتلنا اي مواد حره او اختياريه لا تجو اتصلو عليا وانا انزلها لكم .. يسااااااااعده دي الاستاذه ياحبني لها ..

طيب حقون الإسكان مو ممكن يوصلوا للتصميم الداخلي
وكمان شوفي موقع التصميم الداخلي أكيد يكونوا حاطين وسيلة للإتصال بيهم
http://interior-design.kau.edu.sa/De...d=25304&lng=AR
وبالتوفيق ياعسل

[كاسه]

تسلمو حبايبي ربي يسعدكم و يحققلكم كل أمانيكم يارب

متأخرة وااايد حبيبتي أنا متخرجة علمي بأمتياز شايفة الحظ :(

Twix~}.. , بنت جده المنكوبة

ربي يسعدكم يارب .. أنا دخلت الموقع اليوم و شفت أسماء الأعضاء
سبحان الله أرتاح قلبي لدكتورة علا و راسلتها و ردت علي قالت أن القسم أتنقل لكلية الطب و لازم أروح اسال عن وضعي و عن معادلت المواد و قالت إذا أنقبلت و دخلت الأختبار في أختبار قدرات لازم أسويه بداية المستوى الجاي يعني مشواري طويل و الدكتورة أعطتني أمل .. بإذن الله بكره بروح كلية الطب و أشوف أيش يطلع معايه

يارب أسعد كل من ردت علي ووفقها و حققلها كل الي تتمناه .. و الله ماتصدقو قد ايش ريحتوني حسيت في أحد معبرني و مهتم بموضوعي :(

[Twix~}..]

يا حياتي كلنا لبعض والله يسسسعدك ياااارب ويحقق مناكي ان شاء الله وتتخصصي ..

وبشريني ايش يصير معاكي بكرهـ ..

وموفقه يارب ..

[بنت جدة المنكوبة]

بالتوفيق للجميع
كلنا أخوات...ولاشكر على واجب