حــرام عليهم كده يعمـــلوووو

[أملي فيك كبير]

احباط الجامعه احبـــاط
حرام عليهم كده
الف ورقه نكتب اسامينا وايش نبغى مواد وايش وايش
وفالنهايه في يوم التسجيل كده يقولو
!!
خلاص اتكنسلت المواد بكل سهوله

عموما الي راح تضيف لنفسها ماده لازم يوقعوها على ورقه
انها ان حذفتها لو بعدها بساعه حتاخد f

فكرو استخيرو ووكلو امركم لله

[متاخره واااايد]

يابطه استهدي بالله

بعدين ايت مواد كنسلوها ؟

انا اعرف انهم فتحو بس المواد العامه والحره والاختياريه قال ممكن بس مو اكيد

وانا رحت عندهم وسجلت وقالولي تعالي السبت عشان توقعي

الله يعيننا يآآرب ويوفقك ياعسل ولا تحطي ببالك كل شي خيرة من ربنا ^_^

[أملي فيك كبير]

يا وزه كنسلو مواد التخصص الاختياريه " حقت قسمي " ادارة سكن"

انتي تعذيه غير
احنا الاستاذه الي اتكرمت عشان تعطينا فالصيف " اعتذرت يوم التسجيل "

[ساكنه في بيتنا]

الله يكون في عونكم

و الله حوسه !!

[Twix~}..]

يالله الحمد الله اني ماروحت وطول الليل وانا جالسه استخير ربنا ..

وبعدين نمت على اساس استاذه نسرين تكلم صحبتي عشان نشوف متى نروح واستنى لما عشره وما اتصلت ..

فقلنا خلاص حنبطل شكلنا من الترم دآ الي حوستو حوسه ..

[متاخره واااايد]

ياقلبو عادي لاتشيلي هم انا ماادري تخصصنا فتحو مواد اختياريه ولا لا

لانو حضراتهم كلهم مسافرين وقالو ممكن نفتح .. وانا ماسالت قلت ليش اتعب حالي اتوقع مافتحوو كمان

لو تبغي خوديلك ماده حره او عامه .. ولو تبغي اخليهم كمان يدوكي مواد تخصصنا ايش تبغي كمان اهم شي فكي البوز دا ^_^

[متاخره واااايد]

المشاركة الأصلية كتبت بواسطة twix~}.. يالله الحمد الله اني ماروحت وطول الليل وانا جالسه استخير ربنا .. وبعدين نمت على اساس استاذه نسرين تكلم صحبتي عشان نشوف متى نروح واستنى لما عشره وما اتصلت .. فقلنا خلاص حنبطل شكلنا من الترم دآ الي حوستو حوسه ..

الله يعينكم بس كان روحتي .. انا روحت على 10 وكانو كلهم موجودين

لو تبغي ترى يوم السبت برضو شغالين وبالنسبه للتقافه ترآ وسعو الشعبه انا توي ضايفتها من موقعي

تقدري تضيفيها لحالك
<<< شكلي حفتح موضوع باسم شعبه التقافه اتوسعت

[Twix~}..]

بس انا ابغى عربي وكل ما ادخل مافي ولا حتى نص شعبهـ ..

:(

[أملي فيك كبير]

استاذه نسرين والله احسها ندمت انها عطتني رقمها
والله اني لبش

بس مسكينه اليوزر حقها ما فتح امس

دقت على 11 تقريبا وقالت بكره اروح باللاب توب حقي و حأخد الوايرلس حقي
واليوم دقت قالت انه لازم الي يبغى يجي السبت
و يوزراتهم ما فتحت

لو خير لكم حتاخدو بس انتي و صاحبتك جربو تاني
وانا متاكده ان رحتو السبت حتسجلو

الله يسهل عليكم

[Twix~}..]

ان شاء الله حكلمها ونروح واخر تجربه حنجربها :)

والله يسعدها استاااذه نسرين وربي من قلبها تخدم البنات ..

بجد ربي يوفقها ويعطيها على قد ما تسوي ..

امين يارب ويسهل ع الجميع ..