استفسار في قسم الرياضيات

[راعي الوفاء]

السلام عليكم
يااخوان استفسار بسيط انا من جامعه الطائف انتهيت من السنه الحضيريه وتخصصت رياضيات
وحابب انقل الى جامعه الملك عبد العزيز بس كيف الدراسه بالانجليزي ولاعربي
وكيف الدراسه بشكل عام في التخصص

[راعي الوفاء]

وتنصحوني انقل

[أبو رآكآن]

وعليكم السلام والرحمة ,. هلآ فيك أخوي ..
طبعاً الدراسة هنا بالإنجليزي .. القسم حلو ولكن فيه مشاكل داخليه في القسم حالياً أن شاء الله إنها تتعدل مع بداية العام الجديد .. أما مسألة النقل فهو راجع لك أخوي أنت استخير واللي ترتاح له سويه ..
حياك الله

[راعي الوفاء]

الله يعطيك العافيه اخوي ابوركان على المعلومات
بس قصدي الدراسه بالانجليزي شرح الدكتور(كلام الدكتور)
ولاقصدك الارقام والرموز وبعض الكتب
والقسم متشدد و الامور سهله
في انتظار الرد وشكر

[راعي الوفاء]

ونسيت اخوي وضع الدكاترة بشكل خاص

[أبو رآكآن]

هي تعتمد على الدكتور أخوي يعني القسم فيه دكاترة من الهند وباكستان هذول شرحهم أنقلش طبعاً
وفيه دكاتره عرب شرحهم عربي لكن الأرقام والرموز في الكتب معروفه بالأنقلش
إن جينا للحق فالقسم متشدد لدرجة لا تطاق والأوضاع صعبه لكن مثل ما قلت لك بتصير تغيرات كثير بالقسم مع بداية السنة الجديدة وبيختلف الوضع أن شاء الله
فيه دكاترة متشددين وفيه متساهلين وكل واحد وحسب سمعته عندنا .. إذا تقدر تصبر لقرب بداية السنة الجديدة يكون أفضل عشان توضح الأمور أكثر لإن القسم خربطه وحوسه الحين .. وانتقالك حالياً أشوفه انتحار

عالعموم الله يوفقك

[راعي الوفاء]

ابوركان يعطيك الف عافيه
وانا على اتصال بالمنتدى والله لايحرمنا جديدك

[فيزيائي بحت]

هلا بعيال جامعتنا القديمة

شوف ياخوي أربعه اشياء حطها في بالك

1- الدراسه أنقلش من إلى.... وأختلاف جذري عن جامعة الطائف ... يعني مو زي الي في بالك الرموز والقوانين انقلش

2- لما تنقل المعدل يتصفر يعني يصير 0.00 وتجيب توصيف المقررات لكل مادة اخذتها ويعادلوها وشوف ترا مو كل المواد راح يعادلوها في شي بتدرسوا غصبا عنك الي هوا (( الأنقلش 1 و 2 )) والانقلش 15 ساعه في الاسبوع وشوفني أنا درست في الطائف عند الدكتور عبد الروؤف وأبو ميله وما عدلولي الانقلش وحذفولي حول 21 ساعه

3- الدكاترة يا معلم مو زي الطائف ابدا على حسب الدكتور في هندي وفي بكستاني وفي مصاريا وفي سعوديين يعني إذا طحت في دكتور هندي الله يعينك إذا ما عندك لغه راح يشرح بالانقلش

4- أول ما تنقل راح يعطونك مواد السنه التحضيرية إذا عديتها خلااص عادي يسير يمديك تاخذ مواد تخصص



<<< محول من جامعه الطائف وأي شي لا تتردد


تقبل ودي....

[راعي الوفاء]

انقلش1و2 انتهيت منها وبنسبه لسنه التحضيريه انتهيت منها كيف لو نقلت اعيده يمكن مواد التخصص الموجوده في التحضيريه اخذه
والانقلش 15 ساعه اجباي اخذه
وبحكم انك نقلت من الطائف الى جده وشفت الوضع تنصح انقل ابصراحه انامحتار
والمعدل المطلوب في التحويل

[فيزيائي بحت]

المشاركة الأصلية كتبت بواسطة راعي الوفاء انقلش1و2 انتهيت منها وبنسبه لسنه التحضيريه انتهيت منها كيف لو نقلت اعيده يمكن مواد التخصص الموجوده في التحضيريه اخذه والانقلش 15 ساعه اجباي اخذه وبحكم انك نقلت من الطائف الى جده وشفت الوضع تنصح انقل ابصراحه انامحتار والمعدل المطلوب في التحويل

السنة التحضيرية في عزوز غير السنه التحضيرية في الطائف

مثلا ً عزوز السنه التضيرية عندهم موحده لجميع الكليات يعني تأخذ السنه التحضيرية في عزوز بعد ما تخلص منها تدخل الكليه والتخصص يعني يا تدخل العلوم أو الهندسه أو التربية ..... الخ

أما الطائف لكل كليه في سنه تحضيريه إلا بعض التخصصات يعني ... السنه التحضيرية لكليه العلوم .. السنه التحضيريه لكليه الحاسبات .... الخ

وأنت لو حولت إلى عزوز راح يشوفون المواد المتشابهه الي درستها إذا جبت فيها 70 وفوق راح تتعادل مثلا تفاضل وتكامل1 فيزياء101 كيمياء101 أحياء 101 العملي للفيزياء العملي للكيمياء زي كذا ولازم تجيب توصيف لكل مقرر عشان إذا طلع متطابق يعادلوها أنا عادلولي كل المواد الي ذكرتها
إلا الأنقلزي لأن النظام غير في الطائف أنا جبت في الأنقلش 1 درجه 83 والأنقلش 2 درجة 81 وما عادلوها أنت جرب يمكن يعادلوها لأن التوصيف يختلف درسناها بالطائف بدون رايتنق ولا قرمر ولا لسننق أما إذا جيت هنا تاخذها 15 ساعه في الأسبوع وتحسبلك في الخطه بـ 3 ساعات

يعني يبقالك كم مادة تأخذها أول ترم إذا غلقتها تاخذ مواد على كيفك من التخصص بس لازم تعديها

يعني يبقالك أحصاء .. مهارات أتصلات << بالعربي ...الأنقلش 1 . 2 ... هذا إذا عادلولك المواد الي ذكرتها

والمعدل المطلوب في التحويل 2 من 4

والله بصراحه مقدر احددلك يعني لو أنت تفهم في الأنقلش راح تمشي وأنا بيني وبينكم إذا باقيلك شوي على التخرج لا تحول

والأحياء جدا صعبه في عزوز الكتاب كثير وأنقليزي


الله يعينك أرجو أني أفدتك ....