سؤال عاجل عن التسجيل كمنتسب

[محمد الرويلي 34]

أحبتي انا موظف والحمد لله

حصلت على الشهادة الثانوية

ونجحت بتقدير جيد جداً المهم

بكره ان شاء الله استلم شهادتي

من المدرسة وش اسوي بالضبط

بعد ما استلم الشهادة

الخطوات الالكترونية اعرفها

واعرف كيف اسجل بالموقع

لكن ايهم اول ارسل الاوراق عن

طريق الشركه

او اسجل اول بالموقع ياليت

تقولون وش اسوي بالضبط

سؤال :

متى اسدد الرسوم اسدد الحين ولا

انتظر لين تجي الموافقة من

الجامعة

بعدين ليه 3000 سمعنا انه

الدوله تتحمل النصف بصراحه

شئ غريب

ياليت احصل اجابه تكفون يا

اخوان

انتظر الاجابة مع اصدق

الدعوات لكم بالتوفيق

[InteR MilaN]

هلا أخوي محمد
في البداية تسجل البيانات عن طريق الموقع
و من ثم تقوم بـ طباعة المستندات المطلوبة و تقوم بارسالها عن طريق الـ dhl
و بعد هذا انتظر رسالة من الجامعة على هاتفكـ لكي تقوم بـ السداد
و بعد ما تسدد راح يرسلون لكـ رسالة بـ الذهااب لـ dhl لأستلام البطاقة الجامعية

و بالتوفيق

[المبلع]

موق اخوي الرويلي ومبروك نجاحك بالثانوي وعقبال القبوووول بالجامعه
بس اهم شي لا تنسى الفروووووووووووة

[محمد الرويلي 34]

InteR MilaN الف الف شكر أخوي على التوضيح والله يوفقك


أخوي المبلع هههههههههههه لك احلى فروة بعز الصيف مني هديه

بي خلني انقبل اول بالجامعه ههههههههههه

[المبلع]

الرويلي اذا تبي تخصص حلو وممتع وشيق وسهل صدقني مافيه احلى من الدراسات الاسلامية
اما القبول فمضمون باذن الله بس اهم شي ارخ ريالك ولو تبي تتدرس طب

[محمد الرويلي 34]

المبلع والله انا موظف وكل اللي ابيه وانا اخوك اسم بكالريوس

انت الحين لخبطت افكاري انا قالوا لي امس

اسهل شئ ادارة عامه وصراحه انا غشيم نورني الله ينور عليك

وش الحل وبالنسبه للريال ياخي مبطي قالوها ادفع الريال تأتيك الرجال ههههههههه

ماعندنا مشكله بس اهم وش رايك بعدين دراسات اسلاميه

عندنا بجامعه الجوف ليه اروح لجده ؟؟ والله انك حيرتني هاه وشرايك

[محمد الرويلي 34]

والله انا محتار تكفون دلوني الله يدلكم لطريق الجنه

[مشاري الرياض]

ولله انا من ناحيتي اتوقع انه ماله مستقبل ..... اداره عامه افضل ......

واذا تبي شي كويس بس صعب شووي يعني يبييله شوووي دراسه .. ادراه الاعمال .. واي استفسار انا حاضر

[محمد الرويلي 34]

هلا وغلا مشاري الرياض اول صديق لي بهذا المنتدى

ادارة اعمال تقول فيها شويه صعوبه اذن انساها لاني من جنبها

هههههههههه

نرجع لادارة عامه والله انا نفسي بهالتخصص من زمان

لكن ياخي انا بالجوف ومشكلة السفر كل نهاية ترم لجده والله

ما ادري صراحه .. فيه جامعه عندنا بالجوف المشكله تخصصات الانتساب

ماهو متوفر الا عربي واسلامي وبالنسبه لمسألة مالها مستقبل انا موظف

يعني بالترقيات اكيد مايهمهم التخصص يهمهم الشهاده ولا وشرايك يامشاري

انا اتفاءل فيك والله من شفت نكك امس الله يوفقك يارب

[المبلع]

اذا المهم عندك الشهاده بعيد عن التخصص فاجمع الثنتين الدنيا والاخرة