استفسااااار >اتمنى من الجميع المساعدة والتفاعل وشكرن

[miss doody]

السلام عليكم ....
أنا miss doody عضوة جديدة في منتداكم
حابة استفسر معليش ح اطول عليكم
انا ماعندي اي خلفية عن الجامعه والتسجيل فيها او اي شي
تخرجت هالسنة الحمدلله من الهااي سكوول وسجلت في الجامعة عن طريق الموقع طيب وبعدين؟؟ انتظر لما يرسلولي على الجوال او الايميل ولا كيييف؟؟
واذا ماارسلو لي حاجة هل هذا يعني انهم ماقبلوني ؟؟
طيب اش اعمل في هادي الحالة ؟؟ انتظر للسنة الجاية ؟؟>>طيب انا عندي رغبة انو اكمل ماابغى اجلس في البيت رجاااء ساااعدووني ولا تهملواا الموضوع لاني بجد مااعرف حاجة
وشكرن آآسفه على الاطالة

[m.a.h-91]

وعليكم السلام ..

اهلا بيكيف ف الجامعة والمنتدى

بالنسبة للرسايل يرسلولك لما تنتهي كل مرحلة من مراحل التسجيل

ولما تطلع مواعيد المراجعة للجامعة يرسلو رسالة برضو يقولولك ادخلي الموقع وشوفي موعدك وحتى يرسلولك لما يجي وقت تأكيد البيانات لا تخافي ولسا بدري التفكير ف دا الموضوع

وبالنسبة للقبول انا سامع انو دي السنة حيقبلو 37 طالب وطالبة يعني العدد كبير وإن شاء الله تكوني منهم

ربي يوفقك إن شاء الله تحياتي

[زينه العبدالله]

اول شيء سجلي في الجامعه عن طريف الموقع طبعا حتى لو ماطلعت نتيجة القدرات والتحصيلي عشان تحجزي لك مكان ..وبعدين حطي نتائج القدرات والتحصيلي ..
و هم راح يرسلوا لك رساله انو لازم تفتحي صفحتك وتشوفي إذا قبلوك أو لأ وراح يحددوا لك اليوم إلي تجي وتسجلي فيه وراح يكتبولك كمان الطلبات إلي يبغواها زي بطاقة الأحول تبعك او بطاقة العائلة و شهادة الثانويه صوره وأصل وتقرير طبي وماني عارفه ايش ..

المهم انك لازم تفتحي وتشوفي إذا قبلوك أو لأ وحتى لو قبلوك إنتساب وكانت نسبتك قريبه من نسبة قبول الإنتظام لا تزعلي وتستعجلي وتسجلي إنتساب استني لأنهم راح يفتحوا الإنتظام بعد كم يوم كذا أنا صحبتي صار لها نفس الشيء دا وقبلوها بعدين إنتظام .من غير حتى مايقولوا لها انهم قبلوها إنتظام فجأة فتحت الموقع ولقت نفسها مقبوله إنتظام بعد ماكانت إنتساب.
اسفه طولت عليك
وبالتوفيق^_^

[رقيه عسير]

الله يوفقك
ويصبرك ع ذي الجامعه ويكون في عونك ع السنه التحضيريه

[_maraim_]

ندو 222 ماقصرت ,,
بس حبيت اضيف على كلامهم ان من الافضل ترووحي في اليوم اللي يحددوه لك
عشان مايرووح عليك المقعد ويخلووك في مكان اقل من مستواك مثلا الفرع او الكليه ..... ألخ
يعني حاولي تلتزمي بالموعد
ولا تخافي ان شاء الله راح ياخذوك ..
بس شدي حيلك بالتحضيري مررره ,, هو اللي راح يحدد مصيرك وهو اللي تعتمدي عليه
هم بعدين ماراح يطلوا في نتيجة الثانويه وقت التخصص بعد التحضيري

ربي يوفقك وان شاء الله تكون سنة خير عليك في جامعتنا اللي ماطلعت التسكين الى الحين :d

[miss doody]

91-m.a.h مراا شكرن يعطيك العافية
ندو 222 ربي يسعدك ياغالية وماقصرتي الله يفرجها عليك زي ماطمنتني
رقية عسير الله يوفقك وشكرن على مرورك
maraim تسلمي على المساعدة وربي يحقق اللي فبالك ويطلع خبر التسكين ان شاء الله
يعطيكم الف عااافية على ردودكم ومرااا شكرن على المساعدة ربي يوفقكم ويجعلها في موازين حسناتكم

miss doody