تحويل من انتساب لـ اقتصاد منزلي

[امل عبد الله]

السلاام علييكم ورحمه الله وبركااته
يااحلوين انا انتساب اداري وانساني وان شاءالله احول انتظام واتخصص ياداب او اداره عامه وبعدين احول على اقتصااد منزلي بس كيف الطريقه سمعت من وحده انو لازم اخلص ترم من التخصص بعدين احول صح ولا لا ولو طلع صح ايش تنصحوني اختار تخصص لانو بصرااحه ولا شي عاجبني ابغى نصيحه من كل وحده تدخل ع الموضوع اهم شي عندي اتخصص اقتصااد منزلي :) :)

[Twix~}..]

وعليكم السلام ...

انتي انتسااااب وإذا حولتي انتظام على بداية السنه تقدري من البدايه تدخلي كلية الاقتصاد المنزلي .. اما اذا ما قدرتي تحولي انتظام من البدايه ودرستي اول سميستر بالسنه وصرتي انتظام على السميستر التاني خلاص تقدري تحولي على الاقتصاد المنزلي وخلي في بالك انك تجيبي معدل حلو لانو دا يسسساعدك كتير في انك تتحولي للانتظام وانك تتقبلي بكلية الاقتصاد المنزلي .. دا الكلام بالنسبه للتحويل ..

بالنسبه للتخصصات بما انك إداري عندكـ آربعه تخصصات الي هيا :
* دراسات طفوله .
*إدارة سكن ومؤسسات .
*اقتصاد تربوي .
*فنون .

ومن ناحية ولا شي عاجبكـ كيف يعني !! يعني ولا شي عاجبك بكلية الاقتصاد المنزلي ولا الكليات التانيه !!

يعني انتي همك تدرسي بكلية الاقتصاد المنزلي بدون ما تعجبك التخصصات كيف كدا !! :s << فيس حيرهـ

المهم مو موضوعنا لازم تحوبي الشي في الجامعه عشان تمشي فيه ولا انسي الموضوع ..

بالنسبه ليا كل اقسام الاقتصاد المنزلي حلوووهـ وممتعه لانو مو بس تدرسي وتحفظي وتختبري وخلاص لا .. في مواد عملي وتتطبيق على بعض المواد يعني كل الي تدرسي يطبق سوا اثناء دراستك او في حياتكـ يعني انتي المستفيدهـ ..

وانا اشوف تخصصي الي هو إدارة سكن ومؤسسات تخصص حلو مرآآآآ ومستفيده منو بشكل مرآآ كبير وحاااابتو مرآآآ :$

وانتي شوفي ايش تحوبي واقري عن التخصصات الاربعه واختاري الي نفسك ترتحلو .. وربنا يوووفقك ياعسسسل ..

[امل عبد الله]

هههههههههههههههه مسكيييينه حيرررتك معاياا بس معليش مااعرفت كيف اشرحها انا كاان قصدي مافي شي عااجبني من التخصصات يعني لا علم نفس ولا جغرافيا ولا دي الاشيااء عااجبتني مو عااجبني غيير الاقتصااد المنزلي وتخصص ادااره سكن وانا ليه كم ادعي عشاان ادخل ادااره سكن والحمد لله جبت معدل عالي بس وحده حيرتني انو لازم اتخصص في اي تخصص يعني مثلا ادخل للغه عربيه وادرس ترم بعدين احول على اقتصااد منزلي عشاان ككدا حسيت شوويه اني اتحطمت والحمد لله رفعتي معنويااتي انو عاادي ممكن احول على طول من كليه لكليه مو لازم ادرس فيها ترم وبعدين احول ..
الله يعطيكي الف الف عاااافيه ويجزااكي كل خيير ويحققللك الي تبغي يااعسل

[Twix~}..]

^^

الله يعاافيك ان شاء الله .. وجزاكي الجنه يارب ..

وموفقه ان شاء الله والله يحقق كل الي تتمني وتتخصصي ..