قسم أقتصاد و أداره =)

[am~]

السلام عليكم ورحمة الله وبركاته

مبروووووووووووووووك لكل الي انقبلوا
وبالتوفييييق ان شاء الله

حبيت أسأل كل واحد\وحده .. دخلوا هالقسم أو عندهم معلومات عنه
يتفضل ويقول الي عنده .. عشان نستفيد ونعرف وش أفضل تخصص فيه

بأنتظــاركم ..

[SHOSHO:)]

انا دخلتو بالغصب طبعاا
مااعندي اي فكرره ولا كاان في بالي اصلا

<< وحدهـ متحطمه اخر شي :(

[am~]

أنا حطيتوا الرغبه ثانيه
مع اني ترددت كثير
بس بالنهايه قلت خليني أجرب أفضل من العلوم والحاسب بالنسبه لي
وما أكذب عليك الصراحه مو مره فرحت لاني مره كنت ابي تقنية مختبرات
بس ربي ماكتب لي وان شاء الله انها خييره
وما ابي احط في بالي ان القسم شين عشان لا أكرهه
لان لو كرهته ماراح امشي فيه أبد . .
ولاتزعلين بالعكس القسم هذا يقولون له مستقبل

بأنتظار البقيه =)

[boflower]

انا تم تسكيني في الاداره و الاقتصاد و ما اعرف اي شي عنها و ودي اعرف التخصصات اللي حددوها للمسار العلمي اذا عندكم اي فكره تفيدوننا ...

[أبــــرار]

السلام عليكم ..

اول شي مبرووووك .. وعادي انا زيكم اول مادخلت الجامعه ..

ماكان رغبتي الاولى بس بالاخر دخلتــه و انبسطت اني دخلته لان احسن من غيره بكثييير

و مع الدراسه صدقوني راح تحبوووه و متأكده انه راح يعجبكم ..

بعد فتره راح ينزلكم تحديد التخصص .. و متاح للعلمي 3 تخصصات ..

1- ادارة اعمال ( النظري فيه كثير )
2- محاسبـه
3- اقتصـاد ( قسمي )
وبعد سنه تدرسيها راح تحددي مسارك في الاقتصاد او ادارة الاعمال ..
طبعا المحاسبه القسم الوحيد اللي مافيه مسارات ..

و بالتوفيق ان شاء الله لكم ..

[SHOSHO:)]

يااااااريت تشرحيلنا كل قسم بالتفصييييييييل

[أبــــرار]

ادارة الاعمال و المحاسبـه ماعرف عنهم كتير ..

بس الاقتصاد .. قسم حلوو و ماهو سهل ابدا ( مافي قسم سهل كل قسم يبغالو تشدي حيلك فيه )

و يتكلم عن الاقتصاد بأنواااااااااااااعه بالبداية راح تدرسي اساسيات اقتصاد جزئي وكلي .. و بعدين تحليل ..

و راح تدرسي الاقتصاد الاسلامي و الدولي و و و و و الخ .. و يعتمد ع الحساب كلو قوانين ..

وله 3 مسارات ..

1- اقتصاد اعمـال << يدرس الاقتصاد و ادارة الاعمال سوا ..
2- اقتصاد نقود و بنوك
3- اقتصاد تأمين

و مسارات ادارة الاعمال :

1- نظم معلومات ادارية << مطلوب له معدل 4.30 - 4.50 ( انصحك فيه بقوووه كنت ابغاه بس معدلي مايسمح ورحت الاقتصاد )

2- موارد بشريه

3- ادارة اعمال دولية

و سمعت انه راح يفتح تخصصين جديده غير الاقتصاد و المحاسبة و ادارة الاعمال .. تسويق و ادارة موارد بشريه .. اممممم بس مادري اشاعه او لا

و المحاسبة ..

قسم حلو و مجالات وظايفه حلوه برضو انصحك فيه بس مو اي احد يطيق المحاسبه لانه مكرر و تحسيه دسم مره .. جربي نفسك بمحاسبة 101 ..

بالتوفيق :)

[am~]

أبــرار شكرآ ياعسل

ماقصرتي وأفدتيني الصراحه . .

[الشطوووره]

اهلا فيك في كليتي العزيزه

انا تخصصي محاسبه

واعشقه الى حد الجنوون

تفضلي ادخلي على الموضوع عشان تتعرفي اكثر

http://www.skaau.com/vb/showthread.php?t=213201

واي استفسار نحن في الخدمه

[am~]

شطووره

انا فكرت أدخل محاسبه
كم سنه لك في هذا القسم ؟
والدراسه بالعربي ولا بالأنجليزي ؟
وكيف الرياضيات والاحصاء معاكي ؟ لان انا جنني بالسنه التحضيريه ويدوب نجحت فيه
مع اني في الثانوي كنت مره شاطره في الرياضيات بس يمكن لان بالجامعه درسته بالانجلش والدكتوره ماكانت تعرف توصل المعلومه كويس
وكيف الدكاتره في هذا القسم ؟

معليش راح أتعبك شوي بأسئلتي بس ما ابي ادخل الا وانا عارفه معلومات عنه

شكرآ ياقمر =)