التسجيل في اللوكرات (الخزانات)+بالنسبة لطالبات النسيج *-*

[بنت جدة المنكوبة]

التسجيل في اللوكرات بالنسبة لطالبات قسم الملابس
سيتم بمشيئة الله على بداية أول أسبوعين من الترم القادم..

وسيتم بإذن الله وضع إعلان يوضح تفاصيل كيفية حجز اللوكر وعن مكان التسجيل...
وبالتوفيق للجميع

[موني ناس ناس]

يااااااااااااااااااااااااااي واخيرااااا

انا ابغىىىىىىىىىىىىىىىىىىىى واحد لييييييييييييييا << خايفه يخلص وماالحق

يسلمووووو بنت جده


حبيت اسالك على الموظفات للوحده انتاجيه عادي تقبلو اي احد؟؟
ولا ايش هيا الشروط لو في

يسلمووووووووو :)

[بنت جدة المنكوبة]

المشاركة الأصلية كتبت بواسطة موني ناس ناس يااااااااااااااااااااااااااي واخيرااااا انا ابغىىىىىىىىىىىىىىىىىىىى واحد لييييييييييييييا << خايفه يخلص وماالحق يسلمووووو بنت جده حبيت اسالك على الموظفات للوحده انتاجيه عادي تقبلو اي احد؟؟ ولا ايش هيا الشروط لو في يسلمووووووووو :)

الله يسلمك
طبعا حيكون التسجيل للأولوية المسجلين...
وماشا الله عندنا عدد كبير من الخزانات تقريبا 84 خزانة
إن شاء الله تكفي وزيادة كمان
وحبيبتي خبري صحباتك على موضوع الخزانات إذا بتقابليهم

الموظفات الي حيقبلوهم من خريجات الملابس سواء من جامعتنا أو من خريجات الكلية
وأول شي حيسولك إختبار بس على ماكينة الخياطة الصناعية...وحيطلبوا أوراقك صورة من الوثيقة وكشف الدرجات وشهاد حسن السيرة جميعها مصدقة(مصدقة يعني مختومة) من عمادة القبول والتسجيل ..وصور من شهادات الدورات والخبرات..


يعني إنتي قصدك تبغي تشتغلي في فترة الدراسة؟؟ولا كيف؟؟
إذا قصدك فترة الدراسة أشوف أسألك بس على بداية الترم الجاي إن شا الله...وأردلك

[موني ناس ناس]

ايوا ليا اناا عشااان قالتلنا استاذه فاطمه حلواني انو على الاقل خدوو خبره
ان شاء الله على خير
يسلمووو

[بنت جدة المنكوبة]

المشاركة الأصلية كتبت بواسطة موني ناس ناس ايوا ليا اناا عشااان قالتلنا استاذه فاطمه حلواني انو على الاقل خدوو خبره ان شاء الله على خير يسلمووو

طيب أنا أكلم د-إيناس واردلك خبر إن شا الله عل بداية الترم الجاي
كويس إنو ا-فاطمة حلواني قالتلكم
حلو الواحد ياخذ شهادة خبرة من بدري....لأن شهادة الخبرة تقوي السيرة الذاتية...والله برافو عليك

[موني ناس ناس]

والله اكووووون ممنونتلك

بس كمان حابه اسأل
بنت خالتي متخرجه من كليه التربيه قسم ملابس ونسيج
وقلتلها ومرره تبغى كيف تقدم ومتى ؟؟

ياليت ترديلي بنت جده

[بنت جدة المنكوبة]

إحنا عندنا 3بنات من كلية التربية يشتغلو في الوحدة
تقدم أوراقها على بداية الترم الجاي......خليها تروح عند د-إيناس وتقدم أوراقها هناك وإذا مالقت الدكتورة خليها تحط أوراقها عند السكرتيرة أ-نهاد مسكي.......
وبالتوفيق لك ولها

[موني ناس ناس]

مرررررررررررررررره مررررررررره شكراااا

تعبتك معااااايااااا

[بنت جدة المنكوبة]

لا عادي كلنا أخوات

[بنت جدة المنكوبة]

أبغى أسألك
ليش ماتخلي بنت خالتك تستفيد من الصيف
ليش ماتقدم على مصنع سراج سند وتدرب هناك؟؟
مرا حتستفيد غير إنو بيعطوها أول شهر تدريب 1500وبعدين يسير 3000في الشهر الراتب