نسبتي الموزونة تدخلني الجامعة سنة تحضيرية ولا لاء؟؟

[I can]

السلام عليكم ورحمة الله وبركاته ....

انا عندي استفسار بخصوص نسبتي الموزونة تدخلني سنة تحضيرية
في كلية العلوم الصحية ولا لاء ؟!!

نسبتي 88.16،% .....؟؟؟ كيف هو الحمدلله بس ...

ناس كتير قالو يمكن يخلووني احتياط ؟!!

الله يفرج همكم بليز ردو عليا يا دكاترة مالنا غيركم ...

[طالب طب في المستقبل]

اولا اتوقع انك تنقبلي بنسبه كبيره

وبعدين مافي شي اسمه كلية العلوم الصحيه

عندنا بس سنه تحضيريه علمي

اذا تبغي تخصص علمي

وعلى حسب نسبتك في السنه التحضيريه يخصوصك في كلية معينه

واتمنى لك التوفيق

اخوك دــ عبدالرحمن المالكي

[Glamor Mada]

اذا كانت دي نسبتك الثنوية مع القدرات والتحصيلي
يب نسبتك انشاءالله تدخلك الجامعه ^^
لأنه احنا ادنى نسبة موزونة قبلوها السنه اللي فاتت كانت 82 %
بس على فكرة السنه التحضيريه للمسار العلمي .. مو بس سنة تحضيرية للكليات الصحية زي جامعة الملك سعود

[I can]

طالب طب في المستقبل ....
الله يطمنك يارب دنيا واخرة ...
انا على بالي انو جامعة الملك عبدالعزيز زي طيبة فيها كلية علوم صحية
بس شكرا عالتوضيح ....الله يديك العافية يارب ..

Glamor mada

الله يبشرك بالجنة ..وربي كنت شايلة همم ..
دي التحضيرية يبغالها موضوع تاني ..<<ناوية تطفشكم ...

بس متأكدين اني انقبل ..؟؟!

[د. أسامة]

ما أزيد على ما قالوهـ الشباب ،

إن شاء الله القدرات و التحصيلي كويســة ،

وتدخلي معانا في جامعة عزوزهـ ..

[I can]

د.أسامة ...

النسبة الموزونة كلها 88.16%
الثانوية (50%) والقدرات(30%)والتحصيلي (20%) صح كدا تنحسب
والله شكيت بنفسي

وشكرا لاحلى دكاااترة ..يارب الحقكم يارررب ...الله يديكم العافية

[مَـزٍآج ..}..]

لآ إن شآء الله مقبولـه بكل اريحيـه . .

وشدي حيلكـ في التحضيري ..

[I can]

مزآج ..الله يبشرك بالجنة ياااارب
الحمدلله يارررب ....

بس والله كتير قالولي اني من المدينة وعندنا طب في طيبة وعشان كدة ما انقبل دا الكلام صحيح ولا لاء ؟

[Kaira]

شوفي زي ما قال د.عبدالرحمن ازا كانت دي نسبتك الموزونة كلها مع القدرات والتحصيلي
فأنا أضمنلك بإزن الله انشاالله حتدخولي جامعة الملك عبدالعزيز سنة تحضيرية علمي مو صحي
احنا نظامنا مو زي نظام جامعة الملك سعود ^^
وربي يوفقك يا عسل انشاالله وتحققي مناكي ..

[I can]

kaira ...

ايوا ايوا ايوا :):):) دي هيا نسبتي الموزونة بكل الثانوية والقدرات والتحصيلي

يعني انقبببببببببببببببببببببببل الله يبشرك بالجنة يا اجدع دكتوررة ..