مصيبه مصيبه

[فيصل 121]

تكفون تكفون انا سجلت بالمنتدا يوم جيت اتخرج يالربع تكفون ساعدونى انا باقى لى 12 ساعه وسددت ولا نزلو لى الا 9 ساعات وش الطريقه والمشكله الثانيه الجدول طالع عندى فاضى وشلون اختار المواد والمشكله الثالثه الثقافه السلاميه 4 مدرى هم بينزلونها ولا لا بالصيفى والمشكله الرابعه ابغا لى ماده من ساعه وحده بس وتكفون تنصحونى ايش انزل من المواد الاختياريه والحره تكفوووووووووووووووووووووون ساعدونى ومن انزل عنده البحث من الدكاتره اى دكتور كويس للبحث والتدريب انا اداره عامه تنظيم وتطوير ادارى تكفون يعيال تكفون بسرعه ردو على ابتلشت والله ماعرف احد بالجامعه غيركم وغير المنتدا

[فيصل 121]

يالربع احد يجاوبنى انا ابتلشت ردو على يجماعه وبغيت اعرف كيف احط حالتى متوقع التخرج وين القيها فى صفحتى

[المبلع]

لازم تراجع الجامعه وتعبي نموذج متوقع تخرجه ويضيفون لك اي مادة تبيها
او اذا تعرف احد بجده عب النموذج وصورة من بطاقة الاحوال وارسلها له وهو يراجعهم

[فيصل 121]

وين القيه النموذج

[فيصل 121]

وين احصل النموذج

[alshmlany]

اخوي فيصل عسى ربي يوفقك إن شاء الله

وهذي الصفحة تحصل فيه نموذج التخرج

http://admission.kau.edu.sa/AccessPa...=AR&SYS_ID=123

تحصل النموذج في اسفل الصفحه

[bandarman]

نزلت لك 9 ساعات لأنها الحد الاقصى للفصل الصيفي ، لكن راجع الجامعه وان شاءالله يفيدوك وتقدر تضيف المادة المتبقيه

[aziz8008]

المشاركة الأصلية كتبت بواسطة فيصل 121 تكفون تكفون انا سجلت بالمنتدا يوم جيت اتخرج يالربع تكفون ساعدونى انا باقى لى 12 ساعه وسددت ولا نزلو لى الا 9 ساعات وش الطريقه والمشكله الثانيه الجدول طالع عندى فاضى وشلون اختار المواد والمشكله الثالثه الثقافه السلاميه 4 مدرى هم بينزلونها ولا لا بالصيفى والمشكله الرابعه ابغا لى ماده من ساعه وحده بس وتكفون تنصحونى ايش انزل من المواد الاختياريه والحره تكفوووووووووووووووووووووون ساعدونى ومن انزل عنده البحث من الدكاتره اى دكتور كويس للبحث والتدريب انا اداره عامه تنظيم وتطوير ادارى تكفون يعيال تكفون بسرعه ردو على ابتلشت والله ماعرف احد بالجامعه غيركم وغير المنتدا

اخوي هدي اعصابك وكل شيء له حل ان شاء الله

المشكلة الاولى

لازم تحول حالتك الدراسيه من مستمر في الدراسه الى طالب متوقع تخرجه عشان تقدر تنزل 12 ساعه
وهذي لازم تعبي نموذج التخرج وتروح للجامعه او ترسل احد موجود في جده مع جميع المستندات من النموذج وصوره البطاقه الجامعيه وصوره من الخطه وتكتب عليها المواد الاختياريه والحره اللي اخذتها .

المشكلة الثانية

بالنسبه للجدول في الفصل الصيفي ماينزل مواد تلقائيا زي الترم العادي ، انت لازم تدخل على الحذف والاضافه وتضيف المواد المتبقيه لك من خطتك الدراسيه

المشكله الثالثه

ماده الثقافه الاسلاميه 401 نازله بالصيف وتقدر تضيفها عن طريق الحذف والاضافه

المشكله الرابعه

تقدر تضيف اي ماده حره او اختياريه من ساعتين لان اتوقع مافيه مواد اختياريه او حره من ساعه
وبالنسبه للماده الاختياريه او الحره ومادة البحث والتدريب لو تكتب استفسار في قسم الاداره العامه في ملتقى كليه الاقتصاد والاداره يكون افضل وان شاء الله بيفيدونك الاعضاء اللي تخصصهم ادارة عامه لان اغلب المواضيع هنا في ملتقى المنتسبين تخص المستجدين


اتمنى لك كل التوفيق والتخرج

والف مبروك مقدما

[فيصل 121]

بيض الله وجيهكم بس يجماعه انا ارسلت واحد وللحين مارفعو عدد الساعات والبنسبه للماده bus304 هاذى ساعه وحده بس بس المشكله الحين انا باقى لى اساسيه بحث وتدريب وثقافه اسلاميه مادرى ايش اخذ الساعات الباقيه يبقا لى 7 ساعات اخذ بين الاختياريه والحره انا ارسلت واحد وللحين يراجعهم بس المشكله انا سددت من يومين وللحين ماقدرت اضيف الجدول فاضى ولا هو راضى يضيف من الحذف والاضافه والمشكله انا اشوف ماده البحث والتدريب قفل عدد الطلاب عند الدكاتره وهاذى المشكله ولا ابغا اطيح بدكتور عله

[سمران]

بالتوفيق