ممكن اخذ راييكم

[ranad]

السلام عليكم ورحمة الله وبركاته

مبرووووك لكل الي انقبل تمريض

انا كان حلمي طب الاسنان وكان ماعندي مانع لو دخلت طب بشري لانها كمان رغبتي

بس انا انقبلت تمريض ماما وبابا ماقالوا حاجة ولاضغطوا عليه

بس كان حلمهم انو انا ادخل التخصص الي ابغاه

وبصراحة التحويل في الجامعة من تخصص للطب مررة صعب ومومضمون لانو ماشاءلله كل سنة بترتفع المعدلات بالنسبة للبنات انا الي قهرني انو الحمدلله معدلي حلو ومعدل الطب لكن قدر الله وماشاءفعل

انا دحين يمكن اروح ابن سينا وادرس فيها طب اسنان ايش رايكم

بابا يقلي بما انو عندك فرصة بره ليش ماتاخذيها وطبعا ماقررت ده القرار الا بعد صلاة الاستخارة

معليش كلامي كثيييير بس والله اانا محتارة

وصحبتي دبلوم ومتوظفة ماشاءالله ب8000يعني نفس الي بكالوريوس مافرق حاجة احس شهاداتهم زي بعض

شكرا ليكم والله يوفقكم يارب ومااعرف اذا حكون معاكم السنة الجاية ولالا

اختكم ranad

[مـــآجد]

كلية ابن سينا من افضل الكليات بس الرسووم فيهاا مرره مرتفعه

ثاني شئ انا اشوف لو تشدي حيلك وتاخذي سنة في التمريض وترفعي المعدل ( وتدبري لك فيتامين واوو )
بيكوون احسن لك

[طعم الثلج]

انا ادرس تمريض سنة ثانية والحين رايحة سنة ثالثة وجربت التحضيري
ومادخلته برغبتي لأن رغبتي الاولى علاج طبيعي
المهم دخلت الحين وصدقيني جالسة احاول بكل الطرق اني اخرج منه لكن احس انه قدري
لأني مو قادرة انقبل في مكان وكأن التمريض يبغاني
احسن لك اذا تبغي تمريض كملي اما اذا ماتبغيه وتحسي انك ماراح تبدعي فيه انصحك لاتدخليه وروحي مكان ماتبغيه
لأنك وقت تدخليه راح يكون صعب تخرجي منه هههههه
وبالتوفيق يالغلا !

[ranad]

المشاركة الأصلية كتبت بواسطة مـــآجد كلية ابن سينا من افضل الكليات بس الرسووم فيهاا مرره مرتفعه ثاني شئ انا اشوف لو تشدي حيلك وتاخذي سنة في التمريض وترفعي المعدل ( وتدبري لك فيتامين واوو ) بيكوون احسن لك

والله فيتامين الوااو دبرت وكلهم ابشر ولايهمك وفي النهاية ولا شي

بعدين التحويل في الجامعة من التمريض لللطب على قولتك يبغالوا واسطة مرة قوية ماابغى اقعد على امل ممكن مايسير

وشكرا لك

[ranad]

المشاركة الأصلية كتبت بواسطة طعم الثلج انا ادرس تمريض سنة ثانية والحين رايحة سنة ثالثة وجربت التحضيري ومادخلته برغبتي لأن رغبتي الاولى علاج طبيعي المهم دخلت الحين وصدقيني جالسة احاول بكل الطرق اني اخرج منه لكن احس انه قدري لأني مو قادرة انقبل في مكان وكأن التمريض يبغاني احسن لك اذا تبغي تمريض كملي اما اذا ماتبغيه وتحسي انك ماراح تبدعي فيه انصحك لاتدخليه وروحي مكان ماتبغيه لأنك وقت تدخليه راح يكون صعب تخرجي منه هههههه وبالتوفيق يالغلا !

صح كلامك هوه ده الي انا بفكر فيه

الله يسعدك حبيبتي ويقدرلك الخير يارب

تسلمي ياعسل

[dr.imey]

ياقلبي ابن سينا

هي حكاية الرسوم فيها

لكن ليه ماتقدمي منحة داخلية عليها؟

انا اليوم صحبتي قالت لي دراستهم مرة كويسة ومريحة ايش رايك ندخلها نضمن الطب فيها؟

لكني اصريت ع عزوز لانو الجامعات الحكومية احسن

غير انو لو ماانقبلت طب هيدا اللي كاتبو ربي لي

ازا حسيتي نفسك مررة تبغي الطب وتقدري تدرسيه بالكرف وال7 سنوات خشي ابن سينا

وازا ماتشجعتي مرا كملي تمريض ترى حلو لايغرك اسمو

صحيح انو فيه فرق بين ممرضة ودكتورة من حيث المكانة

لكن حتى التمريض له تخصصات مرة حلوة

اتمنى اكون افدتك

بالتوفيق ياقمر

>>بس حبيت اسال كم كان معدلك ؟

لانو اللي اعرفو انهم في الطب وقفو على 4.7 ازا ماخاب ظني

غير انهم ياخدو من الدفعة ع حسب اللي سمعتو 150 طالبة للطب فقط من 13 الف تقريبا

يالله مانقول غير الله ييسر اللي فيه الخير

^^

[مـــآجد]

من 13 الف ...؟

لا الطالبات علمي 3000 بس

ثاني شئ

التخصصات بالنسبة الموزونة مو بالمعدل

دفعه 09
وقفت ع 89 او 90 فاصلة شئ

دفعه 10
وقف ع 92 فاصلة حاجة

هذا للبنات

[mdmr]

ياقلبي ادري فيك وحااسه والله بقلبي لك ولكل اللي ماتحققت امالهم وتحطموا وانا والله شفتهم شباب يطلعون يبكون في العمادة لكن الله كريم
وانا مثلي مثلك لكن الفرق بيني وبينك مااقدر ادخل كلية خاصة وانا مو مع اهلي لوحدي هنا ومتغربه
فمدام عندك قدرة تطلعين من هالتخصص انفذي بجلدك وشدي حيلك وانا مع انك تدرسي في ابن سينا مليون بالميه
والله اني لفيت بهالادارات والوسايط ولا فاد شي

ياربي ييسر لك اللي فيه الخير وموفقه
وتحيييااااتي الف تحية لك