بنات ردوا علي انا خايفة ما انام من شدة الخوف

[الرفيعه]

بنات أنا عندي مشكلة ماني عارفه كيف اتصرف ؟ انا في البيت دائما امدح دكتورةفي الكلية واذكر صفاتها الخلقية والشكلية، واكلمها على الجوال ،وفجأة اخوي يخذ رقمها من جوالي بدون علمي ،ويتصل بها ،ولم ترد ،قام ارسل لها رسالة يقولها انا اخو طالبة من طالباتك وسمعت باخلاقك من اختي وابغى ازوجك, ورقمي مسجل عند هذه الدكتورة واظن اني مرة اتصلت بها من رقم اخوي لما انتهى الشحن لجوالي...وتدروا متى اتصل اخوي وارسل لها الرسالة الساعة الواحدة والنصف ليلا...ولم يخبرني الا بعد ثلاث ايام من الاتصال بقولي ترى حدث كذا وكذا،وانا والله صادق ابغى اتزوجها بس هي طنشت الامر ؟ المهم لو عرفت الدكتورة انو هذا الشخص اخي ويش حتسوي بي ، وكيف اتصرف معها ؟ الله يخليكم قولولي كيف اتصرف والله انا خايفة بجد...

[روعة طموح]

شوفي ياحلوة بكل الاحوال لاتقولي لها انه اخوكي يعني حتى لوسئلت حاولي تتجاهلي الموضوع بعد كده لاتتصلي عليها من جوالك مثلا اتصلي من جوال امك وخذي جوال اخوكي وامسحي الرقم والرسالة وامسحي رقمها من جوالك وهذا سبحان ماحذرنا منه نبينا محمد لاعاد توصفي اي بنت لاخوك وهذا الشي حرام ربنا مافرض الحجاب عشان المسلمات يوصفوا بعض
واذا الاستاذة قالت انوا انتي قولي لها يمكن احد اخذ جوالي وانا ماادري من جماعتي وسوى مقلب في اواي شي بس طبعا انتي صادقة في ذا الشي والله ييسر امرك وفي اسوء الاحوال لواخوكي صادق اخطبيها له ويمكن تقبل ماتدري

[الرفيعه]

[font="courier new"]اختي روعة ترى اخوي جامعي بس مو في مستوها،وترى حينا قبائل وهي حضرية،والشيء المعيب تصرفه بدون علم اي احد من الاسرة؟وتعتقدي توافق اي امرأة تقبل بعد هذا التصرف ، ترى لو صار لي اقول هذا شاب يلعب ببنات الناس
الله المستعان ؟والله ما اسامحه لوخسرت هذه الاستاذة فكم من المواقف الانسانية وقفت معي ؟ولهذا لجأت الى كتابة هذا الموضوع ناصحة اي واحدة اذا احبت استاذتها لا تصف خصالها مع اي رجل من الاسرة؟[/font]

[عتيبيه ذوق]

الله يهديك ويهدي اخوك المفروض ابد ماتوصفي احد قدام اخوانك او ابوك

لكن مو مشكله انتي ارسلي لها من رقم ثاني اي رساله استفسار او شيء وحطي اسمك تحته

ولو كلمتك او خبرتك عن اللي صار قولي لها جوالي انسرق وماا دري وقولي لها كل صاحباتي صار معاهم نفس الشيء

وخلاص
ولا عاد تعوديها وتوصفي احد قدام اخوانك واستغفري ربك وخاصمي اخوك قولي له انتي حطيتني بموقف محرج قدام استاذتي

والله يهدي اخوك ويصلحه لك ياااارب

[عزة نفسي_تكفيني]

اممممممم الله يهديكي المفروض ماتوصفيها قدام اي رجال

واخوكي تصرفه جدا طااايش الله يهديه حتى لو صادق ويبي يخطبهاا هذا مو تصرف صح ابدا

لازم تفهمي اخوكي انه غلطان عشان مايكررها وخذي جواله وامسحي رقمهاااا والرسااله ولا تجيبي لها طااري

واذا اخوكي ماعقل وحاول يوصل لرقمها لازم توصلي لأهلكـ لأنهم هم الكبار وهم الأدرى ويعرفوا كيف يتصرفوا لأنه لازم يتأدب

وبعدين اذا اخووكي صااادق بالفعل وعاقل ويبي يتزوجهاا اخطبيهااا له يمكن تكون من نصيبه سبحان الله

واذا على المرتبه العلميه اخوكي ماشاءالله جامعي وقدامه الطريق يكمل دراسته وحتى لو ماكمل ماأشوف انه هالنقطه عاائق اذا هو رااضي ومااعندهـ هوس الشباب انهم مايحبوا زوجاتهم يكونوا أحسن منهم

وعلى سالفة القبائل والحضر برضوا ماهي مشكله ومافيها شي ويعني اذا قبلي اخذ حضريه او العكس وش فيها اهم شي الأخلاق و كلنا يجمعنا دين الإسلام

الا اذا كانوا اهلكـ متعصبين في هالنقطه فما باليد حيله

وبعدين على النقطه اللي ذكرتيها انكـ ماتسامحيه لو خسرتيها مهما يكون هذا اخوكي وماتوصل لكذاا صح انه غلط لكن يتعلم من غلطه ان شاءالله ^_^

والله يعينكـ يالغلاااا

[عزة نفسي_تكفيني]

ينقل لقسم لهاااا لأنه الأنسب للموضوع

وللإستفاادهـ من نصاائح البنات أكثر

[سكووت]

عادي اشوف انك تصارحيها روحي لمكتبها لانو اكيد هيا عارفة رقمك انو اخوكي قال لها اسمك بمسج وماقال لك
وترا هيا استاذة ويعني فاهمة وواعية وحتحترمك وتحبك لمن تشوفك صارحتيها وماكذبتي ولفيتي ودرتي ..قولي لها اخويا طايش وتفكيرو على قدو وانا اسفة على اللي صار ومن دا الكلام ..لازم تروحي مكتبها وتقولي وصدقيني حتحترمك مرررة لانك قلتي لها وترا لاهي مشكلة كبيرة ولا تصعبيها على نفسك خليكي واثقة وروحي وخبرينا شو صار ..

[zezy]

عزة نفسي هذي المررررة أنا اللي وراكههههههههههه
بصراااااااااحة ياينات حرام عليكم هبتو علي البنت هي غلطت بس الوحدة أوقات يكون وصفها على حسن نية موأكثر وبعدين المفروض أخوها يكون عاقل لان وصل لمرحلة نضج ومايتصرف بهذي الطريقة لأنه عارف إنها إستاذة أخته وتربطهم علاقة طيبة وإذا يبغي شي عن طريق إخته مو يأخذ رقمها ابغى أتزوجك ليه وين إحنا ....؟
المهم ياحبيبتي لا تشيل هم ومشي الموضوع عادي ولا كان شي صار
وشوفي دقي علي الاستاذة وجسي نبضها يمكن هي ماعلي بالها الموضوع
ولا أعطته بال ومجردرساله من رقم غريب

[طمـــــ في شموخ ـــــوح]

مقلب ...ورطه...
الله يهدي الجميع ويفرج عنك

[غموض]

الله يهونها عليك والله احراج..
انا اقولك الحل..طنشي الموضوع ومع الايام بتنسينه واسترخي وهدي،،
وبتتذكرينه وبتضحكي بس المهم لا تضيقين خلقك..
واذا سألتك قولي مااعرف شي عن الموضوع؟؟<<الصراحه راحه..
الدنيا ماتستاهل..وياما صارت مواقف اصعب من كذا ومرت بسلام..
بالتوفيق يالغلا..