افيدونا الله يوفقكم

[النجاح المستمر]

السلام عليكم ورحمة الله وبركاته

في البداية حابه ابارك لكل من انقبل في الماجستير و الي ما انقبل الله يعوضهم خير يارب قولوا آآآآآآمين
تاني شيء عندي استفسار بخصور الماجستير ادارة اعمال تنفيذي انا انقبلت فيه بس ابغى اسأل بخصوص المواد كم نأخد 4 أو 3 مواد و الله محتارة في هذه الشيء بالذات انه انا موظفه ومني عارفه كيف حيكون ضغط عليه 4 مواد يعني كمان كمية المنهج زي منهج الماجستير العام

ياريت الي عنده خلفيه عن الموضوع يعطينا رأيوه وخبرته في هذا الشيء

وشكرا

[Brainiac]

هلا بك أخت " النجاح المستمر".... وألف مبروك لقبولك في الماجستير وعقبال الدكتوراه ان شاء الله.

بخصوص المواد ، للاسف لن يكون القرار بيدك... يعني في البداية راح يفرض عليك عدد المواد ... وبرضو راح يفرض عليك نوعية المواد .... يعني للاسف مالك خيار في هالشي وهذا نظام الماجستير الخاص... يكون بنظام السنوات مش بنظام الساعات.

احتمال كبير... وانا قرأت الشي هذا بس ما اذكر وين ، اول ترم في البداية يكون 3 مواد... وبعد كذا ممكن انها تزيد وتوصل 4 كحد أقصى.

اذا كان تخصصك في البكالوريوس له علاقة بالادارة ، فبأذن الله الامور راح تكون ميسرة لان المواد اللي راح تاخذيها حتكون basics من كل حاجة خصوصاً في البداية.. يعني غالباًَ حتكون اشياء مرت عليك من قبل خلال دراستك للبكالوريوس....بعدين ان البرنامج (وهذا المفترض) يعتمد كلياً على الفهم مش الحفظ... عشان كذا كانت الخبرة العملية من شروطه الاساسية.

أتمنى لك التوفيق .... وان شاء الله تكوني دايماً أسم على مسمى.

[النجاح المستمر]

مره شكرا أخ Brainiac على الاجابه على الاستفسار

بس ما حيكون صعب شوي اذا كانت 4 مواد لانه اعرف البنات الي في العام معاهم 3 مواد ومره مضغوطين وكيف لما تكون 4 مواد

[Brainiac]

طبيعة الدراسة في العام تختلف عن الخاص...

طبعاً الضغط في الخاص راح يكون في اوقات المحاضرات.. بحكم انها في نهاية الاسبوع... راح تكونين مضغوطه من كثرة المحاضرات.... ولو ما نمتي كويس باليوم اللي قبل المحاضرات... راح تفقدي التركيز في المحاضرات اللي من بعد الظهر.

بس فيه ناحية ايجابية... المحاضرات راح تكون مرة كل اسبوعين.... يعني راح يكون عندك اسبوعين تقدرين ترتبين فيها امورك... وتحددين مواعيد معينه تناسبك للمذاكرة..... برضو ممكن يكون عندك اجتماعات مثلاً بالنت مع كم بنت ..... لان فيه احتمال يكون فيه مشاريع مثلاً... ولازم تشتغلوا كقروب ... وبهالحالة لازم تلتقي انتي وزميلاتك اون لاين مثلاً وتعملوا اجتماع تناقشوا فيه مشروعكم وكل وحده ايش عملت وايش مطلوب منها ...الخ

يعني في جميع الاحوال ، الموضوع بس يحتاج له time management ... اذا قدرتي تتحكمين فيه ، ان شاء الله كل الامور بتكون تحت سيطرتك بأذن الله.