يا دكاترتنا تعالو شويه لو سمحتو

[D.Roody]

اهلن بدكاترتنا
كيفكم ايش اخباركم ..؟

المهم بلا ما اطول عليكم
ابغى اسالكم كم سؤال من اول ولمن جيت اكتب الموضوع نسيتهم

المهم انا من المدينه وجاني القبول في عزوز الحمدلله وتقديمي الربوع
بس خايفه انو يقفل قبل كدا لانو الي شايفتو مره متاخر فشايله هم اضرب مشوار عالفاضي
وارجع يد ورا ورد قدام

واحنا قفل عندنا الصحه في طيبه على 86 وشويه فمالي غير جده
وانا امنت حياتي الطب ما ابغى ادرس غير الطب

والله اني شايله هم السنه التحضيريه دي مرره وخايفه ما اجيب معدل
اقسم بالله اني مستعده ازاكر من دحين بس المهم اني ادخل طب في النهايه

عارفه طولت عليكم مره وماسالت ولا سؤال الين دحين

دحين لمن ادرس تحضيري وادخل الطب ان شاء الله
حدرس سبعه سنين غير التحضيري ولا سته ..؟
يعني الي يسالني سنه كم اقولو اولى ولا تانيه ..؟
وكيف الدراسه معاكم ماشين ولا لا ..؟
ومن متى يبدا التطبيق في المستشفى ..؟

وشكرا واسفين عشان طولنا عليكم
وازا افتكرت شي اكتب بعدين

[dr.bebo]

السنة التحضيرية سهلة وما ينشال همها
اما بعد ما تخلصي السنة التحضيرية وتدخلي طب انشاءالله فانت سنة ثانية طب
وفرصتك كبيرة انك تنقبلي في السنة التحضيرية
لا تخافي واتوكلي

[مـــآجد]

هلآ آختي

السنة التحضيرية تعتبر من سنوات التخصص لانك تدرسي مواد عامة ومن متطلبات الجامعه
ويصير باقي لك 6 سنين

قولي له سنة ثانية

الدراسة حلوة طبعا انا اقصد التحضيري لسا مابديت في كلية الطب

هرجة التطبيق مادري عنها

بــآلتوفيق

[m.a.h-91]

اول شي اهلا بك ف جامعتنا مقدما

السنة التحضيرية بسيطة لكن لو كان عندك هدف وكنتي مصممة تحققيه وتذاكري اول بأول صدقيني حتدخلي طب

انا نفس حالتك من المدينة وماقبلتني طيبة بفرقة بسيط جدا لكن جيت هنا وشديت حيلي واتحقق حلمي الحمد لله

[LLLLLLLLLL]

اذا كانت الانجلزي تب اواقل شوئ لا تشيل هم
اما اذا الانجلزي عندك مو مره برضه لا تشيل هم بس عليك تشدي في المواد الثانيه
وبالعموم لكل مجتهد نصيب والله يوفقك وتكوني افضل دكتوره بالعالم ,,,,, كبيره شوئ ههههههه

[FrfoSha]

انا ما حزيد شئ عاللي قالوآ الاخوآن قبلي ..

بس ان شاء الله تنقبلي تحضيري انتظام و حتى لو تاهيلي مو مشكله ( التاهيلي ناس يدآموآ كل يوم بس دوآمهم في العصر مو الصباح زي الانتظام ) .. في بنات اعرفهم تاهيلي دخلوآ كليات صحيه الشغله ما تفرق متى انتي تدرسي في اي وقت .. تفرق اذا انتي شديتي حيلك راح توصلي باذن الله للي تبغيه

وترى التحضيري ابدآآ ماهي صعبه لاتسمعي كلام المحبطين بالعكس .. جدآ ممتعه اذا انتي حبيتيها .. اهم شئ لاتسحبي عالمحاضرات و انتظمي في الحضور

يللا عقبال مانفرح فيكِ السنة الجايه ان شاء الله هنا في القسم =)

بالتوفيق ..

[D.Roody]

اهاا طمنتوني الله يطمن قلبكم
عشان انا محتااره قلت ادخل في ابن سينا اسمو شي مضمون
بس اخاف ماتجيني البعثه حقتهم وعاد نورط بالفلوس دي كلها

[طالبة تقنية]

باذن الله تتوفقين اختي
بس المهم تكونيين مرتاحة في السكن لان الغربة ليست سهلة على كل واحد والافضل لو كان معكي احد من الاصدقاء
حتى يسهل الامر وتتكيفين

وبالتوفيق في الدارين

[D.Roody]

امييين يارب