ارجو الإفاده .. بخصوص المسار الإداري ( فرع السليمانيه )..!

[جداويه بطله]

السلام عليكم وحمة الله وبركاته
صباحكم سعاده ما تنتهي

بصراحه ما كنت حابه افتح موضوع ولكن التوتر والخوف وكثرة اللغط في دا الموضوع
هما الدافع الأساسي لفتح الموضوع

قبل كل شي اتمنى من اللي عندو الرد الأكيد يتفضل بالإجابه

.,.
بكره موعدي في الجامعه.. وجدآ خايفه من موضوع الشرفيه
اول ما عرفت انو احتمال اكون في غير السليمانيه قلت مو مهم المهم ادرس وكلها في الأخير شهاده
والخيره فيما اختاره الله
.,.

لكن بصراحه الموضوع اكبر من كدا

الشرفيه ابدآ ما اعرفها وما اعرف موقعها الجغرافي من خريطة جده
سألت قبل فتره عن موقعها لقيت رد وقف شعري !!
عند من Oasis mall ( محمود سعيد )
.,.

السليمانيه نفس الشي بعيده لكن اهون بكتير من اللي ما تتسمى
انا من شال جده وتحديدآ المحمديه واقرب فرع ليا السلامه
لكن في قريبه ليا درست في السلامه قالت انو مره المبنى ( سيء )

السؤال بعد دا كلو
هل راح انقبل انتظام في السليمانيه
( يعني هل المسار الإداري انتظام لسا مفتوح في السليمانيه او لا )

علمآ بأن ما ورد في استمارة الترشيح هو التالي

الموعد تم على المعدل الموزون العلمي والترشيح على المسار العلمي أو الإداري
علمآ بأن البرامج المتاحه هي : تحضيري إداري فرع السليمانيه أو السلامه..!
^^^^
ما ادري هل دا الكلام يضمنلي مقعد في الجامعه انتظام ..؟

أتمنى القى لو رد واحد يخليني ارتاح لأنو نفسيتي مضروبه
واعتذر ع الإطاله وعلى فتح موضوع مشابه لأغلب المواضيع في القسم
واتمنى تقدرو وضعي ( النفسي )..

وبالتوفيق للجميـــــــــــع يارب

.,.

[alghla]

اضم صوتي لصوتك لانو بنت خالي تجننت من الشرفيه
متى موعدكي؟؟
بنت خالي من 9 الى 10
وياليت من عنده خبر موثوق منه يرد

[Daniaa.]

ليش نفسيتك مضروبه ,, روحي وشوفي وان شا الله يكون مفتوح لسا حتى لو انتقالي ولا تأهيلي ^^

[ǁ غــلأآإ ، رٍوٍحــي ǁ]

كلهـآإ خمس سآعات وتروحوآ الجآمعه وتشوفوآ الخبر الأكيييد..

[جداويه بطله]

الغلا

انا من 8-9

وانتظر الرد ..


دانيا ..

اكره الشعتره عشان كدا نفسيتي مضروبه
وان شاء الله يكون مفتوح الإنتظام لأنو الإنتقالي والتأهيلي من غير مكافأه
وانا ابغا المكافأه اديها للسواق اللي حيوصلني
انا عايشه في جده لوحده والوضع سيء مرره

غلا روحي ..

يا قلبي والله اعرف .. بس اكره اني انصدم :(

.,.
حياكم ومشكورين ع تعاونكم
في انتظار الرد الشافي :(