مساعده ضرورية جدددددا

[miss caraza]

السلام عليكم
انا انقبلت علوم وابغا تقنية طبيه وطبعا التحويل بعد سنه ,بس اقدر احول تمريض دحين عشان موزوني مقبول في كلية التمريض

فسؤالي ايش اقرب للتحويل للتقنية الطبيه علوم ولا تمريض ؟؟
ادخل كيميا حيوي وبعدين احول تقنية بعد سنة ولا ادخل تمريض دحين واحول تقنية بعد سنة ؟؟
بليييييييز ياريت تجاوبوني كلكم :(
وشكرا ليكم :)

[بيو كيميائية ^_^]

وعليكم السلامـ والرحمـة

في التمريض والتقنية فيه مواد مشتركة مثل الأنتومي والفسيلوجي ومادري عن الباقي

وإذا أنتِ مو حابة العلومـ روحي حولي تمريض

لكن إذا مافيه مقاعد خليكِ علوم كيمياء حيوي

الكيمياء حيوي أقرب إلى المختبرات من التمريض لأن شغل التمريض يختلف عن شغل المختبرات لكن مثل ماقلت فيه مواد مشتركة

والتحويل مو مضمون لازم 4ونص أو أعلى أفضل

ولو لاقدر الله ماحولتي ترا الكيمياء حيوي تشتغلين في المختبرات شيء ثاني فيه في بعض الجامعات مثل سعود والفيصل عندها برنامج وتدرسي سنة أو سنتين على الجامعة وتكوني مثل خريجة المختبرات ويعطونك مكافأة بعد

يعني ماضاع حلمك أبدًا

وبالتوفيق لكِ ولاتنسي تستخيري

[miss caraza]

شكرا ياعسل على الافادة بس انا مو قصدي مختبرات زي ماقولتي
كنت ابغا احول تقنية (علاج طبيعي)
وكمان بدي اسألك كيف الكيميا الحيوية معــــاكي ؟؟ :s
وسؤال تاني : فيي اي قسم الكيميا العضوية ؟؟
وشكرا ليكي

[بيو كيميائية ^_^]

المشاركة الأصلية كتبت بواسطة miss caraza شكرا ياعسل على الافادة بس انا مو قصدي مختبرات زي ماقولتي كنت ابغا احول تقنية (علاج طبيعي) وكمان بدي اسألك كيف الكيميا الحيوية معــــاكي ؟؟ :s وسؤال تاني : فيي اي قسم الكيميا العضوية ؟؟ وشكرا ليكي

العفو

أها

حلو وممتع والحمدلله تمام بس يبي له شدة حيل وصبر

الكيمياء العضوية كيمياء

الله يوفقك يارب وتحولي

[miss caraza]

قصدك كيميا عضوية هيا نفس الشي كيميا ؟؟؟

اميين يارب دعواتك :)

[بيو كيميائية ^_^]

ايوا نفسها

الله يوفقك

[miss caraza]

شكرررا ياعسل طفشتك معايا
بس ايش احسن بصراحة كيميا عضوية ولا حيوية

[بيو كيميائية ^_^]

العفو لاعادي أسألي كل اللي يخطر في بالك

الحيوية تكون عن الإنسان تتكلم عن العمليات الحيوية اللي تحصل داخل الجسم والكربوهيدرات والفيتامينات والدهون والإنزيمات والبروتينات والأمراض وسموم وهرمونات والحديث يطول بس كل شيء في الجسم

الكيمياء تكون عن تصنيع المواد وكذا

وماأقول لك هذا أفضل من هذا لأن مافيه قسم أفضل من قسم وكل واحد بيقول قسمه الأفضل لكن مانقلل من القسم الآخر

وأنتِ وميولك ايش تحبي أكثر ومثل ماقلت لك فوق عن المختبرات

والحيوي تعتمد أكثر على الحفظ وهي أصعب من الكيمياء بس مو معناته الكيمياء سهلة وتافهه

والكيمياء تعتمد أكثر على الفهم

استخيري قبل أي شيء

وأي سؤال أو نقطة مو فاهمته أسألي ولاتترددي وتخجلي

وإن شاء الله نقدر نجاوبك

[miss caraza]

لا انا احب الكيميا اكتر
بس مني عارفا ايش حيسير الله يكتب اليي في الخير :)
مرره شكرا يابيوكيميائيه الله يسعدك
وإن شاء الله ازا في اي شي حقولك
شكرا

[بيو كيميائية ^_^]

العفو

الله يوفقك يارب