سؤااااااااااااال مهم بليييييييييز

[Nadooe]

السلام عليكم ورحمة الله وبركاته
أنا عندي سؤاااااااااااااااااااال مهم؟
دحين إذا دخلت كلية الطب إن شاء الله (طبعا بعد مااتخرج من السنة التحضيرية)
كم سنه حدرس ؟؟؟؟؟ وفي أي سنة أتخصص القسم إلي أبغاه (بصراحة نفس طب أطفال)
معنو كل ما قلت لأحد قلي الله يعينك إذا دخلتي طب حتقعدي طول عمرك تذاكري عشاااااااان تتابعي التقنية المطورة وجابولي إجباااااااااااااط ؟
عشان كذا صرت محتارة بين كلية الطب وكلية العلوم الطبية التطبيقية؟
يااااااااريت تفيدوني
معليش على التطووووووووووووووويل
تحيااااتي

[طالب طب في المستقبل]

اهلين اختي

إن شاء الله نشوفك معانا في الكلية

بالنسبه للدراسه

سنه تحضيريه + 5 سنوات طب +سنة امتياز =7 سنوات

واالله يوفقك وتدخلي طب الاطفال وهوه تخصص حلو

انصحك لا تسمعي لكلام الناس اذا عندك طموح وهدف مااحد يقدر يوقف قدامك

بالنسبه ليه اشوف الطب افضل بكثير من التقنيه من جميع النواحي

واتمنى لك التوفيق

واي سؤال احنا حاضرين

اخوك د-عبدالرحمن المالكي

[Nadooe]

مشكور على الرد
أخوي د-عبدالرحمن المالكي
وإن شاااااااااء الله أدخل كلية الطب

[Nadooe]

معليش في شي مافهمتو دحين لمن أدخل كلية الطب <مررررررررة متحمسة
كيف يكوم نظام الدراسة وفي أية سنة أتخصص القسم إلي أبيه ولا أول ما أدخل أتخصص؟؟؟؟؟؟

[صمت الفجر]

تتخصصي بعد ماتخلصي السبع سنوات يعني تدرسي كمان كم سنه على حسب التخصص اللي تبيه

[surgeon]

زي ماقال طالب طب في المستقبل(((احس اسمك مشوار)) ماراح اضيف على كلامه ايشي



سرجون

[واثق الخطا]

بعد السبع السنوات تقدمي على البورد في طب الأطفال

البورد اعتقد مدته 4 سنوات طبعا تدرسي وانتي تشتغلي بعدها تصيري اخصائية اطفال

تقومي تقدمي على الزمالة في تخصص دقيق من طب الأطفال (مثلا, اورام اطفال, قلب اطفال, اعصاب اطفال...) مدتها 3-9 سنوات (انت وشطارتك) تدرسيها كمان وانتي على راس العمل تصيري بعدها استشارية اطفال في التخصص اللي اخترتيه
طبعا وقتها ما احد قدك يعني توب

عموما كل هذا الكلام بدري عليه المفروض الواحد على سنة خامسة كذا يكون قد شاف كل شيء يبدأ يحصر اختياراته في اشياء معينة وسنة الإمتياز حيمارس كل التخصصات ووقتها يقرر بناء على تجربة اكيدة

الله يوفقك ونشوفك السنة الجاية معنا

[Nadooe]

مشكور على الرد
وإن شاء الله أنقبل أدعوووووووووووولي

[صمت الفجر]

^^^
خلاص قررتي طب ؟؟ يلا الله يوفقك ان شاء الله ونشوفك معانا ^^

[Nadooe]

الله يسمع منك
بس والله مررررررررررة خايفة كلهم يقولولي لازم تكوني قوية وتتحملي تشوفي مناظر...
يعني تشريح وجثث الله يعين
عشان كذا كنت مترددة بين الطب والعلوم الطبية _التغذية الإكلينيكية_
بس ربنا يختارلي الي في الخير