بنات إيش رأيكم في معهد نيوهرايزن

[بنت جدة المنكوبة]

بنات إيش رأيكم في معهد نيوهرايزن؟وكيف أسعاره؟ومدى الإستفادة منو في دورات الحاسب؟
ياريت تفيدوني عن الدورات إلي يعطوها؟وعن مكانو؟؟
وهل فيه فايدة منو ولا أخرج منو بدون فايدة زي أغلب المعاهد
أنا مايهمني الشهادة المهم أبغى أتعلم وبدي أسجل في دورة فلاش
أنا في إنتظاركم

[بنت جدة المنكوبة]

وإذا تعرفوا معهدأفضل دلوني

[طموحهـ ولكنـ]

اعذرني بنت جده : عندي سؤال :

هل معهد نيوهرايزن يعقد أختبار توفل معتمد ولا لا ؟؟

شكرا لكم ,,

[بنت جدة المنكوبة]

أيوا
بس الإختبار التوفل الibtعالمي
يعني مو نفس المركز يسويه
هم بس عليهم التريبات والمراقبة

[TuNa]

السلام عليكم ورحمة الله وبركاته

وكل عام وانتم بخير ورمضان كريم

اما بالنسبة لدراسة الحاسب بـ نيوهرايزن
درست عندهم دورات فوتوشوب وطباعة وبعدها درست دبلوم برمجة وكان ضمن
الدبلوم مستويان انغليش من دايركت انغليش

الدراسة جدا رائعة اذا تبغي تتعلمي هذا في الدبلوم مو زي اغلب المعاهد
يعطوكي الاوفيس وفوتو شوب وفلاش وقالوا دبلوم تراه بجد نصب
انا الان اصمم مواقع منتديات وقواعد بيانات بكذا لغة مهمة وعندي شهادة في
الصيانة a+ طبعا دولية
اما الدورات انت وحظك يعني حسب الى تدرسك والانغليش عادي ما حسيتوا يطور

و الاسعار غالية شوي الدبلوم حوالي 26 الف سنتان والدورات تختلف والانجليش
حوالي2100 اذا ماني غلطانه

اما العنوان فهو حي الروضة قريب من مستشفى التخصصي


<<<معليش على حجم الخط مو راضي يصغر

[أنا وبس]

معهد سيئ

وخدمه العملاء اسوأ من السيء

[بنت جدة المنكوبة]

المشاركة الأصلية كتبت بواسطة tuna السلام عليكم ورحمة الله وبركاته وكل عام وانتم بخير ورمضان كريم اما بالنسبة لدراسة الحاسب بـ نيوهرايزن درست عندهم دورات فوتوشوب وطباعة وبعدها درست دبلوم برمجة وكان ضمن الدبلوم مستويان انغليش من دايركت انغليش الدراسة جدا رائعة اذا تبغي تتعلمي هذا في الدبلوم مو زي اغلب المعاهد يعطوكي الاوفيس وفوتو شوب وفلاش وقالوا دبلوم تراه بجد نصب انا الان اصمم مواقع منتديات وقواعد بيانات بكذا لغة مهمة وعندي شهادة في الصيانة a+ طبعا دولية اما الدورات انت وحظك يعني حسب الى تدرسك والانغليش عادي ما حسيتوا يطور و الاسعار غالية شوي الدبلوم حوالي 26 الف سنتان والدورات تختلف والانجليش حوالي2100 اذا ماني غلطانه اما العنوان فهو حي الروضة قريب من مستشفى التخصصي <<<معليش على حجم الخط مو راضي يصغر

حلو ماشا الله
أبي أسألك
مادام عندك خبرة في المنتديات
أبي أسألك كيف تخلي الخبر متحرك
أبغى أخلي روابط الأخبار متحركة

[اروى رورو]

للاسف ما اعرف عنه اي معلومه واتمنى بنات مكه يفيدوني لاني سجلت بالمعهد دورة لغه ثلاث مستويات حتبدأ ان شاء الله الشهر الجاي اذا كان مو تمام الحق اسحب فلوسي

[TuNa]

هذا يابنت جدة يعمل بــ لغة الجافا

[بنت جدة المنكوبة]

طيب كيف ممكن تعلميني