اشوف الدمع في عين الشوارع يكتم الانفاس ..

[صمت مسموع]

سهـــر والليل يكتبني نجــــومٍ والجفـــــون نعـــاس

غسق يمحـــي دروبـــي والدمـــوع تغرّق اجفاني

مشيت وخطـــوتي ترســـم قبــــورٍ كنّها القرطــــاس

نسجها الليل في حزّة عشـــق وانطمست ألوانـــي

اشوف النـــاس

تتكسّـــ ــــ ــــر ملامح والعيون ايباس

اشوف المــوت

يرسمني ملامح داخل احزاني

اشوف الدمع في عين الشوارع يكتم الانفاس

اشوف الناي في كتف الرصيف

يسربل ألحاني

اشوف الحب يستأصـــل حـــــروفٍ مالها احســــاس

مثل ماكان يستأصــــل بقــ ــــ ــــ ـــايا كون نادانــي

وقفت وهالــــزمن يشبه فــــراغٍ داخــل الأكيــــاس

اسولف والصـــدى يرجع يسولف : انت وحداني

ارتّل

وحدة أيامي ظــــ ــــ ــلام وعتمة و وسواس

احاول

انسج من النور واضوّي جهل عنواني

ارتب مابقـــى من غيمــــــةٍ كانت دفــــــــاتر يــــاس

يخطّه هالمطــر عــابــس وتبكــــي ارض اشجـــاني

انا مليييييت رحلة هالخيال وقلبه المنــــداس

ومليت اسقي الشوف افـ عيوني .. دمعة احزاني

ابي طيــــفٍ اذا اشـــــرق اصبّــه في

شفاة الكـــاس

عشــــان الغيـــــــم لاذاقــــــه

يروح يلملم اركــــاني وابي كــــونٍ

يبيــــد نجــــــوم كانت ذكريــــــات انعــــاس

ويمحي هالغســـق

وكفـــــوف دمعــــــي تضحـــــك اجفـــــــاني