بخصوص الأبليكيشن ياليت من الي خلصوا تدقيق يساعدونا

[أحلام مبعثرة]

السلام عليكم ورحمة الله وبركاته
عندي كم سؤال بخصوص تعبئة الأبليكيشن
أولا بالنسبة للرمز البريدي كتبتوا الرمز تبع مدينة جدة؟
وإذا كتبتوا كذا كم رمز مدينة جدة-أنا عارفة إن السؤال تسأل قبل كذا بس معليش ضيعت مكانه وحست
ثانيا بالنسبة للخبرات أنا عندي 3 شهادات خبرة من مدارس أهلية طبعا تدريس
سؤالي إذا كتبتها في الابليكيشن هل بكون مجبورة بالترجمة؟ يعني أترجمهاوأخذها معايا؟
ولا بلاش أكتبها وأريح راسي.
ثالثا أسماء الدكاترة تبع التوصية عندي توصيتين على شكل جدول ومكتوبة باللغة العربية
أكتب أسماء الدكاترة؟لأني خايفة يقولون غيريهاوأروح بداية السنة وماألقى الدكاترة نفسهم
طيب في الخانة الي بيسأل فتحتوا التوصيات أو لا . أيش نكتب
تفرق إذا أنا فتحتها أو لا؟!
إن شاء الله تكون أسئلتي واضحة
وعارفة إن موعد التدقيق قرب فالوساويس بدأت تشتغل
بس أيش أسوي أبغى أرتااااااااااااااااح
ودمتم ذخر إن شاء الله

[أحلام مبعثرة]

لا ماصدق محد جاوب

[أحلام مبعثرة]

لإله إالا أنت سبحانك إني كنت من الظالمين

[عشق الورد]

المشاركة الأصلية كتبت بواسطة أحلام مبعثرة السلام عليكم ورحمة الله وبركاته عندي كم سؤال بخصوص تعبئة الأبليكيشن أولا بالنسبة للرمز البريدي كتبتوا الرمز تبع مدينة جدة؟ وإذا كتبتوا كذا كم رمز مدينة جدة-أنا عارفة إن السؤال تسأل قبل كذا بس معليش ضيعت مكانه وحست ثانيا بالنسبة للخبرات أنا عندي 3 شهادات خبرة من مدارس أهلية طبعا تدريس سؤالي إذا كتبتها في الابليكيشن هل بكون مجبورة بالترجمة؟ يعني أترجمهاوأخذها معايا؟ ولا بلاش أكتبها وأريح راسي. ثالثا أسماء الدكاترة تبع التوصية عندي توصيتين على شكل جدول ومكتوبة باللغة العربية أكتب أسماء الدكاترة؟لأني خايفة يقولون غيريهاوأروح بداية السنة وماألقى الدكاترة نفسهم طيب في الخانة الي بيسأل فتحتوا التوصيات أو لا . أيش نكتب تفرق إذا أنا فتحتها أو لا؟! إن شاء الله تكون أسئلتي واضحة وعارفة إن موعد التدقيق قرب فالوساويس بدأت تشتغل بس أيش أسوي أبغى أرتااااااااااااااااح ودمتم ذخر إن شاء الله

وعليكم السلام ورحمه الله وبركاته
من ناحيه الرمز البريدي انا كتبت حق ابويااااااااا يعني اسئلي ابوكي عنده رمز بريدي وصندوق
من ناحيه الخبرات انا زيك عندي خبرات وما كتبتهاااااا
والتوصيات مو مهمه وقت التدقيق كمان ما كتبتها رغم عندي بس سمعت الي بجدول مو مقبوله في الجامعات برا يعني سبتها عشان بغيرهااااااااا يارب اني افدك دعواتك ليه

[أحلام مبعثرة]

مشكورة وماتقصرين
جزاك الله عني ألف خيررررررررررر

[شغب انثى]

صبااااااااح الخير ياحلووه
بالنسبة للخبرات ما اقدر افيدك وبالنسبة للرمز البريدي تحطي تبع منطقتكم اللي هيا جده اكتبي بعمو قوقل الرمز البريدي لمحافظه جده لانوو اللي يخص ابوك او اي احد من اقاربك اسمو صندوق بريد انا كذاا فهمت وكتبت الرمز البريدي لمنطقة المدينه وانا طابقت اوراقي وانتهيت الحمدالله
وبالنسبة للتوصيات انا عندي بس توصيتين كتبت اسماء الدكاتره بالابلكيشن بس ماطلبوها مننا يعني بس تكتبي الاسماء
وانا حطيت انو فتحتها لانو مفتووحه من اصلووو ترى هما مايدققو بهالشغلات المهم تكون البيانات كلها كامله وتكون مطابقه للاصول ولاتخااااااافي لانوو مرره الشغله حلووه وسهله ولو عندك غلط بيقولو لك عدلي وتعدلي وياخدو اوراقك بنفس الوقت او اليوم اللي بعدوو والله يوفقك يارب

[أحلام مبعثرة]

مشكورة شغب أنثى على الرد
بس بسألك ليه أكتب الرمز البريدي تبع المنطقة خلاص أنا كاتبة إني من جدة
مو لو أكتب بريد أخويا أحسن علشان يراسلوني عليه؟
في الأبليكيشن طالبين العناوين اللي يراسلونا عليها
ياالله من جد احترت ؟!

[al jooory]

اختي احلام انا كتبت الرمز البريدي حق عمو .. وهوا نفسو اللي كتبتو لمن سجلنا ع البعثة ..
المهم انا اخوي مبتعث وهوا اللي قالي اكتب كذا ..
وبالنسبة الى انهم ماطلبو صندوق البريد ،، فانا قريت في منتدى ثاني واحد يقول من الافضل تضيفوا صندوق البريد يعني انو اللي كاتبينو هوا الصح ....

والله يوفق الجميع انا موعدي بكرة في الظهر الله يعييييين ....

[lolipop]

المشاركة الأصلية كتبت بواسطة شغب انثى صبااااااااح الخير ياحلووه بالنسبة للخبرات ما اقدر افيدك وبالنسبة للرمز البريدي تحطي تبع منطقتكم اللي هيا جده اكتبي بعمو قوقل الرمز البريدي لمحافظه جده لانوو اللي يخص ابوك او اي احد من اقاربك اسمو صندوق بريد انا كذاا فهمت

غلط يا حلوه تكتبي الرقم البريدي حقك اذا عندك او احد اقاربك

[عشق الورد]

بنات انا كتبت حق ابويا نفسه الي كتبته في نموذج طلب الا بتعاث يعني اتوقع صح مو خطاء
طيب وش صندوق بريد جده ؟؟؟؟؟؟؟؟؟؟؟؟؟؟؟؟؟؟؟؟؟؟؟
وبغيت اسئلكم بليز
نموذج طلب الابتعاث ببرنامج خادم الحرمين موفيه فراغ توقعي صح ومكتوب تاريخ نكتب تاريخ ايش والا ما اكتب تاريخ ؟؟؟؟؟؟؟؟؟؟؟؟؟؟؟؟؟؟
ونموذج طلب الالتحاق بالجامعه مو اخر شي اكتب اسمي واوقع وتاريخ اكتب اي تاريخ انا كتبت تاريخ اليوم لانه خلصته اليوم صح والا خطاء بعد بكره تتدقيقي عشان اطبع الليل ردوووووووووووووو الله يوفقكم