ممكن تساعدوني يا طلاب وطالبات الفيزياء الي بدؤ دراسة

[الأمل1]

ممكن ترشدوني كم عدد المواد الي نزلتوها لما بدأتو دراسة وما هي مسمياتها وايش يعني مواد اختيارية وهل اسجلها من القسم أم من الموقع وشكرا لاهتمامكم اتمنى تردون لأني ماني لاقية للفيزيائيين تواجد

[شواطئ البحر]

الحد المسموح لأضافة المواد ما يكون أقل من 6 ساعات ولا أعلى من 12ساعة
أذ متفرغة للدراسة أنصحك تنزلي 3 مواد تقريباً ب9 ساعات او 8 ساعات


حتلاقي مسميات المواد في خطة فيزياء
أول ماتنزل خانة الحذف والأضافة شيكي على قائمة الشعب وشوفي أرقام مواد الأجبارية (بتلاقيه في خطة )
ونزلية لأنو في مواد تنزل فصل أول ومواد تنزل فصل ثاني

المواد الأختياريه :عندك بالخطة مواد أختيارييييييية كثيييييير
فقط تختاري منها المواد أللي تناسب موضوع رسالتك ( تكون بتفاقية مع مشرفتك) بعدد المسموح فيه - في أعلى الجدول بتلاقي عدد الوحدات المعتمدة-

[phys master]

مشكورة اختي http://www.skaau.com/vb/member.php?u=83262 على الموضوع واختي http://www.skaau.com/vb/member.php?u=47302 على الإيضاح

وينكم يافيزيائيات؟ نبغى نعرف أيش المواد اللي المفروض ننزلها الفصل الدراسي الأول والأفضل كم مادة؟

[الأمل1]

والله أنا متوهقه لأني دارسة البكالوريوس في جامعة أم اقرى والمواد كانت مسمياتها بالعربي وهنا في جامعة الملك عبد العزيز بالانجليزي وبعد رموز... اتمنى أحد يرد علينا معقولة مافيه أحد درس فيزياء وياليت يفيدونا عن الدكاترة كيف اسلوبهم هل طيبيين ولا مثل دكاترة الفيزياء في أم اقرى سيئيين ياليت أحد يجاوبنا يا أختي phys master

[phys master]

http://www.skaau.com/vb/member.php?u=83262 بنات الفيزياء تلاقيهم في المنتدى أيام التقديم واختبار القبول فقط
لكن ماعمري شفت بنت فيزياء تدرس هنا, كلهم يقدموا......
تلاقي في خطة الفيزياء في نظام قبول مسميات المواد بالعربي
phys611 فيزياء تجريبية
phys631 الكتروديناميك
phys651 ميكانيكا كلاسيكية
phys652 ميكانيكا الكم
phys653 فيزياء رياضية
هذي الإجبارية,,,,
أيش نزل لك منها في الجدول؟؟؟

[الأمل1]

في اسم المادة يطلعلي cs فقط ايش معناها وبعدين تطلعلي ارقام المواد منها 611 و 631 و 651 و652 وباقي المواد مو نفس الارقام الي كتبتيها وانتي ايش نزلك شكله مافيه فيزياء غيري أنا وانتي...؟!

[شواطئ البحر]

سي أس رمز للمادة الحاسب
راح تتغير مواعيد الموجود في قائمة الشعب
الأفضل متابعت قائمة الشعب يوم بدء الحذف والأضافة

[الأمل1]

مشكورة أختي شواطئ البحر على الرد

[phys master]

http://www.skaau.com/vb/member.php?u=83262 أنا لسه ماأنقبلت وبإذن الله حقدم الترم الجاي والله يسهل,,
حابه انك تتواصلي معانا خصوصا لما تاخذي فكرة عن المواد والدراسة والدكاترة اذا تقدري...

cs computer science غريبة تطلع
طيب كيف نزلت لك كل هذي المواد في الجدول؟

[الأمل1]

بإذن الله راح اتواصل معاكم أما المواد فهي لم تنزل في الجدول أنا اضيف في وقت الحذف والاضافة وهذه المواد موجودة في قائمة الشعب والغريب ما فيه مواد فيزياء نازله جميعها حاسب عندي ؟ والله يوفقك وتنقبلي