.. مستلزمات للطالبات المستجدات في السكن زز

[إراده]

السلام عليكم ورحمة الله وبركاتة


مبارك عليكم الشهر يا غاليات وتصوموا تفطروا على خير


ده تنبيه مهم أحب أزكركم بيه راح تحتاجوا في السكن والجامعة كمان


صورة شخصية لكم خاصة الي تبغى تسجل في النادي الرياضي أو تآخد دوام خارجي خلي كم صورة شخصية

لك احتياط معاكي


غير كدا يفضل تطلعي لي هوية ( البطاقة الشخصية )

او يكون معاكي صورة من بطاقة العائلة طبق الأصل وصور منها ....



حبيت انبهمك على دي النقطة واسال المولى العلي القدير

أن يعتق رقاب جميع المسلمين وأن يجمعنا في الفردوس الأعلى ويكرمنا برؤية وجهه

جل جلالة





ساامحوني على التقصير



وانا تحت الخدمة ازا تبغوا أي استفسار



بس في رمضان ما حكون مررة متواجده كتير





ارسلوا على البريد وقت م أفضى أرد عليكم



ولا تستحوا مني نحن أخوات في الاسلام ولازم نساعد بعض ونوقف مع بعض


















السلام عليكم ورحمة الله وبركاتة ....



كيفكم ؟؟؟... أيش اخباركم؟؟



وكيف الشعور لمن قرب موعد الجامعه

أكيد

نبضات القلب طن طن طن طن







على العموم أنا حبيت أساعدكم وأقلكم ايش ممكن تحتاجوا أشياء في السكن





وعل حسب تختلف من ناس لناس



كل مين على حسب مزاجوا وشخصيتوا





أنا أحب أديكم نصيحة





خاصة الي يكونوا جيين من مناطق بعيده





خشوا السكن بدري شوفوا كيف الوضع وأيش تحتاجوا بعدين أخرجوا قضووا وتعالوا تاني



احسن من التعب لأنوا حوسة والتعب أول يوم عبل ما تلاقي غرفتك ومين تكون روميتتك







كمان شي تاني الي تعرف مين روميتتها









حلوة حركة لو أشتروا زي بعض لحاف الغرفة ويكون لايق على لون المفرشة الي إزا حابين يكون عندكم مفرشة















ملابس ...

بناطيل بلايز للسكن ...

بجايم للنوم ....

تنانير ... للجامعة ...

وبنات المسار العلمي يحتاج لهم لاب كوت عشان معمل الفيزياءوالاحياء والكيمياء


منشفة وأدوات النظافة الشخصية الخاصة بيكي ....

طبعا أشياء الزينة حلق وميكاج عطور وكريمات

استشوار 110

شرايب وكوتشات (بوتات )

قصاصة أظافر ...

والي تحب تعمل حمام زيت لشعرها تجيب معاها


منشفة إستحمام


مرتبة للنوم ولحاف وشرشف ومخدة ....



الي تقدر تجيب معاها الطابعه حقتها أحسن من غنها كل شوية تروح المكتبة

لانوا أوقات زحمة وتقفل الساعه 10

والورقة الملونة بـ 5 يعني أوفر كمان


مكوووى للملابــس


أدوات غسيل للملابس وللغرفة

كراافة وتايد وكامفروت وشامبو عبايات واسنفجه

الي البنات الي يبحوا يطبخوا في غرفتهم يجبوا معاهم مواعين والي مو حابين
والي زيي ما يحب يغسل مواعين يجيب صحون وملاعق بلاستيك

امممممممممممممم

وعلاقااات عشان تعلقي حوايجك وأغراضك على الدولاب الموجود

الي تحب تشرب قهوة وشاهي تجيب غلاية موية 110 أو كفتيرة لانوا في فرن وبوتجاز بعين وحده

شي تحطوا وسطه جزمكم ....

فرشة للجلوس في الحووش الي تحب البشكة أو إنها تحب تزاكر برا

ولا تنسوا الشرشف والسجاده للصلاة

والقراءن

راديو ومسجل 110
فواحات

وكمان مفرشة 2*3 بس ده خلوها شوية



عشان تشوفي ممكن روميتتك عندها مفرشها



....



الكونكت سعره نزل سار بـت 500



سارعوا بالشراء << كأني متقاولة مع موبايلي :))


ده الموجود في جعبتي الآن وازا اتزركت شي جديد رسلتكم لكم هو


الله يخليكم لا تحرموني من دعائكم إنوا معدل يكون دائما ً إمتياز مرتفع





,,,,,

[sweet heart]

كل عام وانتي بخير أختي إرادة

صراحة هذا الموضوع كنا محتاجينو من زمان

وأنا عن نفسي لسه ما اشتريت ولا شي للسكن احس مره ضغط دحين لازم اشتري ملابس للعيد وملابس للجامعة وملابس للسكن ولسه مافضيت اشتري أي شي

بس حبيت أسألك عن البنطلون انت كاتبه انو مسموح نلبسه في السكن ..صح ؟؟
طب في شروط للبلايز مثلا تكون طويله ولا عادي أي شي؟؟

وشكرا لك على الموضوع


الله يوفقك ويسعدك ويعلي مراتبك في الدنيا والآخرة وتحصلي على إمتياز في كل سنوات دراستك

[إراده]

طب في شروط للبلايز مثلا تكون طويله ولا عادي أي شي؟؟

لا عادي المهم ما تكون عرياني

[whay]

تسلمي حببتي ارادة على الموضوع الحلو

وماننسى وقفتك معنا في اول سنة

وان شاء الله دوم معدلك عالي

[إراده]

الله يسلمك يارب


آآآمين وان شاء الله حتى إنتي

[لسع ـة شقاوه ..]

تسلمي حبيبتي اراده وفقك الله للخير والله بدونك ضاايعين ...

[النرجس]

السلام عليكم
من جد محتاجين الموضع من زمان


عندي استفسار السكن نقدر نروح له قبل يومين ولا بس يوم الجمعه
وقلتي نجيب مرتبه.... السرير مافيه ولا قصدك حاجه ثانيه


آسفه طولت عليك

[إراده]

السكن ما تقدري تجية إلا يوم الجمعه والأفضل تجي من بدري عبل ماترتب يوضعك


عشان تروحي الجامعه وانتي مروقة تاني يوووم :)


المرتبة مقاس سرير حق نفر والله ما أدري أيش أقلك كم بس عادي متوفر في كل مكان

[رمزالتضحية]

بالتوفيق

[wafa]

مشكورة ويعطيكي العافية
بس حبيت اسال يعني السرير في السكن مافي مرتبة من اصله (يعني بس خشب ) لازم اجيبلي مرتبة؟