فرصه جديده

[Karella]

السلام علبكم ورحمه الله وبركاته جميعا
انا كنت طالبه في جامعه الملك عبد العزيز وأنقبلت للأسف في العلوم و كان حلمي صيدله . و انا الان ادرس في كليه ابن سينا الحمد لله و تخصصي صيدله وانا لان سنه تانيه . ابغي اقول هادي المعلومه للناس اللي ما يعرفوا انو في منحه من ( تنميه الموارد البشرية ) وهي للأولاد والبنات واسمها برنامج ماهر الشروط هي
- سعودي الجنسيه
-نسبة الثانويه تكون 90 فما فوق
-القدرات والتحصيلي 70 فما فوق " بس دحين اتغير وصار اقل بس ماادري الان "
وما تقدروا تعادلو المواد يعني تدرسوا من سنه اولي من جديد بس التخصص مضمون و المنحه بس ل الصيدله و طب اسنان و تمريض و لازم تهتم بالغياب انوا مافي لعب و دايما يكون المعدل اخر السنه وفي كل سنه عالي عشان ما تنقطع المنحه و العدد محدود فلا تسحبوا ملفاتكم قبل ما تتأكدوا انكم مقبولين و كمان في منح في كليه البترجي و كليات اخري و استفسرو عن برنامج ماهر من تنميه الموارد البشريه و انا جاهزه اذاعندكم اي سؤال . و طبعا قبل ما انسي لازم يكون عندكم لغه عشان تقدروا تمشوا مزبوط .
و بالتوفيق إن شاء الله للجميع

[زبادي وتوت 0_o]

توضيح جميل الله يجزاكي خير..
بس كيف طريقة التقديم لو مثلا ابا اقدم للدراسة في ابن سينا والبترجي عن طريق المنحة عفوا بس مني فاهم وياريت تقولي لنا الطريقة ^ _ ^

[Glamor Mada]

ماشاءالله شي حلو والله .. فرصه للناس اللي ما التحقو بالجامعه ..
بس انا خلاص الحمدلله تخصصت طب اسنان ^^
مشكورة اختي جزاكي الله خير

[zozo moh]

طيب ممكن تعطينا

رآبط لتسجيل ولهـ كيف خلص التسجيل

آو اظل بالجامعهـ افضل لي..؟

[Dr.rori]

المشاركة الأصلية كتبت بواسطة glamor mada ماشاءالله شي حلو والله .. فرصه للناس اللي ما التحقو بالجامعه .. بس انا خلاص الحمدلله تخصصت طب اسنان ^^ مشكورة اختي جزاكي الله خير

ماشاء الله ..الله يوفقك
كم كان معدلك في التحضيري؟؟

[Hamsa }~]

مررررررة شكــرآآ ..

حتفيدي ناس كثيــــر..

وان شاء الله كل واحد شاد حيله يدخل التخصص اللي يبيه وربي يوفقه ..

موفقه ان شاء الله ..

[Eng.SouL]

يا ليت توضحين أكثر أختي ..

والله يوفق الجميع ,,

[مصره على قراري]

لو سمحتي اذا تقدري توضحي اكثر اكون شاكره لك
والله يكتب الي فيه الخير للجميع

[Glamor Mada]

المشاركة الأصلية كتبت بواسطة dr.rori ماشاء الله ..الله يوفقك كم كان معدلك في التحضيري؟؟

امممممممم كان 4.54 ..
بس عموما ترا البنات لازم يجيبو معدل اعلى علشان يدخلو الاسنان .. مو زي الاولاد لانه البنات ماشاءالله عليهم اغلبهم شطار ^^

[مجموع انسان]

الي بيسمع كلمه اهلو شو بنئلو .. شاطر شاطر


والله يانااس ياعالم في ناس تتمنى مكان تدرس فيه من قوه الدشره وماف مكان انقبلو فيه اي احد يحصل مقعد ولو فوق سطح القمر اللهم يعطوه شهاده اخر الدراسه يحمد ربه

انا ما اقول انه الدراسه صعبه بس احنا شعب عايشين في دلع كل واحد يبغى يستاانس يبغى يفرفش يبغى يلعب واخر السنه يقول لييييه ما دخلوني مكان ما ابغا


>>> لحد يطقني عين يفكرني متخصص طب ولا صيدله من الي فوق

تراني منتف حاله امي حاله راسب 4 مواد من الدكاتره لابارك الله فيهم حطيت راسي براسهم بس عشاااني فاهم المواد وماخذ فيلد فيزياء مشو حالكم يارب الترم الجاي اشوت نسبتي واجيب ميااات ادعولي

حبيت اقول الي في خاطري وطالع^_^ سي ياا