الرقم المباشر للقوى العاملة ؟

[لوليتا 2010]

انا من خارج جده اتقبلت ماجستير خاص الحمد لله .. و احتاج لوظيفه بالساعات طبعاً الماجستير الخاص ما يحصلوا على مكافأه وانا في امس الحاجه لوظيفه داخل الجامعه على بند الساعات ممكن تدلني اتوجه لفين طبعا خدمة المجتمع لم يفيدوني وقالو لي مافيه وظايف سألت و اتقسيت لحد ما دلوني على شي اسمه القوى العامله بس ماعندي رقم مباشر لهم عندي تحويله و ما بترد صار لي يومين بتصل و ما فيه اي رد و الوقت بيمر بسرعه . احتاج رقم مباشر و صحيح للقوى العامله و اذا فيه جهه غير القوى العامله او خدمة المجتمع تتبع الجامعة و غايبه عن ذهني دلني الله يوفقك

[لوليتا 2010]

هذي المره الثانيه الي استفسر فيها عن نفس الموضوع .. اعتذر لإلحاحي في السؤال والاستفسار وعندي امل تجاوبني وتدلني ..
انا اتقبلت ف الماجستير الخاص و اسكن خارج جده و قررت ادخل سكن الطالبات الخاص .. ومعروف ان الماجستير الخاص الطالبات ما ياخذوا مكافئات انا الان بحاجه ماسه للعمل داخل الجامعه على بند الساعات عشان اشتغل من الساعه 8- 1 ومن 1-4 جدولي الدراسي يبدأ غالبية الطالبات المتقدمات للماجستير الخاص ماشالله موظفات وماعندهم مشكله بس انا عندي مشكله و جلست اتابع خدمة المجتمع الي بالجامعه وكان الرد ف كل مره لا يوجد وظائف ..
كلمت شؤون الطلاب دلوني على القوى العامله بس اعطوني رقم تحويله ماترد وانا ابغى رقم مباشر واذا فيه جهه ف الجامعه تقدم وظائف غير خدمة المجتمع و القوى العامله وانا ما اعرفها دلني اعطيني الأرقام الي ممكن تخدمني انا من خارج جده و الوسيله الي اقدر استفسر فيها عن الوظائف هيه التلفون والنت ووقت المقابله الشخصيه او تقديم الاوراق اطلع جده بنفسي .. تعبت وانا اتصل واتصل من قبل رمضان وما لقيت فايده دلني فين اروح الوقت مو ف صالحي الدراسه حتبدأ ف 10 شوال وانا لسه بدور

[مينو موون]

وأنا أتمنى ألاقي وظيفة مثلك بالجامعة
لو حتى مراسلة
لكن الحمد لله ماباليد حيلة
وما عندنا مرشد مع إني من سكان جدة

تعرفي وحدة زميلتي كانت تشتغل بالجامعة
تقول إنه فيه موظفات بشهادات الثانوية يشتغلوا بالجامعة كوظيفة إدارية أو مراسلة وغيره ..
ويكملوا انتساب بنفس الوقت ..

لكن ما أعرف طريقة التقديم ؟؟؟؟؟؟

[عماد الحسن]

مبروك قبولكم في الماجستير أختي الكريمة http://www.skaau.com/vb/member.php?u=128001 والعذر منكم لتأخر الرد
بالنسبة لقسم القوى العاملة في الجامعة لا أعرف رقمهم أو موقعهم ولكن سوف أبحث عن أي معلومات ممكن تفيدكم في التقديم على الوظيفة بنظام الساعات رغم صعوبة الحصول عليها بسبب ضيق الوقت حالياً، أشكر الأخت http://www.skaau.com/vb/member.php?u=59036 للمشاركة في الموضوع وننتظر بقية المشاركات لنستفيد من رأيهم و دعواتنا لكم بالقبول والتوفيق في الدراسة الوظيفة ،

[أحلى حلا]

الله يرزقكم بالوظيفه المناسبه لكم ياررررررررررب ويوفقكم بالماجستير

[meme_3223]

الله يوفقكم ، ويسهّل أمركم ..
الوظيفة بالجامعة حسب ما سمعت فيها صعوبة ..
لكن قد يكون ماسمعتهُ كلام مغلوط ..

[معلمة مكه]

الله يسهل عليكم اخواتي ...

[بكالوريوس حاسب]

الوظيفه فعلاً صعبه بالجامعه وخصوصاً في الوقت الحالي لوجود بعض الشكاوي من موظفين بند الاجور

المهم بأمكانك تقدمي بخطاب الى سعادة وكيل الجامعه الدكتور اليوبي وبإذن الله تنحل مشكلتك


وفقنا الله وياكم في الدارين

[مس أسيتون]

الله يوفقكم يارب ويرزقكم من حيث لاتحتسبون