زرنا عمادة الدراسات العاليا بخصوص الترجمه المهنية وهذا ردهم

[KING ABDULLAH]

السلام عليكم و رحمة الله و بركاته

زرت العمادة اليوم السبت الساعة 11.30 صباحا وكان احد الاخوان متعاون فالله يعطيه العافيه هو وامثاله من اخواننا الشباب السعودي الي بصراحة يفتح نفسك بطيبته وابتسامته حتى لو انه يعطيك خبر ما يسرك

لكنه يريحك ويخليك ترضى بتعامله الراقي

المهم سألته عن الترجمة المهنية وقال الي حقق الشرط عدد قليل جدا و العدد هذا لا يكفي لفتح برنامج خاص بهم بما انه برنامج خاص

و الي مقدمين ليس 14 او 40 بل اكثر بكثير و الغالبية العظمى لم تحقق الشرط

طبعا مثل ما قالو الاخوان انهم ينتظرون القسم في التخفيف من شرط اللغة ولكن الظاهر انهم متمسكين فيه الى الان

انا صراحة ندمت اني ما دخلت على العميد وكلمته ولعل وعسى يتفهم امرنا ويساعدنا

لكن ان شاء الله امر بكرة واحاول ادخل عليه

وانا اقترح ان كل واحد يقدر يمر على الجامعة ويسأل بنفسه ويخبرنا بالي صار معه

منها نهون على انفسنا الانتظار ومنها قد يجعل بعض من بيده الصلاحية بمساعدتنا

واذا ما تحركنا بأنفسنا و الان فلن يفيدنا بعد ان يلغى البرنامج

واتمنى اذا في فكرة او اعتراض طرحه بكل اريحية وصراحة

وسلامتكم

[a_3b0o0di]

دعواتنا الصادقة لكم
أخي العزيز

[Brainiac]

هلا بك أخوي كنج..... ويعطيك ألف عافية على جهدك.


والله انا للحين اشوف ان القبول المشروط هو أنسب حل ....... يعني يعطوا المقبولين مهلة معينة... خلينا نقول فصل دراسي او سنة كاملة... يجيبوا فيها درجة معينة بالتوفل او الكفايات... طبعاً الكفايات الدرجة عالية جداً وراح تكون صعبة على الطلاب تحقيقها.......... بس اتوقع ممكن يحققوا الشرط لو اختبروا توفل بدل الكفايات.

اتمنى لك التوفيق انت وباقي الاخوان....... وان شاء الله نفرح بقبولكم قريب

[المطـر]

الله ييسر أمركم

[AboTurki]

بارك الله بك أخي عبدالله أنت ومن معك
نشكر لكم جهودكم وسؤالكم

بإذن الله سوف يتنازل القسم عن النسبة المحددة
أو انهم يشترطوا علينا تحقيق النسبة مستقبلاً

نأمل ذلك

وفقنا الله وإياكم

[عماد الحسن]

اشكرك كثيراً أخي الكريم لهذا الموضوع الطيب فأنت تعتبر الآن ممثل للمنتدى في الجامعة.

المشكلة أن قسم الإنجليزي متمسكين بشروطهم رغم أن ماجستير الترجمة مجهزين اختبار لغة خاص بالمقبولين وهذا يحتم عليهم قبولكم الآن وبعدها يتشرطوا على كيفهم، أما تعليق الأمور بهذا الشكل فهو غير مقبول لأن هذا مستقبل ناس والمفروض يكونوا متجاوبين أكثر ويطلبوا شروط معقولة الله يهديهم.
أرجو إنك تقابلهم بكره وتركز على القبول المبدئي الآن وبعدين في اختبار الكلية يطلبوا الشروط المعقولة لكم وربنا معاك ودعواتنا لكم بالتوفيق.

[malak_2100]

شكرا للاخوان .. ولكن الشروط المقيدة ما نبغاهااااااااااااااااااااااا

يا يقبلونا بحالنا ... يالله يوفقنا واياهم ...

يعني مو ادرس واخسر سكن وطيران ومصاريف وبعدين يقولون .. لسه باقي لك اختبارات معينة ..

[الارجوان 2]

لو سمحتو اللي بيمر بكره ان شاءالله الجامعه يسأل عن دبلوم التربيه الخاصه متى بيطلعو النتايج مره مره أأخروها << عاد يقولو فيه قبول والا نفس سالفتكم يالترجمه المهنيه ,,


يجزاكم ربي الخير

[moooj]

المشاركة الأصلية كتبت بواسطة brainiac هلا بك أخوي كنج..... ويعطيك ألف عافية على جهدك. والله انا للحين اشوف ان القبول المشروط هو أنسب حل ....... يعني يعطوا المقبولين مهلة معينة... خلينا نقول فصل دراسي او سنة كاملة... يجيبوا فيها درجة معينة بالتوفل او الكفايات... طبعاً الكفايات الدرجة عالية جداً وراح تكون صعبة على الطلاب تحقيقها.......... بس اتوقع ممكن يحققوا الشرط لو اختبروا توفل بدل الكفايات. اتمنى لك التوفيق انت وباقي الاخوان....... وان شاء الله نفرح بقبولكم قريب

اتمنى أن يتم القبول دون قيد أو شرط

غيرأنه إذا كان القسم سيلغى فأنا مع رأي صديقي بالقبول المشروط بدراسة لفصل دراسي مواد

تكون متعلقة بالترجمة واللغة واللي يجتاز يكمل إن شاء الله طالب واحد فقط المجتاز ......

يعني مو بعدين يقول العدد قليل وما نقدر نفتح القسم ............ حياكم

[Brainiac]

^
^
^

بالضبط يا صديقي الصدوق................ لاني انا اؤمن بالمثل القائل : العوض ولا القطيعة

بعدين فيه طلاب كثيرين راح يوافقوا على هالشرط باعتقادي الشخصي ...... وان كان في البداية ممكن يكون فيه اعتراض ... لكن الواقع يفرض نفسه.

يعني فيه ناس اعترضت على ورقة التعهد عند المطابقة (تعهد بالدفع في حال الغاء المكرمة الملكية) ...... وفيه اخوات اعترضوا على موضوع الصورة الشخصية بالبطاقة.... ولكن بالنهاية الكل وافق على الطلبات هذي.

بالتوفيق للجميع