لجميع المتخصصين التمريض والعلاج الطبيعي وممكن طب

[katkoooooota]

السلام عليكم ..
يا جماااااااعه والله احترت ..

انا اصلا كنت ابغى طب بشري .. وفي المستقبل اتخصص جراحه .. انا مرررررره احب الجراحه والعمليات ..
انقبلت تقنيه طبيه وابغى ان شاء الله علاج طبيعي ..
بس انا نفسي في تخصص قريب من الطب .. يعني اقرب شي للطب ابغى تخصص اقدر ادخل فيه غرفة العمليات واشارك .. بس ما اعرف كيف العلاج الطبيعي اقدر ادخل عمليات او كدا ولا لأ ..
انا في البدايه فكرت احول تمريض بس اهلي قالولي لا التمريض مهنه ناس يحتقروكي .. و يعاملوكي زي الفليبينيات .. وخلاص اقتنعت بالعلاج ..
بس دحين لمن قريت عن التمريض .. مررره حسيتو قريب من الطب وفيه تعامل كتير مع المرضى و في عمليات .. وانا ابغى شي كدا .. بس خايفه من تعامل الناس ..
اذا عندكم اي فكره عن العلاج الطبيعي كيف هوا .. وايش تنصحوني اسوي يعني لو كنتو في حالتي ..
مع العلم اني ابغى احول طب اذا جبت معدل عالي السنه الجيه ..
فايش تشوفو احسن اني احول دحين تمريض وادرس دي السنه واشوف اذا قدرت احول واذا لا اكمل ولا افضل زي ما انا ؟؟
واذا في احد يعرف كم المعدل المطلوب عشان احول طب ؟؟

[katkoooooota]

وفي شي تاني .. لمن قريت المواد حق التمريض وحق العلاج .. بشوف في العلاج مواد كدا فيها عملي كتير يعني وفي طب قلب واعصاب وعظام .. بس التمريض مررره مافي مواد كداا .. ليش يعني مو المفروض ياخدوو مواد قريبه من الطب ؟؟

[JuStice]

.

وعليكم السلام ورحمة الله وبركاته ,

إن شاء الله يفيدوكِ طالبات التمريض والعلاج الطبيعي .. لكن نصيحتي لكِ ,

لما تختاري التخصص فكري في إنك ممكن تجلسي في التخصص دا خلاص وما تحوّلي أبدًا وما يتيسر لكِ التحويل ! فكري كويس في دا الإحتمال ,

عشان كدا من البداية اختاري التخصص اللي يناسبك تمامًا ولا تختاري تخصص سهل أو قريب من طب

لمجرد إنِك تجلسي فيه سنة وتحوّلي .

موفقة

.

[weddah]

اهليين كتكوتة

انا قد قلتلك ان العلاج الطبيعي قريب من الطب في ناحية انك بتكشفي على المريض وتشخصي وتكتبي العلاج وتتابعيه
بالنسبة للعمليات لا طبعا مالنا دخل فيها
بس عندنا العلاج الطبيعي والتأهيل لبعد العمليات
سواء عمليات عظام او قلب او ولادة اي شي

اللي اعرفه ان التمريض ممكن تتخصصي بعد كدا تمريض عمليات
يفيدوكي اكثر بنات التمريض ان شاء الله

واحنا نزلنا المستشفى من اول سنة بس نشوف الحالات من سنة ثالث

وترى التخصصات مختلفة عن بعض وكل واحد مجاله غير فكري كويس

[weddah]

وكمان العلاج الطبيعي اكيد مو بس تدليك
ولا خاص بالمسنين
وقرأتي أكيد في موضوعي وفي الخطة الدراسية حقنا كيف مجالنا وطرق العلاج واسعة

هي 4 تخصصات من ضمنها تخصص العظام والمسنين

[● ά7Ļά şùģάя ●]

يب في ممرضآت وممرضين لغرفة العمليآت
وفي تخصصآت تندرج تحت التمريض زي التخدير لآزم تكون بغرفة العمليآت

والمستشفى ننزل نطبق فيهآ
من الترم الثآني من سنة ثآنية

بنظري أشوف إنو نحنآ أقرب شيء للطب
وخطة المنهج للتمريض مشتركة في أشيآء كتير معاهم
وحتى سنة تآنية أغلبهآ كآنت موآد الميدسن بندرسهآ
بس همآ بيأخدو المآدة في ترمين ونحنآ في ترم

والله ييسر لك الطيب
=)

[جوجو فور ايفر]

الترم الثاني من السنة التانية انتي تقصدي سنتنا دي اللي بعد لتحضيري ولا شو !

[● ά7Ļά şùģάя ●]

^^^

يب طبعن السنة اللي بعد التحضيري تعتبر سنة تآنية
والتحضيري محسوبه في سنوآت الدرآسة وتعتبر سنة أولى