(لا تحقرن من المعروف شيئاً، ولو أن تلقى أخاك بوجه طليق)

[تفاحة بيتهم]

السلام عليكم ورحمة الله
كل سنة وانتو طيبين معليه جت متاخره شويه بس للظروف احكام
بما اننا على مشارف الدراسة اتمنى منكم تساعدوني في مادة مبادئ وتقنية معلومات cpit 220 بليييييييييز ابغى نصايحكم فيها كيف حتكون واش المفروض اسوي من البداية عشان مااتندم بعدين لاقدرالله
ودائما وابدا في كل مساعدة او استشارة تقولوها احتسبوا الاجر عشان ماتضيع مساعدتكم ومشورتكم وتعتبر تعبدية لله وحده ولذا ثبت في صحيح مسلم من حديث أبي ذر أن النبي صلى الله عليه وسلم قال: (لا تحقرن من المعروف شيئاً، ولو أن تلقى أخاك بوجه طليق).
وجزاكم الله خير جهودكم واضحة في المنتدى الله يبارك فيكم
ويسعدكم زي ماتسعدوا الناس

[RIY@D]

الماده سهلة وحتحسي اغلب مواضيعها واضحة لكي
لكن ثقييييييييييييلة حوالى 10 شباتر يعني لازم اول باول
وبالتوفيق
بالنسبة لتقسم الدرجات كانت
15 دوي اول
15 دوري تاني
10 معمل
10 برزنتيشن مجموعة
5 بحث
5 خلاصة اسبوعية
40 نهائي

طبعا دا بالنسبة لنا العيال قبل 3 اترام

[طقوس ..~]

نصييييحة لك ..
حبي المادة .. المادة ممتعة
لكن حفظها كثير حبتين ..
يعني لو ذاكرتيها اول بأول حتمشي معاكِ مزبوط
انا درستني استاذة انتصار الكيال
قمممممة ماشاااء الله ..
كنت اكتب معاها بالـمحاضرة .. ومع اني تعبت بالمادة لاني ماكنت اذاكرها اول بأول لكن من جد كانت ممتعة
اسئلة الكتاب حلوة ويجي منها
وفي موقع الكتاب في اسئلة بالمررررررررررررررررررررة مهمة
:)
الله يوفقك حبيبتي .. وتستمتعي وتستفيدي

[نانو بيبي]

مادة كلامها كثير ..وحفظها كثير
والاسئلة تجي من الاسئلة اللي بعد كل تشابتر
ذاكريها تمام ...
والمعمل حقها مرة ممتع

ربنا يوفقك

[تفاحة بيتهم]

المشاركة الأصلية كتبت بواسطة riy@d الماده سهلة وحتحسي اغلب مواضيعها واضحة لكي لكن ثقييييييييييييلة حوالى 10 شباتر يعني لازم اول باول وبالتوفيق بالنسبة لتقسم الدرجات كانت 15 دوي اول 15 دوري تاني 10 معمل 10 برزنتيشن مجموعة 5 بحث 5 خلاصة اسبوعية 40 نهائي طبعا دا بالنسبة لنا العيال قبل 3 اترام

جزاك الله خير على ردك والله يكتب الي فيه خير لي

[تفاحة بيتهم]

المشاركة الأصلية كتبت بواسطة طقوس ..~ نصييييحة لك .. حبي المادة .. المادة ممتعة لكن حفظها كثير حبتين .. يعني لو ذاكرتيها اول بأول حتمشي معاكِ مزبوط انا درستني استاذة انتصار الكيال قمممممة ماشاااء الله .. كنت اكتب معاها بالـمحاضرة .. ومع اني تعبت بالمادة لاني ماكنت اذاكرها اول بأول لكن من جد كانت ممتعة اسئلة الكتاب حلوة ويجي منها وفي موقع الكتاب في اسئلة بالمررررررررررررررررررررة مهمة :) الله يوفقك حبيبتي .. وتستمتعي وتستفيدي

تسلمين ياقلبي انا مني شايله هم المذاكره قد مني شايله هم المشاريع الي معاها كيف حتكون
وجزاكي الله خير ياعسل على النصايح المهمة

[تفاحة بيتهم]

المشاركة الأصلية كتبت بواسطة نانو بيبي مادة كلامها كثير ..وحفظها كثير والاسئلة تجي من الاسئلة اللي بعد كل تشابتر ذاكريها تمام ... والمعمل حقها مرة ممتع ربنا يوفقك

يسعدك ربي ياعسل مررررررررررررره ريحتيني كنت شايله همها لاني شايفه بنات السيمستر الي فات مره تعبانين فيها
تسلمي جزاكي الله كل خييييييييييييييير

[المنهالي]

والله الماااده حلوووووه وممتعه وأغلب دروسها بتكوني فاهمتها من اول
بس مشكلتها الوحيده انها طوووويله بس

اما كل شي سهل بس يبغى لها مراجعه اول باول على شان ماتتراكم عليك في النهائي وتبتلش

[abuazah13]

ذكرتيني بأول ترم في الكلية والله أيام حلوة على فكرة حنا أول دفعة في الكلية

والمشهور بيننا إنا دفعة فئران تجارب

وعلى طاري مادة مبادئ تقنية المعلومات مادة بالعربي حفظ على قد ماتحفظي على قد ماتجيبي درجات حلوة

[تفاحة بيتهم]

مشكووورين جزاكم الله خير
حمستوني على المادة بس للاسف محااخدها دحين لانهم مانزلولها شعبة يلا ان شاءالله نلحقها بعدين