احوال شخصيه المستوى التاني مع شاديه كعكيه ت

[روووني]

هاي بنوتات

كيف حالكم بعد الاجازه؟؟ ان شاءالله تمام

ابغا اسألكم عن احول شخصيه المستوى التاني كيف الماده من ناحيه صعبه ولاسهله دسمه ولاكيف وسهولتها مقاربه للمستوى الاول ولا لا؟؟ وابغا كل شي عنها بليز؟

ومين افضل شاديه كعكي ولافاطمه الجلسي؟؟

وترفع المعدل ولالا لأني ابغاها اختياريه؟؟ يعني تسوى اخدها ولا لا؟؟

[أحب المساعدة]

لا طبعا ما تنفع مادة حره
لانه دكتورة شادية شديدة في الاسئلة و الدرجات
ودكتورة فاطمة تكاليفها صعبه والدرجات عندها تطير

ابدا ما انصحك فيها كمادة حره
اما اذا كنت تخصص دراسات فالمادة طبعا الزامي عليك لازم تخذيها فخذيها مع شادية افضل من فاطمة صح اسئلتها دقيقة بس تفهم وحقانية في الدرجات ما تظلم

[روووني]

لا انا تخصص قانون بس الماده عندنا اختياري وهيا تقريبا من بين الاختياري افضل المواد
وانا اخدت المستوى الاول والحمدالله اخدت فيه a+

طيب الماده نفسها كيف سهله ولاصعبه ؟وعن ايش تتكلم؟

فيه بنات يجيبو الaلا نادر ياليت كمان احد من البنات يجاوبني

ومرره شكرا

[أحب المساعدة]

انت اخذتي احوال 1 مع مين ؟

[أحب المساعدة]

هي تتكلم عن الخلع + الطلاق + الرجعة + الإيلاء + الظهار + اللعان + العدد

وصراحه احلى من احوال 1 بس طبعا على حسب الدكتوره

[نبض حياة!]

مع دكتورة شادية المحاضرات ممممممممممممتعة وراااااائعة :) ..
بس أسئلتها جددددددددددا ذكية , تحتاجي تصحصحي في الاختبار وما تجي مواصلة عشان لا تجيبي العيد ..
أنا لو ينفع آخذها مرة ثانية كان أخذتها مع دكتورة شادية الله يسعدها ^_^

[روووني]

والله؟؟
مررره مشكورين نبض الحياه واحب المساعده على ردودكم يعني رايكم اخدها وانا مرتاحه الحمدالله

وانا اخدت احوال المستوى الاول مع سوسن المعلمي

وازا عندكم معلومات اكتر ياريت تعطوني

[روووني]

طيب حبوبات افتكرت كم سؤال

كيف طبيعه الاسئله ؟؟مقالي اختياري ولاكيف؟

[أحب المساعدة]

دكتورة شادية
اسئلتها مقالية واختيارية مع بعض

[روووني]

مرررره شكرا ياعسل والله يوفقك يارب