تحويلي للانتظام,,

[miss sun shine]

السلام عليكم ورحمه الله وبركاته..\
كيفكم جمعا"..إن شاء الله بخير..

بس حايسه وعندي مشكله اللي هي اني زي كـــــــــل اللي قدموا انتظام انحذف طلبي:11
واليوم بس اللي انتبهت لاني كنت مساافرة

المهم وبنت عمتتي لما راحت العمادة تسجل لسمي ورقمي الجامعي ماحطت رقم جوالي
وانا بجدة بس مررة تصعب اروح الجامعه لاني تعبانه

ومعدلي 4,33
اش رايكم احاول اروح اخاف يكون مشوار عافاضي انا ساكنه بأقصى الشمال بالشاطيء..

ارجو القى اجابه ..
وجزاكم الله خير..

[يلدرم]

فكري تبغى تدفعي لهم 3000 كل ترم ولا تأخدي مكافئة

وبعدين المشوار كلها نص ساعة من شمال جدة

[miss sun shine]

مشكور اخ يلدرم..بس هو مو عالمسافه ,,ابغى احد زي حالتي يردلي خبر بعد مايكون راح الجامعه عشان مايكون مشواري عافاضي

[بلا وطن]

والله انا زيك سهرانة وفيني نوم ومحتارة اروح ولالا

[ميررة]

انا نفسي اتاكد بعد هل حولوني ولا لا

[maamoola]

روووووووووووووووووووووووووووووووووووووووووووو وووحي

اصحك تفوتي الفرصة عليك

اصحك

هدا مستقبل يابنت الحلال مش لعب

[نملة حامل]

حبيبتي حتى لو ماتبغي تروحي ارسلي وحده باسمك ورقمك الجامعي تسأل نزل اسمك او لا

[miss sun shine]

مشكورين كلكم على ردودكم,,رحت الجامعه والحمدلله انقبلت بس عندي سؤال الموظفه قالتلي استنى يومين لين يسير التفعيل طيب عادي يعني؟؟..والفحص الطبي فين اسويه,,فالجامعه اسرع ولا برة,,

شكرا" مقدما"..

[loletaaaaa]

فالجامعه الكشف الطبي ومبرووك التحويل
اتعودي انا زيك ساكنه فابحر
ابعد منك يعني
واول ترم مره تعبت واكتئبت دحين اتعودت عالوضع خلاص

[بـنـت الـحـجـاز]

مرحبا miss sun

قلبو ياريت تقوليلي كم معدلك
لانه انا كمان طلبت تحويل وانحذف طلبي


والف مبرووووك على التحويل