سؤال عن مكان الدراسة لطالبات ثانية أسنان (عنوان مخالف تم تعديله)

[زراديه]

السلام عليكم ورحمة الله وبركاااته
كيف حالكم يادكاتره ؟ ان شاء الله بخير

بس عندي سؤال صغييير واتمنى تجاوبوو

دحين ابغا اعرف هما نزلو الجدول في موقع الكلية نفسها بس مابينوو فين المكان الي حندرس؟ وكلنا مع نفس الدكتوره؟؟ولا نحنا نختار ونحدد اي دكتوره ولا كيف الهرجه

وياريت قبل يوم السبت

[dina A]

الدوام ان شاء الله في مبنى كلية طب الاسنان في مبنى 10 أدخلي من بوابة غربية طب حتكون اقرب للمبنى اول ما تدخلي اسألي أكيد تلاقي مين يدلك ان شاء الله والغرفة حتكون في الدور الأرضي تدخلي من الباب الي جنب بيت الدونات مرة ما يضيع كلاس سنة تانية وحتكون كل الدفعة في كلاس واحد ودكتورة أو دكتور واحد يدرس الدفعة كلها مو كل أحد على كيفو يعني تقدري تقولي زي نظام المدرسة وبــس ان شاء الله أكون قدرت أجاوبك على كل أسئلتــك :) بالتوفـــــــــيق ياارب

[زراديه]

تسلمي يادكتوره دينا
الله يوفقك ان شاء الله :)

[Kaira]

أريغاااااااتوووو غوزاااايمااااس دينا تشان ^^
ربي يسعدكـ دنيا وآخرة ..

[عبدالعزيز زيزو]

ههههههههاي شدني الاسم زرادية هههههههههههاي



الله يسعدك

[Dr~NanoOok]

اهلا بيكِ زرادية =)

بالنسبة لتساؤلك فـ د.دينا ماشالله ما قصّرت
يعطيها الف عافية ^^

ولا تاخدي هم .. انتِ بس روحي الكلية السبت و واجلسي بكلاس سنة ثانية
وإن شاء الله كل شي حيتوضح ليكم
من نظام الكلية و كيفية الدراسة والمواد وكل شي

بالتوفيق

[Kaira]

طيب في سؤال حابة أسألو ^^"
دحين كل مادة لازم لها دفتر أو نوت بوك خاص ولا كيف ؟؟ أدري انو سؤال أهبل ومالو داعي
بس عشان للترتيب والحرص على نظام الدراسة =)

[Dr~NanoOok]

المشاركة الأصلية كتبت بواسطة Kaira طيب في سؤال حابة أسألو ^^" دحين كل مادة لازم لها دفتر أو نوت بوك خاص ولا كيف ؟؟ أدري انو سؤال أهبل ومالو داعي بس عشان للترتيب والحرص على نظام الدراسة =)

يعتمد عليكِ كيف تحبي ..
تقدري تخلي دفتر كبير اللي يحتوي على أقسام بداخله.. وتخليه حق كم مادة مع بعض
أو انك تعملي دفاتر أصغر.. لكل مادة لحالها

أنا بالنسبالي أحب أجيب دفتر أوراق a4 مسطرة ..
اللي اسمها refill

واكتب نوتز المحاضرة وبعدين أشيلها من الدفتر
واحطها لحالها

وكل محاضرة أكتب فيها.. بعدين أجمع نوتات الشابتر كله أو المادة كلها مع بعض
وأزاكرهم مع الشيتات حقتنا
<< أحبها منفصلة مو بدفتر .. عشان لا أتشتت لما أجي أزاكر
يصير امسك الشيت أزاكره.. وأقرأ معاه النوتز حقتي وراه على طول

المهم اعملي بالطريقة اللي تريحك

[FeEK mY hOpE]

طيب هل في دراسه من اول يوم ؟؟

[Dr~NanoOok]

المشاركة الأصلية كتبت بواسطة feek my hope طيب هل في دراسه من اول يوم ؟؟

احتمال كبير يكون فيه دراسة

احنا بأول يوم.. دخلوا علينا الدكاترة واعطونا نبدة عن المادة حقتهم