مستواك و انطباعك عن اختبار تحديد المستوى

[Y-NOT]

السلام عليكم
أولاً:مستواي هو المستوى الثاني
ثانياً:انطباعي عن الاختبار بأن الوقت غير كافي بتاتاً فمثلاً الاختبار السماعي(lestening)
كان عدد الأسئلة مئة سؤال و الوقت المخصص له ربع ساعة و بكل صراحة تلوين جواب مئة سؤال
هو بحد ذاته يستغرق ربع ساعة بالإضافة أن الجمل كانت تلقى على أسماعنا تبعاً
الواحدة تلو اللأخرى مثل قطرات المطر بدون إعطائنا الوقت الكافي لنختار
بخلاف اختبار طلاب السنة الماضية الذي كان عدد الأسئلة مئة سؤال متفاوتة
ما بين القسم السماعي و القواعد و قسم القطع(reading)
و أنا أرى من وجهة نظري أنا الاختبار لم يحقق الغرض الموضوع له و المرجى منه
فبعض الطلاب الذين حصلوا على مستوى أعلى من مستواهم اعتمدوا و للأسف على الاختيار العشوائي
أما بعض الطلاب الذين حصلوا على مستوى أقل من مستواهم اعتمدوا على طريقة التفكير ولكن للأسف لم يكن الوقت في صالحهم
واخيراً أقول للأسف على سوء التخطيط

[Dr.almosta8bal]

و انا ايضا اوافقك الرأي فهذا لم يكن اختبار مستوى اللغة الانجليزية
و إنما اختبار قدرات اللغة الانجليزية و للأسف
اذا كان المقصود من الاختبار قياس قدراتنا في اللغة لماذا لم يغيروا اسمه ؟؟!!
الله يوفقنا ... و يكون معانا ...

[abdullah.al-hazmy]

انا معك الاختبار كان فاشل لابعد الحدود

[miss you]

اختبار فاشل

حرام عليه اسم اختبار

بل سباق مناسب له

[Daniaa.]

سييييئ ...وفاشل كمان
مافي تنوع في الاسئلة ... القرمر جايبيين قاعدة وحده بس وعشرين مسال عليها...على اي اساس يقيسو مستوى الواحد كدا

ولا داك البارقراف اللي مدري من فيين جايببنو ...وربي اتحولت وانا احل .. ونص وقتي راح فيه وانا قاعده ابى اركب الكلام على بعض عشان اعرف ايش الكلمة الصح..


لو بالمره ما يعرفو يحطو اسأله...ياخدولهم كم اختبار من اختبارات تحديد المستوى اللي في النت

[reem.z.a]

اولاً حقول رآيي بصراحه ,
السماعي كان جداً ممتاز , و الوقت لآ بأس فيه و نقدر نلحق كل سؤال , بس اللي ضايقني انو مثلا لو السؤال في الصفحه التانيه , يضيع و احنا نحاول نقلب الورقه .. دا اللي شفتو صعب ,

القرامر .. صراحه مرا سييء , يعني جايبين قاعده وحده قايسين عليها كل الاختبار طيب على اي اساس ..
اللي هيا did she did you .. و زي كدا ,
هوا اوكي مرا سهل .. بس مو كل القرامر يكون كدا يعني معليش !

و القطعه شفتها تعجيزيه في السطر الواحد 7 فراغاتت خيير ! اوكي نحلها , مافي وقت اراجعها بعد ما كملت كل الفراغات ..


انا شايفه انو الاختبار كان سهل جداً .. بس المشكله في الوقت الضيق اولاً .. و انها قاعده وحده بس !

[miss reemo]

اول شي الاختبار زي ما قالو فااشل


الوقت مرررا قصير مالحقت احل تمام

حتى اني حليت بعض الاسئلة عشوائي

وايش كماااان الاسئللة كتيييير مرررا

[ننو!]

انا مآحسيته اختبار قيآس لمستويآت

كانه اخذنا درس وجاليسن نختبر فيه

من جد كله قآعده وحدهـ والقطععه مدري ايش تبغى ـآ

مانقدر نقول سيء بس برضو ماكآن موفق

[miss you]

الله لا يوفقهم ان شاء الله

بسبب اختبارهم الفاشل اخذت مستوى 1

[أم منوله]

من جد الأسئلة كتير على وقت قصير ..
واحس انو في ناس انظلمو معاه