ابغى اخد مادة حرة...اش رايكم علوم قرآن ولا فقه السيرة النبوية؟

[عمرٌ جديد]

السلام عليكم ورحمة الله وبركاتهـ

اشيروا علي وفقكم الله =)

اش تنصحوني مادة حرة؟؟

في ناس مدحولي علوم القرآن 212 اش رايكم واخدها مع عواطف الشريف ولا عائشة السليماني؟

بس انا حابة فقه السيرة النبوية 213 بس ابغى اعرف اش الكتاب وكيف اسئلتها ؟؟
واش الفرق بينها وبين ماده السيرة النبوية والخلفاء الراشدين hist 221؟؟




ولا تنصحوني شي تاني..؟؟

[نبض حياة!]

طبعا عائشة أحسن بـ سبعمائة وثمانية وخمسين مرة
وبالنسبة لفقه السيرة النبوية دامك حابة المادة فلاتفوتيها مع أ.سارة روزي
لها منهج جديد وطريقة طرح للمادة رااائعة في فقه السيرة ..تخليك تستنبطي بنفسك فقه المواقف في السيرة وتجدد في الطرح ..
بس ذاكري مو عشانها حرة تتساهلي
موفقة .

[نبض حياة!]

نسيت أكتب لك الفرق ..
الفرق إن المادة الي من قسم التاريخ تعرض السيرة بصورة تاريخية فقط
أما فقه السيرة فهي تحليل لمواقف السيرة واستنباطات من المواقف التاريخية لنستفيد منها في واقعنا ..

[عمرٌ جديد]

جزاك الله خير اختي نبض حياة
اللهـ يسهلك امورك ويفتح عليكي ويوفقك لما يحبه ويرضاه

معليش حأتعبك معايا بس كيف اسئلتها ومذاكرتها ؟
اللي شجعني اصلا الاستاذة


وعائشة السليماني كيف اسلوبها وشرحها؟؟
اصلا المادة تتكلم عن ايش؟


وانتي اش رأيك يعني لو اخدتي المادتين او سمعتي من احد بإيش تنصحيني ؟؟

لانها كلها كعنواين حلوة

[عمرٌ جديد]

معليش دوبي قرأت ردك عن محتوى علوم القرآن في الموضوع التاني ... ^^

شكرا جزيلا..


بس جاوبيلي بقية الاسئلة..

[نبض حياة!]

على فكرة فقه السيرة بساعتين , وعلوم القرآن بثلاث ساعات ..
أنا أخذت فقه السيرة مع أ.سلوى باجابر ,, لكن نصحتك بـ أ.سارة لأنك حابة المادة و راغبة في الاستفادة ومعاها بإذن الله تحققي أكبر قدر من الاستفادة بسبب أسلوبها المتميز في الطرح ..لذلك ما أقدر أفيدك بالتفصيل عن أسئلتها ..
عائشة السليماني أنا ما قد درست معاها بس أكييييد إنها أفضل من غيرها ممن ذكرتِ..

[نبض حياة!]

استخيري كثييييير .. :)

[عمرٌ جديد]

جزاك الله كل خير ..
الله يفتح عليكي ويسلهك امورك وينورلك طريقك ويجبر بخاطرك زي ماتجبري خواطرنا ^_^


طيب ممكن سؤال اخير


كيف الاستاذة سلوى باجابر؟؟
افكر اخد معاها ثقافة عشان الوقت ممكن يناسبني

[سوما 706]

انصحك خذيها مع سوسن المعلمي مرررررره عسل والماده حلوه معاها وتسهل لك كثييييييير ومراااعيه جدااااا

[عمرٌ جديد]

جزاك الله خير =)
الله يسعدك ويوفقك ويجبر بخاطرك ..

بس مو موجود اسمها في الشعب لهذه الماده ...