بلييييز اللي تعرف سامية سليمان مقبول مقبل تدخل للضروررة ..

[كهرمان]

الموضوع باين من عنوانة هذي الانسانه تعطي ادارة استرتيجية فياليت اللي تعرف عن شرحها , اسلوبها , طريقة اسألتها سهلة ولا لا, وتوزيع الدرجات لاتبخل بالرد ..

افضل هي ولا بثينه جمجوم ؟؟

حتى لو سمعتي من صديقاتك اكتبي بخاطرك عن ذي الانسانة ..

[دلال !!]

..

بصراحة ما اعرفها ,,

بس د. بثينة مي سيئة إطلاقًا , أستغرب رأي البنات فيها .


.

إن شاء الله أحد يفيدك و بالتوفيق

:)

[كهرمان]

المشاركة الأصلية كتبت بواسطة دلال !! .. بصراحة ما اعرفها ,, بس د. بثينة مي سيئة إطلاقًا , أستغرب رأي البنات فيها . . إن شاء الله أحد يفيدك و بالتوفيق :)

تسلميين يادلال ..

انا مو مشكلة اخذ مع بثينه رغم اختلاف الاراء حولها هم اللي ضيعوني ناس تمدح وناس تذم ..

بس قلت لو ذي الانسانه افضل آخذ معها .. >> تعرفين ندور ع السهالة

[دلال !!]

..

يمكن بعض البنات يتعبون معاها ,,

بس و الله و ما حلفتيني د. بثينة مستحيل تظلم أحد حتى لو بربع علامة << على فكرة تتعامل بالأرباع .


..


بالتوفيق يا رب .

:)

[ملاك 52]

سامييييييييييه ابعدي عنهااااا

انا اخدت معاها ادارة اعمال وكانت اختباراتها في كل المنهج من اول محاضره الى اخر شئ

واسئلتها مو سهله


اذا تعرفي اسماء باهرمز او كاميليا ابغى اعرررف عنهم

[ســنــدس]

آآآآآآآآآآآآآآآآآآآآآآآآآآآآآآآآه ساميه أحكيكي معاناناتي معاها وشوفي تناسبك والاا لأ

أخدت معاها ادارة اعمال واصلا ماكنت منزلتها معاها الا لخبطوا الشعب وجات من نصيبي

وكان تعاملها كالتالي:::

مافي دوريات 60 درجه في يدها مافي اي تقسيم للدرجات تضمني حقك أختبرتنا اختبار عليه درجتين ونص واختبار عليه 7 ونص والباقي في يدها

من جد معاناه كانت تطلب واجبات عجيبه جدا وربي من جد وكانت تحط عليها الدرجات كل واجب من راسها تحط عليه والواجب لا من الماده ولاشئ
من احدى واجباتها :
شفتي الموقف حق بوش والجزمه أخدنا سؤال كالتالي حللي موقف بوش والجزمه اداريا وكان عليه درجات طبعا والا تطلب شئ جديد في الاداره ومو موجود لسه لا في نت ولا في كتب وتتكلمي عنو
وبالنهايه تحطي كل واجباتك في ملف وتزينيها وتسلميها لها ةتحطيها كمان في سيدي

لا أخفيكي في المحاظره تمشي بين البنات وتسأل دي وتناقش دي كلوا من راسها ليش دخلتوا ادارة اعمال وليش ماأدري ايش

هدا كان اسلوبها معانا في ادارة اعمال نقصت من واجباتها 10 درجات واخدت فل مارك في الفاينل لأنو جا موحد وأسئله كانت حلوة

بالنسبه ليا ماحبيت دا الشئ لأنو كدا ماتضمني درجاتك يعني لو في 25 دوري و25 دوري ممكن تتطمني

دا الكلام كان قبل سنه دحين مااعرف عنها

وبثينه أخدت معاها ادارة استراتيجيه الماده معاها طويله جدا تبذلي مجهود جبار جدا لكن تعاملها تعطيكي حقك وتحاسب بالنص والربع طريقة اختباراتها الدوريه صح وخطأ مع التصحيح من جهتين



انتي استخيري وأتوكلي على ربك وشوفي مين ويمكن ساميه اتغيرت ولو غيرهم الاتنين في احد خدي معاهم

انا اخت سندس انا ادارة اعمال

[memo honey]

نصيحه لك ابعدي عن ساميه انا عشت معاناة سندس قالت كل اللي بخاطري
واخذت مع بثينة جمجوم انسانة ماتظلم ماشاء الله عليها بس البنات يكرهوا محاضراتها عشان تشرح كثير لان المنهج اصلا طوييييييل بس طبعا فرق بين جمجوم وساميه
بالتوفيق

[كهرمان]

المشاركة الأصلية كتبت بواسطة ملاك 52 سامييييييييييه ابعدي عنهااااا انا اخدت معاها ادارة اعمال وكانت اختباراتها في كل المنهج من اول محاضره الى اخر شئ واسئلتها مو سهله اذا تعرفي اسماء باهرمز او كاميليا ابغى اعرررف عنهم

ملاك سامحيني عالرد المتأخر لكن اسماء ابعدي عنها مرررررره سيئة صديقاتي اخذوا عندها ..
وكاميليا كمان مادرستني لكن سمعتها شريرة ..

[كهرمان]

خلاااااص بعد كلامكم توكلت على الله واخذت مع بثينة ..

[ღ احسـاس طفلهـღ]

خذي مع دكتوره بثينه شديده صح لكنها حقاااااانيه مره في الدرجات بصراحه والماده من اساسها صعبه واسالتها وسط خذيها معاها نصيحه

اما ساميه مقبول الله يستر عليها خخخخخخخخخخخخخخ كثير اعرفهم اخذو معاها ادارة اعمال وجننتهم ابعدي عنها