سؤال يا دفعة 10 يا ليت احد يجاوبني

[Admen]

السلام عليكم يا رب دخلتم التخصصات الي تتمنوها بس عندي سؤال .. طبعا انا جاركم من المسار الاداري وبدخل تخصص نظم ولازم ادرس وحده من المواد هذه .. كيمياء 110 .. فيزياء 110 .. احياء 110 ... طبعا هذه موادكم الي درستوها في التحضيري .... انا اخترت فيزياء لاني درستها اول العام كنت مسار علمي وحولت اداري بس اللحين جاء ببالي الاحياء انتم وش تنصحوني فيه ايش اختار انا جاء ببالي الاحياء عشان بنك الاسئله الي كان عندنا بدفعتنا القديمه 09 هل انتم يا دفعة 10 اعطوكم بنك اسئله لكل اختبار والاختبار جاء منها بالنص ولا لا يا رب احد يجاوبني لاني للحين محتاار وبقوووه

[زبادي وتوت 0_o]

ازا تبا نجاح ,, خد الاحياء عشان تحفظ وتريح دماغك
ازا تبا تستمتع خد الفيزيا
ازا تبا اجتهاد زي نيوتن عن جد خد الكيميا
خخخ
اللي يعجبك ,, كولها حلوة ^^

ايوة بنوك اسئلة في كل اختبار ومرة سهلة وحلوة

[Admen]

لا لا ابي نجاح بس فقط لا غير ......... يعني تنصحني احياء وكيف كان البنك مليان اسئله يعني في الدوري كم سؤال في البنك

[أميرة الثلج]

الله يوفقك ..
أحياء بنسبة لنا ( صبايا) أعطونا بنك للأسئلة
و تجي بالنص بس يغيرولك في الخيارات يعني 1 في البنك يمكن يكون 4
في الأسئلة ..
حبيت أفيدك ..

[أميرة الثلج]

البنك الأول حلو و خفيف
الثاني دسم .. الثالث مملوح.

[Admen]

يعني انزل احياء ومن بداية الترم احفظ في البنك احسن من الفيزياء والكيمياء والقوانين والمعادلات صح ولا ولا

وربي محتااااار وبقوه

[زبادي وتوت 0_o]

لا تنسى انو دي مادة احياء يعني دسمة لكن الحمدلله بنوك الاسئلة كانت شايلة علينا جهد ووقت ,,
بس ما افتكر كم الاسئلة لكن انتا كمانة زاكر من قبل الاختبار تقريبا باسبوع او اسبوعين ساعة او ساعتين في اليوم طبعا انتا قسّمها لاجزاء لا تاخدها مرة وحدة ,, كل يوم خد جزئية وراجع اللي قبلها دي طريقة كويسة ^^ وقول بسم الله قبل ما تزاكر ^^
موفق ياعسل

[Admen]

زبادي وتوت << ترى النك نيم جدا روووعه بس ما تشوفها كثير اسبوعين كل يوم ساعتين :s لكن تدري انا شكلي بختار احياء لاني ذاكرت بنك الاسئله قبل العام دفعة 09 المغبره اول دفعه تحضيري ذاكرت النهائي بس من البنك ونجحت والكيمياء الله يحرقها رسبت فيها وسحبت ملفي بعد الترم الاول وما جربت الفيزياء للافس الدشيش لكن يا ليت كمان ناس تدخل وتقنعني وربي يكتب الي فيه الخير

[أميرة الثلج]

الفيزياء حلو لو إنك متأسس صح و تعرف أساسه..
في الفيزياء .. الحركة و قوانين نيوتن و المركبات حلو بس
متعب شويه بس لو كنت تحفظ خذ أحياء لأنه سهل جزء التست
و ذاكر شويه شويه و توكل على الله .

[عاشقة الحرية]

انا كمان دخلت مسار اداري بس الاحياااااااااااااااااااااااااااااااء احلى بكتير وسهل
انا سحبت عشان الفيزيا الصراحه الكيميا والاحياء عديت منهم