مهم : لطالبات 07

[نجـــد]

السلام عليكم

اليوم كنت عند د. سلوى أعظم اسألها عن مواد لصديقة لي ( اخلاقيات عمل وعلوم سياسيه)
تدرج كاختيارية أو حره .؟
بالبداية قالت لي اختياريه على حسب الخطة الجديدة الي نازله في النت
ولما أكدت عليها اننا 07
راجعت الخطه القديمة وقالت هذي المادتين تحسب لها كحره مو اختياريه
فقلنا لها ان اغلب البنات اللي ماخذين مواد اختياريه اخذوها على حسب الخطه الجديده
فمايصير تدرج لهم كحره وانتم مانزلتوا القديمه .. حتى هي د. سلوى مضيعه الخطه القديمه وبالقوه حَصْلَت منها صوره!
فقالت اللي اخذت مواد اختياريه من الخطه الجديده ومو موجوده في القديمة ترفع خطاب توضح فيه اش اخذت بالضبط وتوديه لـها عشان تعادل كاختياريه

وحبيت أنبهكم بهالشي ..
وأي استفسار انا بالخدمه ..

[m-als]

حبيبتي مشكوره الله يسعدك
طيب ايش الفرق بين القديمه و الجديده ؟؟؟؟
انا اخدت استثمار و ماليه دوليه و تحليل احصائي ؟؟
ايش يعتبر عادي ولا لا ؟؟؟

[نجـــد]

نفس صحبتي اخذت ماليه دوليه في الصيف على أساس انها اختياري
وهذي المادة موموجوده في القديمه , وراح ترفع خطاب بكرا ان شاء الله انها درستها على اساس الخطه الجديده وتطالب فيه انها تعادل كإختياريه
استثمار ماده اختياريه في الخطتين
لكن تحليل احصائي ماعندي علم والله .. بكرا روحي لـ د.سلوى أعظم وخذي منها الخطه القديمة الخاصه بالمواد الاختياريه وشوفيها اذا موجوده أو لا

[m-als]

لا يا شيخه
طيب انا اصلا ما كنت ناويه اروح بكره لانهم حايسين الدنيا و يبغوا الاوراق اللي هي كشف الدرجات و صور الجواز و بطاقة الاحوال و ورقة العماده
طيب اسمعي المواد الحره ايش كمان فيها ؟؟؟
انا كنت ادارة اعمال و حولت محاسبه و اخدت ماده اداره اعمال انجليزي و الترم اللي فات سالت قالو تتحول حره ؟؟!! صح و لا كمان حيحوسوا الدنيا فيها ؟؟؟؟؟؟؟؟؟؟؟؟
و سلوى اعظم حتديني وجه و لا لا ؟؟؟

[نجـــد]

بخصوص الاوراق وكشف الدرجات عندنا مهله لمدة شهر عادي مافيها مشاكل لو وديناها الاسبوع الجاي
و ادارة اعمال بالانجليزي تعتبر حره لأنها موموجوده بخطة المواد الاختيارية
وسلوى أعظم أحسن وحده تدي وجه :)
روحي مو خسارنه شي ^^

[LAYAN89]

مو على كيفهم!!


انا اخذت علوم سياسية الترم الي راح على اساس انها اختياري وسألتهم قبل اضيف المادة وأكدوا لي انها اختياري

الحين يغيروا رايهم!!!!!!


قصدك علوم سياسية اية؟ ايش رمز المادة؟

[LAYAN89]

مباديء علوم سياسية ولا نظام سياسي سعودي؟!

[رهف2010]

ماعندي جواز سفر هو اجباري ولا لا
وبقدم الاوراق بكره
يتأخرو في تغيير الحالة لطالبه متوقع تخرجها

[نجـــد]

ليان :مبادئ علوم سياسية رمزها ps101
وربي ماحد فاهم شي!
اذا د. سلوى أعظم تسأل أ. رغداء عن عدد الساعات للمواد الاختياريه!
وفي نفس الوقت لما قلت لها مشكلتي نزلت تعميم بالمواد القديمة وقالت لازم البنات الي عندهم مشكلة بهالموضوع يرفعون خطاب

رهف: انا قلت لـ أ. مها المرزوقي ان ماعندي جواز قالت مو لازم تكفي هويتك

اللي قرأت الموضوع .. تنبه البنات لأن الاغلبيه مو عارف
واللي تبي تتأكد تروح لـ د. سلوى أعظم ..
بالتوفيق يارب

[معتر أنا]

لا يلزم جواز سفر
ولكن في حالة وجوده يفضل تقديمه

ارجو التركيز على كتابة الاسم باللغة الانجليزية بشكل مطابق لما سيكتب على جواز السفر لكي لايتعرض احد للمشاكل في الجامعات بالخارج حال الابتعاث