اللي يعرف الدكتور عبد اللطيف باشيخ يدخل ضروري جدا

[المحاسب]

السلام عليكم ورحمة الله وبركاته
ياأخوان حاب استفسر عن الدكتور عبد اللطيف باشيخ في مادة نظم معلومات
كيف شرحة درجاته اسئلته تصحيحه وتنصحوني اخذها والا لا
وشكرا لكم
تنويه شعبة الدكتور باعويضان وقتها مايناسبني

[المحاسب]

للرفع

[alix]

وعليكم السلام ورحمة الله وبركاته

انا منزلها دا الترم عند عبد اللطيف باشيخ عشان وقتها مناسب
اما بالنسبة للدكتور عبد اللطيف باشيخ سألت بعض الشباب الي اخدوها عندو

بالنسبة لتوزيع الدرجات

30 دوري اول

30 دوي ثاني

30 نهائي

10 برزنتيشن

( طبعا البرزنتيشن عبارة عن مجموعات كل مجموعه تاخد فصل معين من الكتاب وتسوي عرض بوربوينت وتطلع تشرح طبعا مصيرك راح تطلع تشرح ..

بالنسبة لاسألة الدكتور سهلة عبارة عن صح وخطا وعدد ووصل

والدكتور ما يحب الي شعره طويل يقلك روح احلق شعرك ولا البس شماغ اهم شي ما يبى يشوف احد شعره طويل والي مو عاجبو راح ينقص عليه درجات
طبعا ما احب الدكاتره الي زي كدا بس ايش نسوي والله عشان الوقت مناسب نزلتها

بالتوفيق ان شاء الله

[المحاسب]

مشكور اخوي ماقصرت على التوضيح بيض الله وجهك

[معتر أنا]

معقد شويه بس ماشي حاله
يحب التحقير اوقات يجلس يحقرك ليين تكره نفسك
لكن بصراحة حقك تاااخذه وفوقه زيادة كمان هو حبوب بس مدري اش احيانا تحسه مقفل

[المحاسب]

مشكور اخوي معتر انا ماقصرت بيض الله وجهك