سلوك انساني مع سمر عناني ..!

[طقوس ..~]

السلام عليكم ورحمة الله وبركاتة ..

كيفكم صبايا .. وكيف الجداول ..

مممم اول مصافحة لـ قسمكم وحبيت ادور معلومات عن مادة من تخصصكم ..

واكيد انتو ادرى من غيركم

انا وصحباتي نزلنا مادة سلوك انساني مع سمر عناني كمادة حرة ..

كيف الماده ؟ عن ايه تتكلم ؟ كثيره ؟
وكيف الاستاذة ؟ تعاملها ؟ تكاليفها ؟ اسئلتها



اخذنا دي المادة .. وحنتأخر في الجامعة عشاناها .. غير انه عندنا ضغط بالجدول ..

فـ بليز اذا المادة مش ولابد ومااقدر اجيب فيها أي بلس

قولولي عشان احذفها




وشكرا مقدماً

[Visions]

الماده اتفه من التفاهه نفسها و اللي تجيب اقل من 90 تعتبر مدري ايش اقولك ..!!
و استاذه سمر انسانه راقيه و عسل و طيوبه مررررررره راح تحبو الماده كثير^^

الماده زي مواد علم النفس مره حلوه

و الماده مررررررره قليله عباره عن ملزمه 63 صفحه بس ..!!
و اذا تبغي الملزمه بديكي هيا اذا تبغي ^^

و فيه نسخه لها هنا في المنتدى بدورها لك و احطها هنا

و هلابك في قسمنا يا عسسل و الله نورتينا و لا تحرمينا من طلتك الحلوه هنا ثاني ^^

[امـــ88اني]

صح الماده سهله تتكلم السلوك الانساني وطرق التعامل وانواعها واشياء عاديه
انا اخذتها مع سحر امين كانت حلوه
كمان سمر عناني الكل يمدح فيهااااا
بالتوفيق ان شاءالله

[عيونك آخر آمالي~]

لا تطمني

الماده مررره سهله وقليله مو مرره طوويله

وفيها ملزمه مو كتاب

والاسئله صح وخطأ واختاري

وفيها مصطلحات انجلش

بس سمر قبل كل اختبار تعطيك ورقه فيها كم واحد

وفي الاختبار تعطيك الانجليزي وانتي اكتبي العربي

والفاينل بدون مصطلحات


مررره سهـــل



تكاليفها ..

تطلب عرض بوربوينت


تطمني ان شا الله تجيبي فوول ماارك

[طقوس ..~]

ينآسو عليكم .. بجدددد مرا شكراً
وما تتخيلو قد ايه طمنتونا :)

الله يوفقكم يا عسسسسلات .. وييسرلكم احسن الاستاذة واعلى الدرجات

جزآكم عني وعن صحباتي وعن كل احد استفاد .. كل خير :)

ولو تفكرو تأخذو شئ من الحاسب نحنا في الخدمة ~> برااا

[Visions]

بآآآآآآكـ

و هذا رابط الملزمه ^^

http://www.4shared.com/file/10477410...c/_______.html

و احنا في الخدمه هنا ع طوول

بالتوفيق يارب ^^

[[اسيرة الصمت]]

بنوتـآت

الله يسعدكم ويريح قلوبكم ويوفقكم دنيـآ وآخره يـآآآآآآرب

و الله طمنتوني بردودكم

طيب ممكن استفسار صغنون .. استاذه فتحيه حسن محمود ؟

تعرفوا عنها شي

[*بنت جدة*]

اختياركم جداااااا موفق..
أنا المادة أخذتها معها الترم اللي فات..وكان توزيع الدرجات عندها
دوري أول25
دوري ثانى25
غياب(بعد 3 غيابات..تبدأ تحاسب..وهي كان غيابها كثير..تعطينا خبر قبل ماتغيب)+عرض(مع مجموعه تسوينه)=10
نهائي40
المادة جدا سهلة..تتكلم عن سلوك الافراد في عملهم..وتقسيم الشخصيات..ووأشياء زي كذا سهلة ..
بالنسبة لاسئلة(.سهلة للي تذاكر عالاساس ان عندها اختبار..مو تقرى المادة قرااااااااءة وتدخل الاختبار).صح وخطأ..اختياري..ومطلحات 10(تعطيكم ورقة فيل الاختبار للمصطلحات اللي معاكم))...

أسيرة الصمت ..حاولي تضيفي المادة عند أ.سمر..لان الاسئلة تختلف من استاذة لاستاذة ...وسمر الافضل..بالنسبة أ.فتحية ماعندى خبر..

حبيت أفيدكم باللي عندي..موفقييييييييييين جميعاااا

[الملاذ..]

الله يسعدكم ويعطيكم العافية ..
.
ادعولي تتيسربكرا معاي واضيفها ..

[[اسيرة الصمت]]

المشاركة الأصلية كتبت بواسطة *بنت جدة* اختياركم جداااااا موفق.. أنا المادة أخذتها معها الترم اللي فات..وكان توزيع الدرجات عندها دوري أول25 دوري ثانى25 غياب(بعد 3 غيابات..تبدأ تحاسب..وهي كان غيابها كثير..تعطينا خبر قبل ماتغيب)+عرض(مع مجموعه تسوينه)=10 نهائي40 المادة جدا سهلة..تتكلم عن سلوك الافراد في عملهم..وتقسيم الشخصيات..ووأشياء زي كذا سهلة .. بالنسبة لاسئلة(.سهلة للي تذاكر عالاساس ان عندها اختبار..مو تقرى المادة قرااااااااءة وتدخل الاختبار).صح وخطأ..اختياري..ومطلحات 10(تعطيكم ورقة فيل الاختبار للمصطلحات اللي معاكم))... أسيرة الصمت ..حاولي تضيفي المادة عند أ.سمر..لان الاسئلة تختلف من استاذة لاستاذة ...وسمر الافضل..بالنسبة أ.فتحية ماعندى خبر.. حبيت أفيدكم باللي عندي..موفقييييييييييين جميعاااا

جزاكِ الله خير يآ عسسل

الحمممممد لله قدرت اضيفها مع سمر

المشاركة الأصلية كتبت بواسطة الملاذ.. الله يسعدكم ويعطيكم العافية .. . ادعولي تتيسربكرا معاي واضيفها ..

ملوووذه يـآآآرب ييسر لك ويسهلك اضافة المادة