سنه ثالث ورابع

[احمد33]

السلام عليكم ورحمة الله وبركاته

حبيت اسال عن مواد العلاج الطبيعي هل هيا (صعبه سهله)
والدكاتره حقين سنه ثانيه لاننا والله متخوفين
لان الاشاعات رايحه جايه الدكتور هذا يرسب وهذا يجيب اسئله صعبه والله يستر بس
فياليت واحد يفيدنا

[JoudY]

بالنسبة لمواد التخصص هيا موووش سهله ولا صعبه مرررهـ
يبغالها مزاكرهـ أول بأول مع فهم ... حفظ بدون فهم ما راح تحل في الاختبار
ووقت المحاضرهـ حاولو يكون ملخص المحاضرهـ معاكم خدوهـ من الدكتور قبل المحاضرة بكم يوم عشان تتابعو معاه
ولا تسمعوا لأي احد ولا لأي اشاعه ... احنا اول ما جينا كل واحد يقلنا كلام بس الواحد مدام ماشي صح كلو راح يكون تمام
ومافي دكتور يرسب كدا من راسو ... درجاتكم بيدكم يعني باختباراتكم ونشاطكم وحضوركم للمحاضره وللاب .. يعني لا تسحبو عن المحاضرات


والاختبارات أبدا أبدا ما تخرج من الملخص اللي يعطوكم هوا الدكاترهـ لدرجة انو احيانا بعض المواد يجي كدا كوبي وبيست

[احمد33]

الله يعطيك الف عافيه ومشكووووره
حمستينا شويتين

[weddah]

زي ما قالت جوودي دكاترتنا مرره خطيرين ومستواهم عالي
صح في ناس رسبت بس لانها ما تستحق تنجح

انت شد حيلك وحتلاقي الاموور مره سهله ولا تسمع لاحد

وشوف هذا الموضوع
http://www.skaau.com/vb/showthread.php?t=229409
حتلاقي فيه شرح للمواد حق سنة تانية

بالتوفيق ان شاء الله في العلاج الطبيعي :)
واي استفسار خوود راحتك