ممكن مساعدة بخصوص المواد الاختيارية

[الدافوره]

ممكن احد يساعدني انا ما عمري سجلت في مواد حرة واختيارية

وحابة اعرف كيف اسجل فيها عن طريق الاودوس او من الجامعة


لانو لمن اعمل حذف واضافة ما يطلعلي غير اسامي المواد الي فالخطة

وكمان كيف اعرف المواد الحرة والاختيارية




وشكرا يا ريت تساعدوني

[حماده909]

مرحبا اختى دافورة
اول شي بالنسبة للمواد الاختياريه تكون من نفس جدول خطة القسم اللى انتى فيه تلقى في اسفل الجدول المواد الاختياريه تختاري منها 9 ساعات يعنى 3 مواد
والمواد الحرة ممكن من اي كليه تاخذيها حسب الامكانية
هذا النظام عندنا بالانتساب انتى انتظام ممكن مثلنا وممكن لا
في الغالب انك مثلنا

[الشامخة]

من الشؤون تضيفيها ياقلبي :)

[بحبه يا بابا]

حمادة انت معليش معلوماتك امكن بالنسبه للاولاد

اما لبنات زي ما قالت الاخت شامخة من الشؤوون

وتاني شئ احنا ماعندنا مواد حرة بس اختياريه

وتروحي المبنى التاسع في الشؤؤون

والاستاذة نفسها حتقولك على المواد وانتي تختاريها

خذي مادة ادارة علاقات عامه مرررررررررررة سهله

وارجو اني افدتك

[العلم والعالم]

مثل ما قالت الأخت بحبه يا بابا

[الدافوره]

انا بافكر في تسويق كيف حلو وسهل ولا يكون زي مبادئ الادارة مرة ما عجبتني

[طالب mis]

التسويق المادة حلوة تتكلم على التسويقوعناصر التسويق بشكل عام وكيف نطبقه في حياتتنا وعلى الاسواق وكدا يعني مادة ممتعة

[الدافوره]

مو صح الشؤون هو المبنى التاني

[AccT G!rL]

المواد الاحرة والاختيارية تضيفيها يا قلبي من عند مشرفة القسم د. سلوى اعظم
انا الترم اللي راح نزلت مادة اختياري ومادة حرة ..
بس الله يعينك على البهدله

انا عن نفسي نزلت مادة سلوك تنظيمي >>> مادة اختيارية
و المدخل الى علم النفس >>>> مادة حرة

والله كنت كاني ادرس ماده وحده نفس المنهج بس فروووق بسيطه

[ظل الياسمين]

الدافورة
بالنسبة للتسويق كمادة اختيارية ما أنصحك فيها ,, مادة دسمة وكلها كلام
أنا ما حبيت المادة أبداً
بس لو كنتي تحبين المواد النظرية والكلام الكثير خذيها وقلبك مرتاح



أبغى اسأل
من وين أجيب كشف المواد الاختيارية ,, ما عرفت أجيبها من الموقع حق الجامعة :(