,, صمت القصيد,,

[..الدعجاني..]

نهاياتي..! بداية منتهاي..! ومنتهى مبداي..!
مصيري/..‎!‎ حاضري‎/ ‎‎!‎..قصة حياتي/‎موجز اخباري‎
‎
أحبك..!! ياكثر ماقلت أحبك..‎!‎‎!‎ في حروف هجاي؟
أحبك..!! كثر مامل القلم من دفتر اشعاري!

أحبك !..ثم..أحبك! ..ثم..أحبك! ..ابك انا لولاي ـ
احبك‎ ‎‎!‎ ماتغافلت الجروح ..وجيت لك ساري!

أحبك! واعترف لك../ ايه أحبك ‎وان بدالك رأي؟
اجي كلي على حشمة غلاك اقدم اعذاري!!

أحبك..واسبر اغوار المواجع ..وانثرك بغناي
اترجم لك شعوري..والمواجع تسبر اغواري؟

أحبك.. والوي عنان القصيد.. وينحني لرضاي!
عسفت رضاه..لكنك لعبت بحسبة افكاري؟‎
‎
اوقف للحروف اللي تلعثم في جدار شفاي ؟
وارتب لك صدى صمتي مشاعر واشعل انواري

حبيبي ياكثر صبرك علي//..وياكبر بلواي!!
نفذ صبرك على جال انتظاري وانت ولاداري!

تغيب..وتسكن عروش الخفوق..ودفتري..واشياي؟
تنطحت الدروب وكل شيء يجيب لك طاري..‎
تراك اول غلا يسكن حشاي..ويستحل اقصاي!
معك تحلى مشاوير الشقاء لو طال مشواري.....

فداك ايام عمري..والزمان اللي مضى..والجاي
تصدق‎‏؟!كل مازدت بجفاك يزيد مقداري!!

معك مركب غرامي ..ماسأل عن منتهى مرساي
بكيفك خذ مجاديف العمر ياغربة اسفاري

كتمتك وانكسر صمت القصايد واختصرت اخطاي؟
تعال اسمع معي نبض الخفوق وصوت قيثاري ..

تجهمت الطريق!!وماوصلت اخر حدود مناي؟
على صدر المسافه كل خطوة تقصر اشباري!!



دخيل الشعر واحساس الشعور..وعزوتك_! واعداي!
دخيلك ..! وين اولي عن عذابك واهجر اسواري؟


امانه لا غزتك الذكريات ومرتك ذكرياي
تذكر من هدر دمع الفراق ان جاب لك طاري

"كتبتك" يلعن اسلاف القصيد وتنكسر يمناي !
اذا اني ماقدرت ارضي غرورك باصدق اشعاري


سرى ليل المواجع.. والتحف صمتي صهيل الناي
على لحن الفراق اكتب حروفي واعزف اوتاري


افجر للحزن صمت المواجع وان ضمنت بكاي
اغنيها على لحن انكساري واسري ياساري


ذائقه راقتني بجنون اتمنى تنال ذائقتكم