قالت ... : .. و قلت ... !

[هذيان]

قالت :


يستكين الحزن بعيون الظلام*و آخذ أقصى هالزوايا لي حضن
ما يذوب الخوف و ضلوعي حطام*ما تداري قلب يستوحش وطن
أقفل جفوني على كومة غمام*وهن يرمي على متنه وهن
و أتلحف سيرة الماضي و أنام*يمكن ألقى في دياجيره أمن
آه يا صوت يراجف بالعظام*وسط جوفي لغفت عيني يئن
ويش يفيد الليل و العتمه سهام*صوبتني خوف و آلام و حزن؟
ويش يفيد النوم و همومي قيام*تعزف بداخل ما فيها لحن
كلني صاحي هواجيس و كلام*حتى لو صارت و غمض لي جفن
و كل كلي يحتري لحظة سلام*فجر يرسملي ألوانه سكن
علها ترجع لي أسراب الحمام*إلي باقي مهاجرتني من زمن
و ينتهي خوفي من عين الظلام*دام لي في شفق فجري حضن




قلت :


قريتها اليوم و لك مني سلام*سلام عاشق لآثارك يكن
ود و شوق و أسمى أحترام*فديتها اليوم صارت لي وطن
قريتها و أنجلى مر الغمام*و وضحت الصوره و بان الكفن
و في غموض الحس في وقت الظلام*وضحت لي أكثر و بان الشجن
زهرة تراب الأرض أثارت ركام*ونورت من حولها و زاح الحزن
جذورها ماضي مسقيها وئام*ناتجها قلب لها دايم يحن
فجرك أنا فجرك يا غاية مرام*يمكن بعيد لكن أوفى لك حضن
وجهي القبله و بنية سلام*أنحري المكنون و أنا لك مسن