طريقة عمل البحوث بمواد الفصل الأول بماجستيرالمحاسبة المهنية

[فندام]

ياشباب أنا بدرس بماجستير المحاسبة المهنية بالفصل الأول ونزلت ثلاث مواد هي نظم المعلومات المحاسبية عند الدكتور ممدوح باعويضان والدكتور جمال عبدالحميد كل واحد فيهم طبعا بيدرس جزءمعين من المادة
وتحليل مالي ومحاسبي عند الدكتور عبدالله عسيري
ومحاسبة ماليه عند الدكتور عبداللطيف باشيخ
وطبعا انتو عارفين انو البحث هو جزء اساسي بالنسبة لجميع المواد ولو درجات عاليه
بالنسبة لنطم المعلومات المحاسبية احنا مخيرين بين شيئين لا ثالث لهما اما انو الطالب يعمل مشروع على الجزء العملي أو انو يعمل بحث في الجزء النظري وممكن انو يعمل الاثنين سوا ويقدمهم وهذا الشي حياخد بالاعتبار عند تقييم الطالب في حالة انو عمل مشروع الجزء العملي وقدم بحث في الجزء النظري والمطلوب بحث في نظم المعلومات المحاسبية وسؤالي هنا كيف طريقة اعداد بحث في هدي المادة او بمعنى اخر ايش هي الخطوات الي اتبعها باعداد البحث؟ وهل عملي يقتصر على عمليه النقل من المراجع لتدعيم وجهة نظر معينه ام انو هناك شي اخر ؟ وبالنسبة للجزء العملي هل هو صعب ام سهل وعلى اي برنامج يعتمد هل على برنامج اكسس زي ماسمعنا من بعض الطلاب ؟
أما بالنسبة لمادة المحاسبة المالية فالدكتور كلفنا بعرض تقديمي على البووربوينت بحيث كل واحد اختار موضوع يقدمه والعمليه هدي بادن الله حتكون أسهل من البحث
نجب بعد كدا للمهمة الاصعب على الاطلاط في هدا الفصل ويمكن في البرنامج كلو بمادة التحليل المالي والمحاسبي الدكتور عبدالله عسيري طلب عمل تقرير مالي متكامل لأحد الشركات المساهمة لكل طالب ويتضمن هدا التقرير تفاصيل كثيرة جدا من ضمنها دراسة وضع الشركة وايضا تحليل القوائم المالية لأربع سنوات سابقة وحساب النسب المالية ومقارنة وضع الشركة بالشركات الاخرى الي معها بنفس المجال وبعد كدا كتابة تقرير عن الشركة وتدعيم النتائج الي حيتوصلها الطالب برسومات بيانيه واشكال توضيحية وبعد كدا كتابة التوصيات الي يرى وحوب تقديمها للمستثمر عرض العمل في اخر لقاء اما الزملاء بشكل احترافي والعمل حيكون على ثلثث برامج وورد الي حيكت فيه التقرير واكسل الي حتعرض فيه النتائج وبور بوينت يعني بجد العمل مو سهل ابدا والمشكله الي اعاني منها اني يايه مرة ولا عارف ابدا كيف ولا من فين وانا مستعد اشتغل واتعب وعارف انو مرحلة الماجستير بدها جدية كبيرة وانها مختلفة عن مرحلة البكالريوس بس مشكلتي اني ماني عارف كيف ابدأ وكيف امشي في مو ضوع البحوث والتقرير المالي
وعشان كدا أرجو من زملاءنا الشباب الي سبقونا في دراسة هذي المواد يفيدوني انا وبقية الزملاء الي بيواجهو نفس مشكلتي كيف تكون البداية وكيف الطالب يقدر يمشي في موضوع البحث النظري والمشروع العملي بالنسبة لمادة نظم معلومات محاسيبة وكمان يعطونا التفاصيل الدقيقة الخاصة بالتقرير المالي بمادة التحليل المالي والمحاسبي ولكم جزيل الشكر والتقدير وفي انتظار الردود

[محاسب قروي]

شكلنا سوى أنا عندي نفس المواد عند نفس الدكاتره ننتظر من يفيدنا من الإخوان إللي سبقونا

[khaledalharby]

اخوي فندام جلست ابحث في المواضيع القديمة شوي ولقيت موضوعك بصراحة شد انتباهي وخوفني من الدراسة وخاصة انها في الفصل الاول لماجستير المحاسبة المهنية
ياليت اخوي فندام تفيدنا كيف قدرت تحل المشكلات والعقبات الي واجهتك في موضوعك هذا بخصوص البحوث وغيرها لانها بصراحة راح تفيد جميع الطلاب الجدد الي راحو يدرسو التخصص هذا
وجزاك الله كل خير على تعاونك مع اخوانك وتقديم مايفيدهم في دراستهم

[فندام]

المشاركة الأصلية كتبت بواسطة khaledalharby اخوي فندام جلست ابحث في المواضيع القديمة شوي ولقيت موضوعك بصراحة شد انتباهي وخوفني من الدراسة وخاصة انها في الفصل الاول لماجستير المحاسبة المهنية ياليت اخوي فندام تفيدنا كيف قدرت تحل المشكلات والعقبات الي واجهتك في موضوعك هذا بخصوص البحوث وغيرها لانها بصراحة راح تفيد جميع الطلاب الجدد الي راحو يدرسو التخصص هذا وجزاك الله كل خير على تعاونك مع اخوانك وتقديم مايفيدهم في دراستهم

أبشر والله ياغالي بإذن الله ماحبخل عليك وعلى بقية الزملاء يشيئ وحخبركم كيف استطعت تجاوز كل الصعاب الي اعترضتني سواء بموضوع البحث او بموضوع العرض التقديمي او التقرير المالي بس خليني افضى وححاول بعد العيد افيدكم بالي عندي الان زي منتو عارفين احنا باخر رمضان والواحد مو ملحق على الاشغال والمشاوير
وبعدين ترى مافي داعي للخوف الزائد من الماستر انا كنت لمل كتبت هدا الموضوع عايش بحالة قلق وخوف مو طبيعي لكن بعد كدا اتيسرت الامور لما بدات بمشروع البحث وبالعرض التقديمي والتقرير المالي واتضحلي انو الامور اسهل مما كنت اعتقد واني كنت مكبر الموضوع ومعطيه اكبر من حجمه ونصيحتي لكم يا اخوان انكم تبدؤو بعمل اي بحث او عرض تقديمي اي اي مهمه اخرى اول بأول واتركو التسويف والتاجيل نهائيا لانو مافي وقت كلها سبع لقاءات بمعدل محاضرتين بكل لقاء فمرة الوقت حيعدي من غير ماتشعرو بيه واحرصو على المذاكرة اول بأول واذكرو دائما انكم الان بمرحلة الدراسات العليا وانو الماجستير هو بوابة العبور للدكتوراه وكذلك ماجستير المحاسبة المهنية بيهيئ الشخص لدخول اختبارات زمالة الهيئه السعودية للمحسبين القانونيين لانو تقريبا كل مادة من مواد الزمالة بتقابلها مادة مماثلة لها بالماجستير المهني وايضا معايير المحاسبة والمراجعة بتدرس بمادة مستلقة بالماجستير المهني وايضا باخر فصل دراسي في مادة هامة جدا اسمها حالات تطبيقية من الاختبارات المهنية بياخدو فيها الطلاب بعض الحالات العملية الي وردت باختبارات زمالة الهيئة السعودية للمحاسبين القانونيين عشان يصير الواحد مهيأ لدخول اختبارات الزمالة بعد تخرجه من الماستر مباشرة ولذك فحسب وجهة نظري خريج الماجستير المهني مهيأ اكثر لدخول اختبارات الزمالة السعودية للمحاسبين القانونيين اكثر من خريج بكالريوس المحاسبة ويمكن حتى اكثر من خريج ماجستير المحاسبة العام ولهدا فالمرحلة الي انتو مقبلين عليها هامة ومختلفة عن مرحلة البكالريوس فيجب ان تكونو على استعدا تام للقيام بأعباء وتكاليف هذه المرحلة خير قيام وبإذن الله انتم اهل لذلك

[khaledalharby]

ان شاء الله وانت طيب اخوي فندام

وكل عام وانتم بخير وصحة وسلامة

[فهد الوثلان]

كل عام وانتم بخير جميعاااا


ننتظرك اخوووي فندام

[khaledalharby]

المشاركة الأصلية كتبت بواسطة فهد الوثلان كل عام وانتم بخير جميعاااا ننتظرك اخوووي فندام

هلا بخوي فهد
وكل عام وانتم بخير

[yasser alofi]

في الإنتظار أخي الحبيب فندام ..

وكل عام وأنت والجميع بخير ..

[khaledalharby]

ننتظر طلتك اخوي فندام