مشكلتي مشكله

[)(Huda)(]

السلام عليكم ورحمة الله وبركاته



ان شالله يكون هذا الترم اخر ترم واتخرج


بس المشكله انو انا سجلت عام 2006 ومادخلت الاختبارات كل الترمين ونطوى قيدي وهو اللي عقد الامور وتجيكم القصه



قبل العام وانا احاول اضافة ماده حره من الاودس مابيضيفلي وراجعت الجامعه الحلوة وكانت الاستاذه حياة هي اللي بتضيف المواد ذاك اليوم وقلتلها مشكلتي
وقالت روحي اطلبي ورقه المواد المتبقيه يمكن انت مالك مواد حره ولما طلبتها مو مكتوب ولا ماده حره ماصدقت عيني


وفرحت لانها من عندهم من كمبيوتر الجامعه ومن موظفه اعطتني هاذي الورقه يعني وثقت انو صح الكلام هذا
طيب انا الان خلصت 104 وباقيلي 15ساعه يعني 119 ماحد يتخرج

يعني في غلط في الورقه لانو مو مكتوب و لاماده حره
يعني اكيد باقيلي 6 ساعات او 9


اااااااااااااااااخ بجد راسي صدع


بلييييييييييييييز اللي تعرف تفيدني

[)(Huda)(]

6 دخلو ومافي رد
طيب ارفع الموضوع
بدعوة حلوة

[@ندى@]

لا في بنات مالهم مواد حرة والورق تبين ان لكي او لا

روحي اسحبي ورقة ثانية من ميادة عشان تتاكدي انا صاحبتي مالها مواد حرة لانها من زمان كانت مسجلة

[روابي الروابي]

اسحبي ورقه من السكرتاريه في القسم
انا من عام 2005 وكمان انا في اترام كنت بس احضر اختبار لماده وحده بس بحكم ظروف عملي
وبداية العام اللي فات رحت للسكرتاريه وادتني خطه موضح فيها الساعات الحره اللي اخذتها واللي باقي وكمان معادلة المواد من الخطه القديمه والتخصص يعني واضحه
ارجعي مره تانيه وتري الموظفه اللي في السكرتاريه جديده وماهي عارفه شي انا رحت عندها يوم الاربعاء وقالت انا ماني عارفه شي عن البيان هذا اللي تبغيه
بس روحي اسألي عند مشرفة القسم جنب السكرتاريه على اليسار وان شاء الله تفيدك

[)(Huda)(]

مشكورين الله يكون في العون

[روابي الروابي]

حبيبتي اعذريني على التاخير
انا لمن رحت للسكرتيره طلعت خطه دراسيه موضح فيها الساعات اللي عديتها من مواد التخصص والمواد الحره
وكمان واضحه المواد اللي باقيه ماعديتها من التخصص والمواد الحره وكل شي في جدول وموضحين المواد اللي تعادلت ليه
وبالنسبه للساعات الي بقيت عليكي روحي لشئون المنتسبات في المبنى الثامن غرفه رقم 861 وان شاء الله يضيفو ليكي 8 مواد علشان تتخرجي هذا الترم
اللي اعرفه وسمعت عنه عند الاولاد يعطوهم 28 ساعه للي باقي عليه بس 28 ساعه للترم الاخير والله اعلم
وبالتوفيق حبيبتي

[)(Huda)(]

المشاركة الأصلية كتبت بواسطة @ندى@ لا في بنات مالهم مواد حرة والورق تبين ان لكي او لا روحي اسحبي ورقة ثانية من ميادة عشان تتاكدي انا صاحبتي مالها مواد حرة لانها من زمان كانت مسجلة

ممكن ندى تسالي صاحبتك كم عدد ساعاتها الموضوع اشغلني وظروفي ماتسمح اروح جده حاليا