اليوم كنت في مبنى 29 ...

[الكبسولة]

السلام عليكم

كيف الحال .. ان شاء الله طيبين .. ؟

ياشباب اليوم رحت الجامعه من الساعه 5 .. دخلت لكل خطة 6 قاعات .. انت اختار القاعة الي تعجبك .. داخل القاعه يعطونك الجدول ويوم السبت ( إلي هوا اليوم ) كان عندنا مهارات حاسب .. لغة انجليزية .. ثقافة اسلامية

جالنا دكتور الحاسب .. والله كان مرة طيب وحبوب قالها لنا من بدري اشترو ملزمة او كتاب لـ كــمـال جـمـبـي .. وقالنا ذاكرو الكتاب واحفظوه .. والاختبار بيجي منو

وبعدين جالنا دكتور الانجليزي .. اول ما دخل انا انفجعت شكلو مرعب بس طلع واحد مزبوط شرحو حلو وقالنا انو الترم دا معانا كتابين الاخضر والاحمر .. وكل كتاب له 14 وحدة .. بيحاول يشرحها لنا خلال اسبوعين .. ومــافـي شي محذوف وقالنا انو الاختبار حيكون اختيارات .. و80% من القرامر

وبعدين جالنا دكتور الثقافة .. باين من شكلو إنو جدي يعني مدرس منجد .. قالنا مافي اي حذف وتذاكرو الكتاب كلو .. وكان كل شرحو من الكتاب انا جلست ربع ساعه وبعدين مشيت .. حتى انو قالنا لا تجو يوم الربوع .. مع انو المفروض يكون يوم السبت والاثنين والربوع .. مشي حالك

وترا مرة ما يدققو على البطاقة .. اهم شي تعرف خطتك اش .. ويوزعو ورقة وتكتب اسمك فيها وانتهى

وبالله التوفيق ..

[عالية ناصر]

يؤ
معناته حكاية الكتابين مزبووطه

[الكبسولة]

ايوا .. داخله معانا يعني داخله .. بس ترا لا تشيلو هم .. تراه سهل .. اليوم اخذنا 4 وحدات ... في نص ساعه

[مشاعل الخليجٌ]

ااااااااااااااااااااااااااااااااااااااااعععععععععع عععععععع

4 وحدات في يومَ واحد يامصيبتيَ

ياربيَ اش الدلآخه ذيَ

الله يعيينَ ياربٌ

بالتوفيقَ لكَ ياخييَ

[طفله النجم]

الله يبشرك بالخير كبسوله

[عالية ناصر]

الله يعين
بس من جد نقعد نذاكر 4 كتب انجلش ولا كيف
ولا كتب التمارين مو مطالبين فيها ؟؟

الله يوفقك كبسولة وعقبال ماتبدا دورتنا

[المحتاسه]

طيب الحاسب ايش قالكم الدكتور نفس كتاب العام يعني المنهح مااتغير؟؟؟

[الكبسولة]

يامشاعل .. انتي لو شفتي الوحدات ماراح تصدقي انو دا الي بتدرسيه ... لأنو كلو افعال واشياء بسيطة ..

ولا تشيلو هم .. قالنا الدكتور لو بس ذاكرتو القرامر راح تنجحو .. لأنو الاختبار راح يجي 80% من القرامر .. بس مو انو ماتذكرو الباقي .. وكمان راح يجي اختيارات .. وشدو الهمه

[الكبسولة]

كتــاب التمارين ماطلبو ... انتو ما أدري كييف ... قلنا انو كتاب التمارين مو مهم .. يكفي انو كل كتاب 14 وحدة .. بس ترا الوحدة مو زي الثانوي ... يعني كأنو 14 درس ..

[الكبسولة]

وكتاب الحاسب تغير شي بسيط .. بس برضو الجديد أفضل .. يمكن يكون في شي مو موجود في الكتاب القديم

وقالنا اشترو كتاب لـ كمال جمبي ..