ارامكو ولا عبدالعزيز

[sumaya alghamdie]

السلام عليكم ورحمة الله وبركاته

كيفكم...ان شاء الله طيبين

انا بغيت اعيشكم معاناتي شوي مع ابوي وسالفة ارامكو

كل يوم لما ياخذني من المدرسة يقولي هااا يابنتي ابغاك تفتقين حيلك عشان تدخلين ارامكو زي اخوك

وانا اقول لاااااا الله لا يقولها ان شاءالله ادخل طب

يقوم يقول ارامكو احسن واضمن ايش تبغين في عبدالعزيز

قلتله مو شرط عبدالعزيز لوجاتني فرصة اني اروح برا ما حضيعها

تخيلو قالي ((ارامكو يسفرونك برا))يعني الحين انا مضيعة من عمري 12 سنة في دراستي

عشان بس اسافر وادرس برا خمس سنين

يقولي افرضي خلصتي السنة التحضيرية وما انقبلتي طب وش بتسوين ايش بيكون موقفك وقتها

طيب انا ابغاه يفهم ان طموحي ادخل طب ان هذي ميولي وارامكو تخصصاتها مو من اهتماماتي ولا ميولي ابدا

وانا مو غابرني غير شي واحد

زمان ايام الفله الله يذكرها بالخير وقتها كانت نسبتي ما تعدي 89 ولما اقولهم اني بدخل طب

يقولون يلا شدي حيلك وهم اصلا شايلين من روسهم اني ممكن اشد حيلي فكانو ياخذوني على قد

عقلي

والحين لما دخلت الثانوي وشافو نسبتي شاطحة فووووووووووووووق قالو بنتنا تدخل ارامكو ما تدخل طب

لييييييييييه صرت عبقرية في نظرهم الحين>>>>>>>>>اعصابك طيب

معليش بس والله منفقعه مرارتي

قلتله اسجل في الجامعات واسجل في ارامكو وبعدين يصير خير

قال التسجيل في الجامعات وفي ارامكو كله يكون في اسبوع واحد ولازم اودي اوراقي للجامعة

بعد القبول بكم يوم وارامكو نتايجهم ما تطلع الا في رمضان فلازم يا اودي شهادي هنا ولا هناك

وهو خايف يقول ايش يضمنلك تعدي السنة التحضيرية بمعدل عالي

انا ما ادري كيف اقنعه ان طموحي ادخل طب كلمة طموحي هذي احس انها مو راضي يستوعب معناها وياليت اللي عانى معاناتي يفيدني

وعلى طاري الفايده قولولي كيف كنتم تذاكرون في التحضيري

يعني افتح الكتاب وش اسوي ايش الخطوات وايش اصعب ماده

وكيف الاسئلة

واللي براسه كلمه مفيده يبطحها

وبس

يلا سلام

[彡yS❤Ry彡]

ماني فاهم شي هع مو المفروض ان التقديمات خلصت ؟!
يعني في هذا الوقت المفروض انك ياا في عزوز ولا في ارامكو ولا لسى في ثالث ثانوي
وضحي أكثر ^__^

[ملاك الجامعية]

>>>هذا المستخدم لم يفهم اي كلمه

عزيزتي وربي لخبطيني بس شكلك دخلتي عزوز

على العموم بالنسبة للدراسة ذاكري اول باول ولاتغيبي عن المحاضرات

وبالتوفيق

[sumaya alghamdie]

لا حبايبي انا لسة بالثانوي

بس من الحين نفكر باللي جاي

[surgeon]

ههههههههههههههههههههههههههه انتي خلص ثانوي ويسير خير

هههههههههههههههههه

سرجون

[JuStice]

.

وعليكم السلام ورحمة الله وبركاته ,

ما دام رغبتك طب وميولك للمواد اللي تُدرّس في الطب .. فلا تدخلي غير طب وحاولي مع أهلك وخليهم يتفهموا

موفقة

.

[drA]

كلمي الوالد بهدوء فهميه انه هادا مستقبلك انتي و انتي اللي بيدك تختاري في اي طريق تروحي ولازم زي ماهو كان صغير واخد فرصتة انه يحدد خياراته وقراراته في الحياة يصير يعطيكي انتي كمان دي الفرصة ما دام تبغي طب خلاص ما يبغالها كلام استخيري و ادخلي جامعة عبد العزيز و اتوكلي علي الله وان شاء الله اللي في خير يجيبه ربك و حتي لاقدر الله ما انقبلتي طب اقلها ما تعيشي بقية حياتك ندمانة انك ما حاولتي تدخلي طب

[malak saud]

سلآم ..
انا العام اتخرجت كنت مرا ابغى ارامكو كان نفسي ادخل هندسه كيميائيه او اقدم على بعثه طب مع اخويا
يعني كنت حاطه عبد العزيز اخرررررر الخيارات ..
المهم لما جا وقت التقديم قدمت على عبد العزيز يعني عشان كل الناس يقدمو عليها وعشان اضمن القبول في جامعه على الاقل
نسبتي الموزونه الحمد لله حلوه فانقبلت .. وجا تقديم البعث الخارجيه وكان في شرط انو لازم ما تكوني مسجله في اي جامعه فخفت اقدم وفي النهايه ما تجيني البعثه عند اخويا في امريكا فما قدمت ويومها من جد تحبطت ..
المهم ارامكو كانت املي كمان قدمت عليها وعلى فكره لا تخافي لما تقدمي ما ياخدو الشهاده الاصليه بس صوره طبق الاصل
عشان كدا لا تضيعي الفرصه شدي حيلك واهم شي جيبي في القدرات فوق الـ 80 لما تجيبي فوق الـ 80 تترشحي للقبول بعدين يعملو لكل البنات اختبار رياضيات وانجليزي لازم تعدي مستوى عالي عشان يقبلوكي المهم انا قبلوني بس التخصصات دي السنه ما كان فيها هندسه كيميائيه بس هندسه كهربائيه وعلوم حاسب وادارة نظم معلومات وتطوير سلسلة الامداد شي زي كدا
المهم انا اخترت كهربائيه .. بس حطوني علوم حاسب عشان كدا رفضت لانو ما عجبني يعني مو من التخصصات الي حانبسط فيها واحبها ..
عشان كدا دخلت عبد العزيز ,,و دحين انا تحضيري
اانا قصدي لا تعملي زيي وتجلسي تفكري كتيرررررر اانا كنت كدا العام طول الوقت افكر فين ادخل وايت الاحسن ..
يعني انتي شدي حيلك وجيبي اعلى العلامات عشان تاخدي فرص اكتر ولا تقدمي على مكان واحد على اكتر من مكان ولا تخافي ارامكو ما يطلبو الشهاده الاصليه الا لو وافقتي ووقعتي معاهم العقد يعني عادي تنقبلي في عبد العزيز وتاخدي البطاقه حقت الجامعه بعدين ارامكو لو تيسرتلك وتبغيها يكون عدى شهر ويمديكي تسحبي من عبد العزيز ..
ربنا يسهلك امورك ويوفقك ان شا الله ^^
بس انتي ادعي دايما انو ربنا يقرب منك كل خير ويرضيكي فيه ..

[XHUNTERX]

وعليكم السلام ورحمة الله وبركاته

طيب انا عندي وجهة نظر وفاهم كلامك انتي لاتاخذيها من ناحية انو ابوك يبغى تدخلي ارامكو الواحد يدرس ويتعلم ليش عشان الوظع الاجتماعي والمعيشي في كثير يخالفني وجهة النظر بس صراحه ارامكو عززززززززز

من ناحية الراتب من ناحية وضعك الاجتماعي و التعليمي بس ممكن تقنعين والدك بانه يصبر عليك الين ما تخلصي الطب وبعدين ممكن تدخلي مستفى ارامكو ؟؟؟

تحياتي

[彡yS❤Ry彡]

المشاركة الأصلية كتبت بواسطة surgeon ههههههههههههههههههههههههههه انتي خلص ثانوي ويسير خير هههههههههههههههههه سرجون

هههههههههههههههههههههههههههههههههههههه حلوة انتي خلص